١
' بسم الله الرحمن الرحيم '
-
لا تصغرين النفس وأنتي كبيرة
ولا تمسكين الوقت وأنتي الخيارات
ولا تكشفين الجرح وأنتي ستيره
ولا تحجّمين الدرب وأنتي المسافات
ولا تسمعين الزيف وأنتي بصيرة
ولا تغيرين الطبع وأنتي القناعات
ولا تزرعين الورد وأنتي عبيره
ولا تحترين الشمس وأنتي الصباحات
ولا تشابهين بشي وأنتي الاخيرة
ولا تسابقين الغير وأنتي البدايات
ولا تقبلين القل وانتي كثيره
ولا تطلبين الحل وانتي الاجابات
-
" غرورك اللي علّم الطاووس نفش ريشه "
عائلة عقاب بن جرّاح
العمر
عقاب بن جراح ٥٨
نوره بنت حمد ٥٥
ساري بن عقاب ٣٤
جاسر بن عقاب ٣٢
ثنيان بن عقاب ٣٠
نهار بن عقاب ٢٦
أصايل بنت عقاب ٢٤
عائلة مساعد
مُنيف بن مساعد ٢٦
ملاك بنت مساعد ٢٥
عائلة محمد
محمد بن خالد ٦٠
وفاء بنت رجب ٥٧
منصور بن محمد ٣٠
شادن بنت محمد ٢٥
جالسه على المكتب مركبه سماعاتها ومندمجه بين أوراقها لين طلعت لها ورقة منصور بن محمد
رجعت ظهرها لورا تتأمل اسمه والحكم المسجل عليه والدّيه المثبته وقرابتها ٣٠ مليون ، اندمجت في الأوراق تحسب اللي إندفع من ٣ سنوات للآن كم وهمست:متبقي ١٥ مليون
تنهدت تحط الورقه على المكتب وتحط راسها على الاوراق وتغمض عيونها تذكر صراخها ومشهد منصور وهو رافع عصا بيدينه ويضرب فيها الشخص اللي تحته بدون رحمه بدون شفقه بدون توقف بكُره ببغض بحقد بغضب وهو يصرخ لين غرقه بدمه ، صرخت بتكرار تحاول فيه يتوقف ونادته بتكرار:منصور منصور تكفى
رفعت راسها من دق الباب ونزلت سماعتها تناظره يدخل:انا من قضية أهل الميراث
هزت راسها ووقفت تاخذ الملف وشنطتها وتخرج ومش
مشى وراها الرجل المسن:بنربحه ؟ بيرجع لي حلالي وحلال عيالي ؟
ابتسمت ملاك وهي تمشي معه وهزت راسها بكل ثقه وفتحت سيارتها تركب وتحرك للمحكمه ناظرت جوالها اللي يدق وردت:هلا شادن
شادن:ماخلصتي شغلك ؟
ردت وهي تسوق:للعصر الله وكيلك
شادن:وش عندك ؟
ملاك:الصبح خلصت معامله بالأحوال والحين طالعه عندي قضية ميراث لابن ست وستين كلب سارقين حلال اخوهم
شادن ضحكت:عليك فيهم، بس العاده قضاياك شيوخ وش صار واخذتي قضية المنتف ذا
ملاك ابتسمت:لان الشيخ العود ينتظرني هناك
شادن:عائله جديده ؟
ابتسمت ملاك توقف عند المحكمه:هالمره الربح الكبير قولي يارب
شادن:يارب
قفلت منها ونزل تمشي بالمحكمه ومعها صاحب القضيه لفت له:حافظ كل شي أمليته عليك ؟
هز راسه:حافظ
ملاك هزت راسها تمشي ووقفت عند المبنى المخصص وجلست وهي تراقب ساعتها
-
التفت لعقاب اللي جالس:هذي طال عمرك
عقاب:مَره !
ابتسم ناصر:ماهي أي مَره تطلع الظالم مظلوم وتاخذ حقوق لها سنين هالبنت مصيبه طال عمرك
عقاب التفت عليه:تطلع نهار من بلوته ؟
ناصر:ادخل مشاهد بالقضيه ماسكه قضية ميراث وانت تعرف صعوبة الميراث ، الرجال اللي جالس جنبها مسلوب حقه من الميراث من اخوانه من ١٦ سنه واخذت القضيه قبل سته شهور وهذي اخر جلسه
اخذ نفس عقاب وهز راسه يراقبها ووقفت تدخل ودخل معهم وجلس
بدت تحاور القاضي وتقرأ من أوراقها بنظارتها الطبيه وتراقب بعيونها الجميع بفطانه بثقه وكأنها ذيب بين ذيابه ، طالت الجلسه وعقاب يناظر ساعته لين أعلن القاضي نصيب صاحب القضيه بمبلغ نصيبه من الورث وابتسمت ملاك تلف لأخوانه الحضور وكأنها تعزيهم في جبروتهم وابتسم صاحب القضيه:حمدلله يارب حمدلله
لمت أوراقها واخذت شنطتها وخرجت وهي تنزل نظارتها
ابتسمت من سمعت صوت خلفها:ملاك بنت مساعد
ولفت وناظرت الرجال اللي قدامها لابس شماغ وثوبه نظيف وحاله حال ناس تعرفهم ناس شيوخ نفس اللي تعرفهم وناظرت ناصر خلفه وتعرف ان ناصر اللي جابه لها
هزت راسها له:وصلت
عقاب:معك عقاب بن جراح
رفعت حاجبها:العميد !
