قصة شريفة 💕 بالدارجة المغربية 💕

💕 الفصل 11💕

بقلمي: رقية. عبير ( جنى نور الشريفي)

[ شريفة ]

__________بارت 67_____________

فصالة كبيرة ناعس ناصر ومغطينو بكاشة جديدة. وحداه كالس خوه لي فرحان ليه

بوشتا: شد فراسك وبرا اشارف نمشو نحرثو شي أراضي

ناصر ضحك : شفتي وقفتك معايا اخويا راها فرقبت خوك صغير لي حافضتي على بناتو . سمح ليا ابوشتا عقل صغر وميدير مديش عليه راني كنخلص

بوشتا: ناصر صافي مكاين لاش ندكرو لي فات لي كان سباب دفناه تحت لارض وليرحمو ويوسع عليه مات ونتا فموو اتسامح معاك لكن مكتابش

عبد باسط: سي مصطفى مرحبا بيك وخا متعرفناش عليك بزاف

مصطفى: ليكبر بيك راك عارف تلاهيت معا زواج ختي وراقها بابانو راضي عليا وهضر الوليد ليرحم ولدين

ناصر بغصة: ليرضي عليك لا مشا الله راد لبال نيت خوتاتك لي كتزوج فيهوم دفنتيني تحت تراب ولا

مصطفى مسح وجهو: عمي هضر معاه ليجزيك بيخير.

بوشتا : هدشي لي قال باك معقول اولدي لكن ليسامح منين لبنت قابلة

حورية: سي ناصر فرحتي قد دنيا لي تجمعنا تمنيت كون كانت ختي نجمة ليرحمها تكمل فرحتنا.

ناصر تنهد: ايوا مكتاب اختي حورية ربي خبار ولديك خوتك حفيض عبد جليل

حورية: راهوم شادين طريق اجو ايشوفوك وجاية حتا ايزة. ورحمة. و فاضمة خوتاتك اخويا كولشي جاين الحمد الله ربي كبير

كنزة : بابا انا توحشتك قولي امتا غرجعو دارنا. توحشت كلثوم

عبد حق ضحك : ياك كلثوم هنا ؟؟ الخايبة

كنزة: ولا كلثوم نعجة ديالي خليتها غير عند جيران

ناصر: مبقا والو ابنتي نبرا شوية ورجعو انشا الله ندو هاد شارف ديال عمك اشوف بوكماز ودار خوه

بوشتا: انشا الله. دبا راني معاك مرة عندك مرة عندي انشا الله.

مصطفى بحدة: نجوى نوضي بوسي رأس باك ارضي عليك يالله

وقفات قربات منو بدات كتبكي وتشهق تنهد وعنقها هيا بدات تاني مكتحملنيش علاش اغوتو عليا وجيهان كتخنز فيها.

داز شوية وقت حورية وقفات معا لبنات شمرو على اديهوم حتا نجوى ناضت بداو. فتعمار اتاي وحلاوي. ومسمن كيكات. كل وحدة فاش خدامة مجات توصل ستة. عشرة طومبيلات. وقفوو لتحت عائلة كاملة جات منهوم حتا عبد الله خوه مو خوتاتو كولشي تكب فدار عبد تواب. وخوتات داخلين بلبكا وزغاريت راه سنين فراق يعني مشهد مأثر ولي مجربين فراق عائلات غيحسو بيه كولشي كيبكي بلاخص خوتاتو لي كانو باغين اشوفو خوهوم لكن لخصام فرقهوم ودبا حمد الله تصفات لقلوب اكيد