يجلس على الكرسي امام مكتب رئيس المباحث بملامحه البارده و هدوئه المعتاد و يجيب على كل سؤال يُلقى عليه
- يعني هو اللي حاول يتعدى على موظفتك و انت دفعت عنها
كان هذا الشرطي يوجه حديثه لأيهم الذي هز رأسه بالإيجاب كرد لسؤال الاخر
فهمهم الشرطي ثم قام بمنادات العسكري ليدخل ، فأمره قائلاً :
- دخلي الواد اللي بره
- امرك يا باشا
قالها العسكري ثم خرج و جعل الشاب يدخل كما امره الاخر ثم اغلق الباب
اقترب الشاب و وقف امام مكتب الشرطي و هو مُطأطأ الرأس ناظراً للأسفل ، فتحدث الشرطي بصوته الحاد و هو يوجه حديثه للشاب :
- احكيلي بقا اللي حصل
رفع الشاب رأسه و كان التوتر ظاهر بوضوح على معالم وجهه ، ابتلع ريقه ثم بدأ يقص له ما حدث بصوت جازف في اخراجه ثابت دون ان يظهر عليه توتره :
- انا و رامي اللي هو صاحب العربيه كنا في طريقنا عادي بس رامي من غير ميقصد موبيله فلت من ايده و وقع من الشباك ، فوقف العربيه عشان ينزل يجيبه و قبل مينزل فجأه حسينا بعرابيه خبطت فينا من ورا ، فنزل رامي عشان يشوف فيه ايه لقيت البنت اللي كانت بتسوق العربيه اللي هي خبطت فينا بتقرب من رامي وهي متعصبه و قعدت تزعق فيه و كانت هترفع ايدها عشان تضربه بالقلم لكن رامي لحقها و مسك ايداها قبل متعملها و كان لسه هيكلم عشان يوقفها عند حددها لكن جه الاستاذ *كان يشير على أيهم بيد مرتجفه دون ان ينظر له خوفاً منه* ده و بدأ يضرب فيه جامد لحد ما لقيت رامي اغمى عليه من كتر الضرب ، روحت مسكت التليفون و اتصلت بالاسعاف و بالبوليس عشان يلحقونا قبل ما الموضوع يكبر ،و لما قفلت التليفون و جيت ابص عليهم تاني لقيت البنت مشيت و هو واقف مكانه زي ما هو و باصصلي
كان الشرطي يسمعه بتركيز ،و أيهم كان ينظر له ببرود ثم ابتسم بسخريه عندما انهى الاخر حديثه قائلاً و هو يضع يده اسفل ذقنه :
- بجد والله كل ده حصل
ثم تحدث الشرطي قائلاً للشاب :
- و البت لما كانت بتزعقله كانت بتقول ايه ؟
تحدث الشاب بعدما بلع ريقه للمره المئه :
- معرفش يا باشا مكنتش سامعها عشان كنت قاعد في العربيه و هما كانو وقفين بعيد عنها
همهم الشرطي يمثل الاقتناع بحديثه ثم قال له مره اخرى :
- و يا ترى لما شوفت صاحبك رامي ده بيضرب منزلتش و دفعت عنه ليه ؟
- كنت خايف
قالها الشاب بتلعثم و هو يخفض بصره للأرض
كاد الضابط يتحدث و لكن قاطعه صوت الباب و هو يفتح بهاجميه دون طرق مما جعل كلاً من في المكتب ينظر تجاه الفاعل ، و عندما نظر أيهم وجد رجل ضخم البنيه طويل القامه عريض الاكتاف صاحب جسد رياضي و ملامح وجهه الحاده ظاهر عليها الغضب، و عرف انه في منتصف عمره اي في نفس عمر والده تقريباً عندما لاحظ الخصلات البيضاء التي تحتل شعره و الكثير منها في لحيته المنظمه ، دخل هذا الرجل بخطوات منتظمه و مسرعه ..و يتبعه دخول فتاه خلفه ؛ عقد أيهم حاجبيه بأستغراب و هو ينظر للفتاه هامساً :
![](https://img.wattpad.com/cover/327569755-288-k553809.jpg)
YOU ARE READING
عــشـــــق آل جـــــبـران "عندما يجمعنا القدر صدفه"
Romanceدائماً ما تجمعنا اقدارانا مع اشخاص ليس من الضروري ان يشبهونا ،و لكننا مع ذلك ننجذب لهم بتلقائيه دون ان نشعر ، ربَّ لأن الأقطاب المختلفه دائماً ما تتجاذب..! ♡•••• وَ كَانَ كُلُّ شَيءٍ عَلَى مَا يُرَام إِلَى أَنْ .... اِلتَقَت عَينُكَ بِعَينيِ • ...