قصة شريفة 💕 بالدارجة المغربية 💕

💕 الفصل 31💕

بقلمي: رقية. عبير ( جنى نور الشريفي)

[ شريفة ]

__________بارت 173_____________

عند شريفة سلات روينة وجميع. دار وبدلات حوايجها رجعات. كالسة لقات بنات. كيتفرجو ونجوى مكونكطيا فتيلي. كلثوم كتبرم خيط وحورية خدامة. تسمع باب تحل. كان عبد حق لي جاا طلع فدروج. جا لصالة نيشان بلبسة قاضي نيت كاع محيدها. دخل عليهوم معا هزات كلثوم عيونها شهقات. وحلات ليها. هاهوا شافت قاضي بلبستو

عبد حق: سلام معليكوم وليدة كاين شي غدا.

حورية: وعليكوم وسلام لي بغا غدا اتزوج

عبد حق: لا حولة ولا قوة الى بالله. شريفة كاين غداا

شريفة ضحكات: كاين اسي قاضي كلثوم عار نوضي ها لقاضي

سوسن جاتها ضحكة: جاها شلل بالله

كلثوم: مكضحكوش اشنو غير عبد حق هدا مخلعنيش

عبد حق: اجي بطبوطة نحكم على جدك بشي عشرة سنين حبس

حورية: ليحفضهاا اصكع ياك هدشي باش تجازي هاد شهدة لي كتعاون مك فلبريم خيط عواض تقول ليها نوضي اكلثوم نتزوجك نتي هيا لي تفرحي ميمتي بشوفتك باغي تحكم عليها

خرجات كلثوم عنيها صافي وجها حمار دارت كتشوف فحورية قربات تبكي

كلثوم : خاالتي( كتخرج عنيها)

حورية: اخوي ليك ضراس ابغلة وبقاي حالة فمك حتا ايدوه

حدرات كلثوم راسها قربات تبكي. عبد حق حاط ايدو على حنكوو كيتسنا مو تسالي هضرة

احسان: عبد حق تزوج بطبوطة تجو معا بعضياتكوم هيا تفرشخ. بنادم ونتا حكم عليهوم. ياك كلاثيم

كلثوم دموع غينقزوو: حلاقم

شريفة كتجمع ضحكة: وشحال قدك اعبد حق تبقا باير راه كلثومة راس ثومة كيجوها عرسان عساكرية. وصحاب خوها. غير مزال كتختار. لكن نتااا غير نتا قاضي هيا تفرشخ ونتا تحكم

سوسن كضحك: ثنائي طووب.

وقفات كلثوم كتجري مبقات وقفات. صافي دموع نزلو ليها. بحشمة.

شريفة: وكلثوم وعنداك طرطقي رخفي نفس وغير عبد حق هدا

عبد حق ضحكوه هضر وبسمة على فموو مو كتشوف فيه

عبد حق: اكون خير. حطو لينا. غداا تواب مجايش عبد باسط فينو رضوان كدالك مروة

شريفة: تواب هضر معايا قالي مكاينش. مغيجيش دباا حتال. ليل نتلاقاو عند عبد الله

نجوى: غادين شي بلاصة

سوسن: معروضين واحد لانيف ديال صديق وصاف

حورية: هيا نوض نحط غداا

عبد حق : صبري. نغسل ونبدل حوايج ورجع.