ابتسم عقاب:تسمعين لمجالس الرجال واجد شكلك
ابتسمت ملاك:اسمك حتى بمجالس الحريم يذكر
ضحك يفهم تعليقها بإنه رغبه لحريم كثير من منصبه وفلوسه وشخصيته
عقاب:عندي قضيه تخص ولدي وماودي يتضرر منها لأنها حساسه
ملاك:متحرش ؟
عقاب شد على فكه من صوتها المرتفع وتكلم بهدوء:هِنا ؟
ملاك:تدل حيّ الياسمين ؟
سكت عقاب وكملت ملاك:مكتب ملاك بنت مساعد ونتكلم الساعه ٩ الصبح ان شاء الله ، سلام
مشت تاركته محله وشغلت سيارته ولفت من دق شباكها ناصر وابتسمت تفتح له:تدور نصيبك ؟
ناصر:والله دليته لان ابي خير من تحت كفه
ملاك:وتبي خير من تحت كفي بعد ! ماني معطيتك شي يكفي طمع
ضحك ناصر:محد يجيب لك اخبار هالمحكمه غيري ، مو لصالحك
ضحكت ملاك تهز راسها وحركت سيارتها راجعه للبيت
دخلت البيت وفتحت جوالها وهي تفصخ عبايتها وتتصل وتقدمت للمطبخ وحطت جواله سبيكر وهي تشغل مكينة القهوه وجاها صوتها
:هلا
ملاك:توقعي من كلمني ؟
شادن:لا تقولين ! العميد ؟
ضحكت ملاك تاخذ فنجانها:براسه واذانيه ، جاني عشان قضية ولده اللي طلع حسّها وكلمت ناصر يحليني بعيونه لين أقدر اخذ القضيه انا
شادن:انتي تقولين شي وما تجيبينه ؟
ملاك ابتسمت:تدرين لو يصير اللي ببالي ؟ تدرين لو اقدر اجيب راس العميد عقاب بن جراح وش يصير ؟ اطلع منصور بشهرين بس
شادن:وتدرين لو منصور عرف كيف ديّته قاعده تندفع وش بيصير ؟
ملاك:مو لازم يعرف
شادن:تتوقعين ما بيسأل بعد ما تخرجه بنت عمه وحبيبته وخطيبته ؟
ملاك:انتي أدرى بأخوك منصور ما يتعمق بتفاصيل نقول أتعاب قضايا
شادن:اتعاب قضايا تسدد ديه ؟ قولي لعب بمجالس شيوخ
ملاك:لا تكثرين كلام بسهر الحين وارتب اموري بكره بيزورني بالمكتب ومن هنا ببدأ اتحرك بخطوات مدروسه
شادن:الله يقويك
ملاك قفلت جوالها وفتحت تويتر وهي تشرب قهوتها وتقرأ حساب ساري بن عقاب بن جراح المشهور بتويتر اللي يغرد بالإعلام ومثقف فيه نزلت تدور بالصور وشافت صورته مع ابوه وكاتب على الصوره : هذا الشبل من ذاك الأسد
ورفعت حاجب تتأمل عقاب بن جراح ، عميد وشيخ قبيلته أب لأربع عيال وبنت وحده ، حديث الحريم ومطلبهم يختار وحده ثانيه وتكون خدامه عنده من العزّ اللي عايشه ، يملك متاجر وأسواق ومساجد ومجلسه مفتوح دايم للرجال تقاعد من القطاع العسكري لكن لا زالوا ينادونه عميد عقاب
حطت كوبها تدور رقم مسميته أم زكي ودقت عليه وهي تناظر ساعة يدها
أم سعيد:هلا بالشيخه
ملاك ابتسمت:عندنا علوم جديده يا أم سعيد
أم سعيد:بخدمتك اذا بتحلينا
ملاك:تعرفين بيت العميد عقاب ؟
أم سعيد:أم ساري تحبني
ملاك:أم ساري !
أم سعيد:حرم العميد عقاب ، نوره
ملاك:ونوره ثابته لهالوقت بحياة العميد ليه ؟ ملصقته بغراء ؟
ضحكت ام سعيد:دارسه تفاصيل حياته ما يستغني عنها العميد ، تسألين بتدخلين بحياتهم نفس الشيوخ الأولين ؟
ملاك:لا ادردش معك
ام سعيد:وتعرفين الدردشه معي غاليه
ملاك:كل معلومه بقيمتها ، اسمعك
-
دخل البيت وبيده شنطته وطلع للدور الثاني يمشي للصالات لين وصله حسّ امه تكلم ودخل وابتسمت تناظره وفتحت يدينها وهي تكلم وتقدم يبوس راسها
نوره:ثنيان حبيبي وصل اكلمك بعدين يا ام ماجد
قفلت وناظرت ثنيان:امي شخبارك ؟ ابطيت ياحبيبي راح لونك بهالبحر اللي غرقت فيه
مسك قلبه ثنيان:اي والله غرقان يا امي
ضحكت نوره:ابوك لو يشوف جلدك المحروق هذا يقول ندامه لو ما حرقته العسكريه
ضحك ثنيان:ماعليك اعرف للعميد انا ، وين اصايل ؟
نوره:ماهي هنا طالعه اليوم تقول عيد ميلادها تبي تحتفل مع صديقاتها
ثنيان:معي علم رجعت عشانها
نوره:اخوك نهار موجود بغرفته اذا تبي تشوفه
ثنيان:معاقب ؟
نوره تنهدت بضيق ووقف ثنيان ومشى لغرفة نهار ودق الباب ودخل والتفت نهار وابتسم:ثنيان
ثنيان ابتسم ووقف نهار يسلم عليه:ارحب
ثنيان:مروق ولا كأن اسمك بالمحاكم متحرش
نهار:جاي تكمل كلام العميد ؟
ثنيان:بالله وش هالبرود ؟ بتنفصل من شغلك بفضيحه
نهار:الله والشغل اللي ميت عليه
ثنيان:وش سويت طيب ؟
نهار:ابوي بيحلها قالي لقي محامي وبيكلمه وبيطلعني منها
ثنيان:ضامنه ؟
نهار؛ابوي يقول اي بيقابله بكره ويبيني اروح معه
ثنيان هز راسه:شوف المحامي وان ما جاز لك كلمني ، لقيت محامي زين نجربه
نهار:ان شاء الله
لف بيخرج ثنيان وناظر ابوه اللي داخل وتنحنح وتقدم لهم وناظر ثنيان:جيت ؟
ثنيان هز راسه:قبل شوي
عقاب:عرفت الكلب ذا وش مسوي ؟
ثنيان ناظر نهار اللي واقف ولف له:بسيطه ان شاء الله
عقاب:بسيطه ؟ متحرش بأعراض الناس وشرفهم بسيطه ؟
ثنيان سكت يناظر نهار ولف عقاب لنهار:بكره تصحى ٨ وتجيني لموقع برسله لك تفهم !
