ألواد /بـ لهجتنه 🫶🏻🤍
بارت 12
كاتبات مينا /اسو 💚🤍
____________________
وإنّك جارُ الوريدِ رُغمَ البُعد .
لا أحادثك لكنني أفكر بك دائماً .
____________________
(كوثر")
وصلنه باليل لبيت بموصل ويانه المهرب نزلنه البيت بي ناس تقريبا اربع عوائل النسوان بغرفه والزلم بغرفه كعدنا احنه بطرف والغرفه حاره امي حاضنتني وأريد اغفى لان تعبت من الكعده بالسياره نمت مدري شكد فزيت على صوت امي تصيح باوعت البنات جايين بس سيدره واسينات ماموجودات طلعت امي من الغرفه وكفت احجي
كوثر " اسينات وسيدره وينهن
رويده" ابوج أخذهم
كالت هيج عفتهم وطلعت ورا امي جانت بالصاله والصاله مثل ممر خوالي وجدو وجده ونايف وهيه كاعده بالكاع تبجي وتحجي تقربت يمهم كعدت يمها ابجي وياها
امل " شلون خليتو ياخذهم
محمد" والله سوينه الي بايدنا حتى نمنعه كال راح أبلغ عليكم وكلكم تموتون
امل " اني مستحيل اطلع بدون بناتي رجعوني واطلعو انتو
نايف" مايصير عمه نطلع ونعوفج نرجع كلنه
محمد " محد راح يرجع دزيت ورا أواد ونواف ويا يوسف خلي يجون نتفاهم
الحجي " كومي يابه دخلي جوا بين مايجون نواف وأواد نشوف شراح يصير
امل " يابه اني مراح اطلع بدون بناتي
محمد " والله راح اخلي نواف وأواد يجيبوهم بس كومو دخلو عيب زلم هنا
الحجيه " كومي يمه كومي أن شاء الله الولد يجيبهم
وكفت دخلت واني ضليت واكفه بأس جدو من راسي وكال
الحجي" دخلي جدو يم امج
دخلت للغرفه امي تبجي كاعده يمها خاله ام أواد وجده والنسوان الي بالغرفه كلهم يباوعون عليها كعدت كدامها حضنتني حجت ام أواد
ام أواد " مادام محمد داز ورا أواد ونواف راح يجون ويروحون يجيبونهم
امل " مراح ينطي ماتعرفون معتصم انتو
حجت مره من الي كاعدين تسأل ليش امي تبجي كالتلها جده السالفه جابولنه اكل امي ما اكلت حتى اني اكلت شوي الغرفه مو جبيره هواي بس الجهال نامو والكبار ضلو كاعدين وماكو غير غرفه بس اثنين خلت امي راسي بحضنها تمسح على شعري غمضت عيوني ونمت كعدت الفجر من امي كامت من يمي وطلعت هيه وام أواد وجده طلعت وراهم جانو بالممر واكفين نواف خالي محمد وأواد ونايف حجه نواف بعصبيه
نواف " يعني كلكم ماكدرتو على معتصم ويوسف وياكم
محمد" ولك ابني شنكدر نسوي واحد إرهابي يهدد يبلغ عنا
YOU ARE READING
ألواد
Actionوهل يعلم الراحـلون اي جـمرة تـركوا في صـدور الـنفوس الباقيـه لن انسى أبدًا تلك الليلة فجعه وفاتك في حُنجُرَتي طَعّم بُكاءٍ مُر يُرهِقُني جِداً ثم ان الشَوق للمَيت يُميت بين القبور الهادئه هُناك روح أُحِبُها سينطوي تـعب الأيام ، كأنه لـم يكُن
