لبوة على شفا الثار

بارت السابع والثلاثون

--اشلون ينطيج كلبج

--لان اعرفن دازه موش ازلام لاالسبع والذيب راح يردون اذا موش لخاطر جهالهم لخاطرجن

لميت رجليه وبجيت انفتحت الباب لبالي رد دخلت لحن ركضت لبيبي اخذتها لحضنها تشهك بصوت عالي

-- كله من وراج  اشكد كرهتج

--يرد يجده

--مايرجع هو كال لاتتزوجين راح اركان بسببج انتي كلتيله روح

--هههههه ماطولو كلج لاتتزوجين راح يعاند الموت ويرد لحضنج عجل وينو عش ماجه يودعني لو اكتفه بحضنج

--راح بيبي

--مايروح راد يجده يكفي مايموتون ولجن شنهو مسودنين يتركون طويراتهم ويروحون ولد وعرفهم

--كال ضلن يم جدتي

--عجل شنهو خبله اتيهجن وانت شايلات العوض اخذجن وهج  اشتم ريحتهم بيجن

ضلينه لوجه الصبح كاعدين لحن كامت صليت وبيبي تسبح

دخلت ام اركان اريد دمعه بعينها لوشي يثبت هيه خايفه  ماكو
-- يزهبن الريوك عمه

--كون انزهب زاد عزاج بخرابه

--ياع عش عمه فوگ مادزيتي اوحيدي للموت

--اني دزيتو مو كون البين  ياخذج ذبح لوجه الله كولي امين

--ياع عجل موش لمستقبل وليداتنا

--وينهم ويدلاج اشصفه بيهم

--عدنه عامر وحسام

--هاي هيه جسمتو انتي وخيتج  عجل سمعتي ياملك الموت  لاتفرحين جثير جايين الياخذون الگديم والجديد

--شنهو قصدج عمه خليج حقانيه وقسمي الورث بالحگ

اباوع لبدعه على كعدتها منتجيه ماردت بحركه سريعه جرت العصه وهفتها اجت ترس بوجه ام اركان كمشت وجهه وكعدت متألمه تفلت عليها

--لحن جده كومي شطفيلي العگازه تنكست

--عزززه عمت هاي

--انجعلها بالشلل والمرض المامنو علاج

جانت قريبه يمي العكازه سحبتها انطيتها لبدعه وام اركان طلعت مددت رجليها لحن لفت سجادتها وراحت خلت راسها بحضنها  كمشت ايد بدعه تلعب بمحبسها باوعتلها وبتسمت اليشوف صلابتها ولايكول شايله هيج كلب

وشرتلي تعالي

-- لا

--يالرعنه لاتيبسين راسج حسبيني امج جدتج عيونج مبگعات من التعب

--امي ولايوم نيمتني على رجلها

--عش يجده شنهو ماتحبج

--لابس جانت هالثوله مريضه وهيه ماخذه  اهتمامها