نهار:سمّ
عقاب ناظرهم وخرج ولف ثنيان لنهار وخرج وقفل غرفته وراه
-
أصايل دخلت البيت وبيدها بوكيه ورد وبالونات وهدايا وابتسمت تدخل غرفتها وتحطهم وتتصور بالمرايه
ضحكت تنزل عبايتها وتدور بفستانها القصير وكعبها ومشت تشغل اغنيه بسماعات غرفتها وتفتح هداياها لين انتبهت للي واقف وضحكت ترفع صوتها:جاي تهنيني ؟
قفل الاغاني عقاب:تأخرتي
أصايل:صحباتي معاي وسهيت ماحسيت بالوقت
عقاب هز راسه:عسى دلعوك ؟
ضحكت أصايل:حييل بس الدلع الحقيقي منك
عقاب هز راسه:نحل موضوع نهار اخوك بالأول
أصايل:وش صار بموضوع نهار ؟ لقيت محامي كويس ؟
هز راسه عقاب:سهالات بس ودي يتعاقب لين يتربى ويكبر هالبزر
أصايل:طمني اذا انحلت
عقاب:ان شاء الله
خرج تاركها ومشى ولف من انفتح باب غرفة ساري وهو يناظر خلفه:اذا عرفتي تتكلمين معي قعدت عندك عيشتك تقصر العمر
لف وسكت من شاف عقاب وتقدم عقاب وخرجت جنى وناظرت عقاب وبلعت ريقها وسكتت
عقاب:عسى ماشر !
ساري:ولاشي سلامتك
عقاب:وين رايح ؟
ساري:طالع باخذ لي اغراض
عقاب:الحين ؟
ساري هز راسه وناظر جنى عقاب ورجع ناظر ساري:امش مكتبي بس
مشى قبله وتنهد ساري يلف بحده لجنى ويمشي خلف ابوه
دخل المكتب عقاب:تقولي تقصر العمر !
سكت ساري يوقف قدامه وجلس عقاب:ليه تتزوج اذا بترفع صوتك على مرتك ؟
ساري:ابوي غثتني وما تحملت
عقاب:ليه غثتك ؟
ساري:حركات حريم تغار وتخترع سوالف بمخها وشكاكه
عقاب:كل ذا ؟
سكت ساري ورفع حاجبه عقاب:انا ان دخلت بيتي مَره عزيتها وقدرتها ومرتك تعزها وتقدرها تتفاهمون بهدوء ما انت بزر تصرخ على مرتك وتطلع وتخليها ! ، هذي تركت اهلها كلهم وجات تعيش معك ببيتك مع اهلك ، تعاملها بلين بأدب مثل ماتبي يعاملون اختك أصايل لا تزوجت
ساري هز راسه يضغط على كفه وكمل عقاب:صوتك لا ترفعه على مرتك
ساري:سمّ
عقاب اشر له يخرج وخرج ساري واخذ نفس بغضب وخرج من البيت
-
لبست عبايتها واخذت مفتاح سيارتها وطلعت حركت رايحه لمكتبها وهي تناظر ساعة يدها ووقفت عند المكتب تاخذ شنطتها وتنزل
لفت من شافت السياره السودا المظلله بالمواقف ونزلت نظارتها وهي متأكده انها سيارة عقاب
فتح شباكه عقاب يأكد لها ظنونها وهزت راسها له ودخلت
ناظرت ساعتها ٨:٣٠ وجلست على المكتب تنتظره لكنه ما دخل لين صارت ٩ تماماً نفس وعدهم ودق الباب ودخل:سلام عليكم
ملاك:وعليكم السلام
مشى يجلس وناظرته ملاك:حياك الله العميد
ابتسم لانه يحب ينادونه العميد وناظرته مبتسم:جاي لوحدك !
عقاب:نهار معي لكنه أبطى مع اني ملزم عليه بالوقت
ملاك:مو مشكله تسمعني القصه منك ؟
عقاب:نهار ياطويلة العمر في واحد رافع عليه قضية تحرش بإخته بدون دليل واخته معه تقول انه تحرش فيها وعزمها بمطعم وركبت بسيارته وشافهم اخوها تضارب مع نهار وكسّر سيارة نهار واشتكى عليه
رفعت حاجبها ملاك:وليش نهار ما بلغ ؟
عقاب:وصلني العلم بدري وقلت بحلها انا
ملاك نزلت نظرها ثواني ورفعت راسها من دق الباب ودخل نهار بإبتسامته الجذابه وشخصيته اللي باينه عليه من لبسه وشكله ونزل نظارته وعينه على ملاك وابتسم يناظرها هو ماتوقع ان المحامي المقصود بنت ومو اي بنت
تقدم ولف عقاب:بدري !
ابتسم نهار والتفت لملاك:اعذرينا
نزل انظاره لإسمها على مكتبها ورجع ناظرها:ملاك !
ملاك اشرت له يجلس وفتحت لابتوبها:متحرش بالبنت ؟
ناظر ابوه نهار ورجع ناظرها:حشى
لفت ملاك تناظره:دليلك ؟
نهار رفع كفه على الضربه اللي تحت عينه
ملاك:هذا دليل لتحرشك
دخل عامل ومعه دله وتمر وحطها قدام عقاب وصب له فنجان وناظرته ملاك:بسمع القصه منك يانهار
نهار ابتسم ولفت ملاك على ابتسامته ونظراته لها:مع انها واضحه لي
نهار بلل شفايفه يصد:نفس ما قالك ابوي البنت تقول اني تحرشت فيها بس هي ركبت معي برضاها
ملاك هزت راسها وهي تسمعه وكمل نهار:يوم شافها اخوها قالت له اني انا اجبرتها وتحرشت فيها
عقاب همس:الله على التربيه
نهار ناظر ابوه اللي يراقبه ورجع ناظر ملاك:بس ما تحرشت فيها والله يعني الوضع دردشه
ملاك:اخرجك منها
عقاب لف عليها وناظرت لابتوبها ملاك وحكت جبينها ثواني ولفت لنهار:عندك تطبيق توصيل اشتغلت فيه من قبل ؟
عقد حاجبينه عقاب:لا ما يحتاج يشتغل شغله كذا سكت ثواني نهار ولف لملاك :عندي بس ما وصلت فيه اي طلب
لف عقاب عليه بحده وسكت نهار يناظره
ملاك رجعت ظهرها لورا:طيب اطبع لي تقديمك بالبرنامج وجيبه
نهار هز راسه وكملت ملاك:بس ركبت معك بالسياره ؟ ما نزلتم منها لمكان ؟
نهار ناظر ابوه:لا ، وقفت درايف ثرو اخذت قهوه
ملاك:من دفع الحساب ؟
نهار:انا
عقاب:كريم
بلع ريقه نهار وكملت ملاك:وغيره ، ارسلت لك شي ؟ رسايل صور ؟
نهار:ما امداني اخذ سنابها بس طلبت رقم حسابي عشان ترد لي فلوس القهوه قالت ما تبغى تكلف علي ومدري وش
عقاب حرك راسه بغضب ولفت ملاك عليه:اشرب قهوتك ياعميد
عقاب ناظرها:ما تنزل من زوري
ملاك:الامور طيبه وطيش عيال بيعقل
نهار حك شاربه يصد عنهم
ولفت ملاك:متى حولت لك الفلوس ؟
نهار؛واحنا بالسياره سوا
ملاك؛واخذتها ؟
نهار هز راسه:اصرت علي مع انها ٤٨ ريال
ملاك:اطبع لي ايصال التحويل بختم البنك وجيبه مع باقي الاوراق
ولفت ملاك لعقاب:بيطلع منها والعلم بيكون كذا ، اخذها من برنامج توصيل وركبت معاه على هذا الاساس وعلق البرنامج وطلبها تحويل لحسابه البنكي وحولت له المبلغ وكانت خارجه بدون علم اهلها او اخذها من مكان شبهه وشافها اخوها وتهاوش مع نهار
عقاب:نكذب ؟
ملاك؛اذا يبي الصدق خل يقوله
لف عقاب لنهار وعض شفته نهار ولفت ملاك عليه:اذا جبت الاوراق نشوف التفاصيل ونقلب الطاوله عليهم لا تقلق
عقاب:مانبي نقلب الطاوله نبي نطلعه وبس
نهار ناظر حدة نظرات عقاب له وهزت راسها ملاك؛ريح بالك ياعميد الأمور هيّنه
لف عقاب لنهار ووقف نهار:مشكوره يعطيك العافيه
خرج تاركهم ولف عقاب عليها:ما تكلمتي عن أتعابك
ملاك:اطلبها بعد ما يتبرأ نهار من الموضوع
عقاب هز راسه:الله يسهل
ملاك:اذا تحدد موضوع المحاكمه برسله لك على طول
عقاب:ماتقصرين
وقف يخرج وخرجت ملاك تقفل مكتبها وتنزل للمواقف ناظرته يمشي لسيارته اللي يسوقها سواق وهو يركب بالخلف
وناظرت كفر سيارتها وتأففت ورفعت جوالها وتقدم بسيارته عقاب يوقف ويفتح شباكه:عسى ماشر
لفت له من انتبهت عليه:بنشر الكفر
عقاب ناظر الكفر:مستعجله ؟
ملاك؛عندي جلسه بس مو مشكله الان اكلم احد يمرني
عقاب:اركبي اوصلك
ملاك ابتسمت بهدوء:قبل شوي ناقد ولدك لانه مركب بنت معه ما يعرفها ياعميد !
ابتسم عقاب:كلاً ونيته يابنت مساعد
ابتسمت لانه يذكر اسم ابوها ولفت تناظر سيارتها وقفلتها ومشت تركب جنبه وحرك السواق
عقاب:ابوك وش شغله ؟
ملاك:ابوي يطلب الرحمه
عقاب لف لها:الله يرحمه
ملاك هزت راسها:اللهم امين
عقاب:من مبطي ؟
ملاك:قبل عشر سنوات هو وأمي سوا بحادث
عقد حاجبينه عقاب:اعوذ بالله
ملاك:تركوني انا ومنيف اخوي عند عمي وراحوا للعمره وهم راجعين صار لهم حادث
عقاب:الله يغفر لهم يارب
ملاك ناظرت الطريق:اللهم امين
عقاب وقف عند المحكمه ولفت ملاك عليه:ماقصرت ياعميد ومو غريبه عليك
ابتسم يهز راسه واخذت شنطتها ونزلت ورفعت عيونها على اللي نزل من سيارته جايهم وجمد وجهه من شافها تنزل من سيارة ابوه
ناظرته وقفلت الباب ودخلت للمحكمه وحركت سيارة عقاب وعقد حاجبينه ثنيان وركب سيارته يلحق سيارة ابوه اللي وقفت ببيتهم ونزل:ابوي
لف عقاب عليه وتقدم ثنيان:كنت ادور لك سألت الخدامه قالت لي السواق موديك للمحكمه
عقاب:اي كان عندي شغل خلصته وجيت
ثنيان:موضوع نهار ؟
عقاب:لا
سكت ثنيان ودخل عقاب البيت وخلفه ثنيان
لف للخدامه ثنيان وناظر عقاب لين دخل ونطق:حمدان وين يودي بابا ؟
مريم:يقول محكمه
ثنيان؛مين معاه ؟
مريم:ما يعرف
مشى يدخل الصاله ورا ابوه وسمع نهار اللي يتكلم مع امه:طلعت بنت وانا والله ما توقعت لكن ابوي يقول انها زينه وباين عليها
لفت نوره على عقاب:بنت ؟
عقاب هز راسه؛محاميه شاطره وفطينه
ساري:وليه محاميه كان خليت محامي يفكها
عقاب:وش الفرق ؟ رجال والا مَره ؟
ثنيان جلس:من وين عرفتها ؟
عقاب:بالسمعه
سكت ثنيان يناظر ابوه ولف نهار:بس وش مَره اقسم بالله إسم على مسمى ملاك
لفت نوره:ملاك ؟
هز راسه عقاب يهمس وهو يناظر فنجانه:ملاك بنت مساعد
ناظره ثنيان ولف لساري اخوه اللي قدامه ولف ساري يدق ذراع نهار اللي ناظرهم وسكت
طلع جواله عقاب من جاته رساله واخذه يقراها كانت موعد الجلسه
وحط فنجانه وخرج من عندهم يتصل ولف ثنيان عليه وتقدم للشبابيك الطوال وناظر ابوه يخرج وهو يكلم ولف لأمه اللي تتكلم مع نهار
خرج لورا البيت ودق باب غرفة السواق وخرج حمدان؛ايوا
ثنيان ناظره:مين اخذت اليوم للمحكمه مع بابا ؟
حمدان:ما يقدر يقول
عقد حاجبينه ثنيان:وليه ؟
حمدان:بابا عقاب يعصب هو يقول لا يقول لاحد
ثنيان سكت لثواني ودخل يده بجيبه يطلع بوكه وبلع ريقه حمدان من طلع له فلوس وحطها بجيبه ثنيان
حمدان؛ملاك
ثنيان حك شاربه؛اول مره تركب مع ابوي ؟
حمدان:لا دايم بابا يروح مكتب حق ملاك وياخذ ملاك مطعم
ثنيان رفع حاجبه:مطعم ؟
هز راسه حمدان وسكت ثنيان يمشي من عند حمدان ودخل البيت وهمس:وش تسوي يا ابوي
-
قفل غرفته حمدان وناظر مريم اللي جالسه عنده وتكلم بجوالها:خلاص مدام حمدان يقول نفس ما انت يقول
شادن؛خلاص مريم تعالي بكره صباح بيتي انا يعطيك فلوس حقك وحق حمدان
مريم ابتسمت:اوووه شكراً مدام
قفلت شادن واتصلت على ملاك اللي ردت وهي تسوق:هاه وش صار
شادن؛ولده اللي شافكم سأل السواق والسواق قاله اللي قلتي عليه
ابتسمت ملاك:اقبعت
شادن:طيب ليش تسوين كذا بينكر ابوهم بالنهايه ويصدقونه
ملاك:هو بينكر لو سألوه لكن الفكره بتصير علن وان صارت علن يمكن تدخل براسه ويتخيلها وتصير
شادن سكتت وكملت ملاك:نقول انها كذبه لين يصدق الكذبه وهوب بكره انا الشيخه زوجة الشيخ والعميد عقاب
هزت راسها شادن :مدري كيف بتقوين تدخلين عايلتهم
ملاك:متعوده على عيشة الشيوخ واعرفهم واعرف حياتهم زين
شادن:ماتعرفين غير خدمهم اللي ما يخلون كلمه ما يقولونها اي حياه الله يعافيك ملاك
ملاك:بجيب الباقي من دية منصور وبيخرج وتشوفين ياشادن
شادن:الله يقويك اذا فيها منصور
ملاك:امين
شادن:وين رايحه انتي الحين؟
ملاك:ورا بنته
شادن:انتي ما بتريحين ؟
ملاك:حار بحار
شادن:طيب وعلميني وش يصير معك
ملاك:طيب
قفلت وهي تشوف سيارة أصايل اللي وقفت عند النادي ونزلت ملاك خلفها تدخل النادي
فصخت عبايتها تحطها باللوكر وهي لابسه ملابس الرياضه واخذت سماعتها تلبسها وعينها على أصايل اللي بدت تمرين ووقفت جنبها على السير وناظرتها:ابدي تسخين لا تستعجلين
لفت أصايل:هلا !
ملاك:خفضي سرعته عشان لا تنشد عضلاتك
أصايل ضحكت:مبتدئه واتوقع واضح ، جايه عشان عندي ملابس رياضه ابغى احللها
ابتسمت ملاك:جسمك رياضي ماشاء الله بالعكس اللي يشوفك يقول رياضيه
أصايل:جينات الصراحه
ابتسمت ملاك تصد عنها وهي تلاحظ نظراتها ونطقت أصايل:انتي جسمك خيال ماشاء الله رياضه صح ؟
ملاك؛لي ست سنوات ما قطعت النادي
ابتسمت أصايل بإعجاب تتأملها كانت طويله وجسمها مرسوم ورياضي وعنقها طويل ورافعه شعرها فوق وسماعتها على راسها وطبع أصايل تحب البنات وتحب تعرف لبسهم والترندات وتبي تكون بجانب اي بنت مهتمه بنفسها لان على قولتها صاحب العالي تعلا معه
أصايل:مسويه فلر ؟
ملاك ابتسمت تدري انها بدايه لشي تبيه
وقفت السير:لا بس ودي اجرب تعرفين عياده كويسه
قفلت السير اصايل تمشي معاها وتسولف وتفتح جوالها توريها صور صحباتها وتشرح لها بوجهها
أصايل :اذا فاضيه بكره عندي موعد بالعياده تعالي وخذي موعد معاي
ملاك؛ان شاء الله اكيد يصير ارسلي لي سناب قبلها
ابتسمت أصايل:اوكيه
خرجوا سوا وابتسمت تفتح سيارتها ملاك ولفت من ركبت أصايل بسياره بجانب سيارة ملاك
وناظرت اللي يناظرها هي عرفته هو اللي شافها مع ابوه الصبح ومن نظراته عرفها بعد
صدت تشغل سيارته وتحرك ولف ثنيان وهو عاقد حجاجه يناظرها لين اختفت ولف لأصايل:مين ذي ؟
أصايل ابتسمت؛عجبتك ؟ ملاك اسم على مسمى قمر وانا احب البنات الحلوين صراحه
ثنيان:من وين عرفتيها ؟
أصايل؛قبل شوي بالنادي سولفنا سوا
حرك سيارته ثنيان وهو يناظر الطريق وساهي وناظر جواله اللي يدق وقفله ولفت له أصايل:غريبه فكرت تجي تاخذني
ثنيان:بحتفل فيك
ضحكت أصايل:طيب قول مفاجأه !
ابتسم ثنيان ولارد وفتحت مرايتها أصايل تعدل مكياجها:رحت النادي اكشخ بس صراحه والا مو وجه نادي انا
وقف عند مطعم ونزلت أصايل ومعاها ثنيان ودخلوا وناظرت اهلها وشهقت بصدمه
وضحك ثنيان:لان هنا المفاجأه
ضحكت تناظرهم متجمعين وتقدمت لهم
ابتسم عقاب:قلنا نتجمع وما نخليها بخاطرك
أصايل:ابوي حبيبي
وقف يحضنها؛كل عام وانتي بخير
أصايل ناظرت ساري وجنى وابتسمت تحضن ساري
وقفت جنى؛كل سنه وانتي طيبه
أصايل؛وانتوا طيبين باقي نهار وينه
نوره:ماتعرفين نهار يعني ما يعرف الوقت اصلاً
جلست أصايل وضحكت؛وانا بملابس النادي ؟ غشاشين
لفت من دخل نهار ومعه ورد وفتح يدينه وضحكت؛شوفوا كيف ياكل الجو بالمطعم
وقفت تسلم عليه وجلس نهار معهم وناظر ابوه اللي يناظره بحده وتنحنح
نوره:ياليت جاسر حبيبي موجود معانا
ساري:هانت ويرجع لنا ان شاء الله بالشهاده
عقاب:الله يوفقه
لف ثنيان يناظر ابوه اللي ياكل ورجع يصد ياكل
عقاب:الاربعاء جلستك بالمحكمه لا تبطي
نهار ناظره:انا ؟
عقاب:من المتحرش منكم ؟
نوره:عقاب ! وش هالكلام ؟ ما تحرش ولدي تربيتي كان بياعل البنت وبس
عقاب ناظره بحده وناظره نهار:بروح لملاك بكره قالت لي على الاوراق اللي تبيها
عقاب:معي علم بجي معك
لف ثنيان يناظره وكمل نهار:لا تتعب نفسك انا اروح لوحدي
عقاب ناظره وضحكت أصايل:شكله ماتاب ناوي على وحده جديده
دقها بقوه نهار وسكتت أصايل تناظر عقاب يناظره بحده
عقاب:بروح واشوف كيف تنحل
نوره:وبنحضر مع نهار جلسته ؟
عقاب:ماله داعي ، انا واذا احد من اخوانه فاضي يجي
نهار:ثنيان تخاوي ؟
ساري:عازمه على يخت انت ؟
ضحك ثنيان:لو عازمني على يخت ما اقول لا
أصايل:عاد ملعبك ثنيان البحر
ساري ضحك:هذا ما يغرق بالبحر هذا البحر يخاف منه
ضحك ثنيان يشرب من عصيره ولفت نوره:جنى حبيبتي ما تاكلين
جنى:الا خالتي الله يعافيك
عقاب ناظر ساري اللي يضحك مع اخوانه ولف من دق جواله عقاب وناظر الرقم وعقد حاجبينه
لف ثنيان يشوفه يوقف ويبتعد ويرد ورجع يشرب من عصيره
-
ملاك:ارسلت لك ايميل اذا يحتاج تعديل الخطاب بلغني عشان الصبح يكون جاهز وما يعطلنا
عقاب:اي خطاب ؟
عقدت حاجبينها ملاك:عفواً غلطت بالرقم السموحه
عقاب:لا ابد مسموحه
ملاك:ان شاء الله ما اكون ازعجتك ياعميد
عقاب ابتسم:مامن ازعاج ، نتقابل بكره على خير
ملاك:ان شاء الله تصبح على خير
قفلت منه وابتسمت تناظر رقمه ورفعت حاجبها تشوف سنابات أصايل اللي مصوره اهلها والاحتفال وابوها بينهم وابتسمت وعيونها تلمع من نشوة المطلب ومطلبها يطيح عقاب بشبكتها وتاخذ اللي تبيه ولا يتعسر عليها شي
لفت من شافت منيف خارج:الله اخيراً خرجت من الكهف
ضحك منيف:والله وحشتيني
ابتسمت ملاك؛وين خارج؟
منيف:عندي شاشه تعطلت وبشتري غيرها وراجع
ملاك؛للكهف ؟
منيف ضحك:دام تشغلني شتبين فيني بالله
ملاك؛وسو فحص نظر لعيونك مره وحده ياهكر
ضحك منيف:تبين شي ؟
ملاك؛تبي فلوس ؟
منيف:معي
هزت راسها وخرج تاركها وجلست وفتحت لابتوبها
-
رفعت راسها من دق باب مكتبها وناظرته يدخل:اقدر ادخل ؟
ملاك ناظرت ساعتها:موعدك ٩ ليش جاي بدري ؟
نهار؛قلت اجي قبل ابوي
ملاك:ابوك مو معك؟
نهار دخل وجلس:لا
ملاك:اي يامتحرش شعندك
نهار:افا !
ملاك:قول السالفه بدون تشفير وتلميع دام ابوك مو موجود
نهار:ياخي البنت نشبت لي وانا ما تحرشت فيها ولاهي ذوقي
ملاك سكتت تناظره وكمل نهار:كنت قاعد بكوفي بعد دوامي وببدلتي العسكريه وشفتها تطالع فيني ومو شي جديد علي الاحظ نظرات بنات لي دايم
رفعت حاجبها ملاك وابتسم نهار:اكل الجو
ملاك؛كمل لا ياكلك الجو بس
ضحك نهار:خرجت وركبت سيارتي وشفتها واقفه تنتظر سياره قلت لها تبين اوصلك وركبت وقدام بعد قلت بعزمك على قهوه قالت على حسابي انا وحلفت ومدري وش ويوم جات بتحاسب ما اشتغلت صرافتها ودفعت انا وقالت بحول لك عشاني حلفت وحولت لي وقفت عند اشاره وطلع اخوها لاحقها وفتح بابها نزلها وضربها ونزلت وتضاربنا عدم سيارتي وقال بشتكي عليك وبس
ملاك:مازلت متحرش يانهار ولو مو ابوك اللي طالبني ماكان دافعت عنك
نهار:لا تظلميني
ملاك:انت معترف
نهار؛انا طايش اي بس ان لقيت ملاك بعقل
ملاك لفت له وابتسم نهار؛ملاك على هيئة انسان اقصد
ملاك رفعت نظرها من دخل عقاب وسلم واخذت الاوراق من نهار وناظره عقاب؛جيت بدري وش عندك
نهار؛مانمت من امس وقلت بجي بدري
جلس عقاب ولف لملاك اللي ناظرته:كيف حالك ياعميد ؟
عقاب ابتسم؛حمدلله عسى الاوضاع زينه ؟
هزت راسها ملاك؛ان شاء الله خير بس لا تتأخرون على الجلسه
عقاب ناظر نهار:من اذنه اجيبه
عض شفته نهار وهزت راسها ملاك تكتب بلابتوبها
نهار؛اقدر اروح ؟
ملاك؛اي
خرج نهار ووقف عقاب:يعطيك العافيه
ملاك ناظرته وهي ماسكه الاوراق:ما ضيفتك !
عقاب:ماتقصرين بس عندي شغل
ملاك؛حياك الله
ابتسم لها عقاب وخرج يركب سيارته
رفعت راسها ملاك بعد دقايق وعقدت حاجبينها تشوف الرجل الطويل العريض اللي يرتدي البياض واقف قدامها
عيونه غضبانه ونيته معروفه لملاك لكنها تجهل جيّته
ثنيان ناظر اسمها على مكتبها:ملاك بنت مساعد
ماردت ملاك وهي تناظره وكمل ثنيان:محامية نهار اخوي ؟
ملاك هزت راسها وتقدم:وصديقة أصايل بعد ؟
ملاك سكتت تناظره ووقف ثنيان؛وش تبين ؟
ضحكت؛كيف وش ابي ؟
ثنيان؛وش نيتك بكل ذا ؟ تدورين حوالين ابوي ؟
ملاك ماردت وهي مبتسمه وناظرها ثنيان؛ماهي اول مره تلعب وحده حوالين ابوي وابوي يصرف نظره عنها لا تتعبين وتجربين وتحاولين اللي تحلمين به ما يصير
ملاك ماردت وهي تناظره وكمل ثنيان:ابوي مستحيل يتزوج على أمي وشيلي قضية نهار من راسك وأتعابك بتجيك
ملاك:ابوك طالبني امسك قضيه ولده وما برده ، وافهم اللي تبي تفهمه مو مجبوره اوضح لك شي
ثنيان:عندي علم ان ابوي طلبك وولده هو اخوي وانا اقول انسحبي من قضية اخوي
ماردت ملاك وخرج ثنيان بدون يكمل كلامه وابتسمت ترجع ظهرها لورا
-
نهار ابتسم يناظر البخور اللي يتبخر منه وتعطر وعدل شماغه يخرج من غرفته وطلع لهم بالصاله وناظر امه وابوه واصايل اللي نطقت:رايح تخطب؟
نهار ضحك:عريس
عقاب:امش
نهار:دعواتك ام ساري
نوره:الله يبعد عنك عيال وبنات الحرام يارب
عقاب خرج مع نهار ولف عليه:امش معي
نهار:بسيارتي احسن
عقاب فتح الباب يركب:امش
تنهد نهار يركب بجانب ابوه وحرك السواق ونزل راسه عقاب لجواله ولف له:كلمتك المحاميه؟
نهار:لا والله بس بنلقاها سابقتنا
هز راسه بهدوء عقاب ووصلوا للمحكمه ونزلوا ووقفوا عند الغرفه اللي مكتوبه بالرساله وانتظروا وتوتر نهار ولف له:ماوصلت
لف عقاب يناظر الممر ووقف يتصل على رقمها
ناظرت رقمه ملاك وابتسمت وهي تفطر وشربت من قهوتها تناظر الايباد بنظارتها وصاده
نزل نظره لجواله؛ماترد
نهار:دفعت لها شي انت ؟
عقاب هز راسه بالنفي:لا
نهار:اجل ليه سحبت علينا ؟ عندنا موعد
عقاب:تسألني انا ؟
سكت نهار من شاف عصبية ابوه ومشى عقاب ووقف يلحقه نهار وركب وناظر حمدان؛روح مكتب ملاك
حمدان هز راسه وحرك ولف نهار على ابوه الغضبان ونزل انظاره لجواله يشوف سؤال امه عن الوضع ولارد
فاح الباب عقاب وهمس؛اقعد
نزل من السياره عقاب ومشى للمكتب وحاول يفتحه كان مقفول وعقد حاجبينه بغضب ولف من سمع صوتها:عسى ماشر !
عقاب ناظرها نازله من سيارتها وتقدمت وهي تنزل نظارتها الشمسيه:زايرنا ياعميد
وقفت قدامه وعقد حاجبينه عقاب:مو على اساس بيننا موعد ؟
رفعت حاجبها ملاك:اي موعد ؟
فتحت مكتبها ودخلت ودخل عقاب بعصبيه:تستهبلين انتي ؟
جلست على مكتبها وناظرته:محشوم استهبل عليك ياعميد انا فعلاً ما اعرف اي موعد اللي تتكلم عنه
عقاب تقدم بغضب؛كان عندنا جلسه لنهار ياملاك بنت مساعد
ملاك:كان ياعميد
عقد حاجبينه وناظرته بهدوء ملاك:بس انتوا رفضتوا اكمل القضيه وانسحبت
تقدم عقاب:متى رفضنا ؟
ملاك ابتسمت بهدوء:مين اللي يستهبل الحين ياعميد؟
عقاب؛تكلمي بوضوح عشان أفهم
ملاك؛جاني واحد من أولادك أجهل اسمه الصراحه بس قالي انسحب من قضية اخوه
عقاب جلس وناظرها بإستغراب:واحد من عيالي ؟
ملاك هزت راسها:وتوقعت عندك خبر
عقاب:ماعندي خبر من اللي جاك؟
ملاك؛ما اعرفه
عقاب:وليه تنسحبين من قضية نهار؟
ملاك؛ماودي ادخل بمشاكل عائليه واخرب علاقات ببعضها ، اسأله وطلعني من الموضوع انا كان لي الشرف معرفتك وانتهى الشغل اللي بيننا اي خدمه ثانيه انا بالخدمه
عقاب؛لحظه لحظه وش مشاكله فهميني
ملاك:قلت لك ماراح اتدخل ولدك عندك روح اسأله
عقاب سكت وناظرته بهدوء ملاك:لكن كبار الجمايل بعيون الصغار مجحوده ياعميد اللي سويته شغلي وبس ماله لزوم اللي سمعته
عقاب:قولي لي وش انقال عشان افهمه !
ملاك؛اللي تبي تعرفه ماهو عندي
عقاب شد على قبضة يده:كملي مع نهار هو بالسياره وبيجيك
وقف بيطلع على صوتها؛انشغلت بقضيه ثانيه ياعميد السموحه
لف لها عقاب وناظرته ملاك؛احياناً الدنيا ماهي على كيفك ياعميد
عقاب هز راسه وخرج بعصبيه وركب وناظره نهار:وش صار ؟
عقاب:من اللي راح من اخوانك لملاك ؟
نهار عقد حاجبينه وفهم عقاب ان نهار ماعنده خبر وناظر حمدان عقاب:روح البيت
-
جميع التشبيهات بحسابي بالاستقرام r_55shog
