لبوة على شفا الثار

بارت الواحد والثلاثون

صميت حلگي بأديه

--عجل خلج جيبي يمه

ثواني وصار طكطكه بره انكطع الضوه

همست اشهد ان لا اله اله الله واشهد ان محمد رسول الله واسمع صوت  ريحانه  كالت حسسسسام عمه وينك

--انعل ابو حسام اشجابها هاي

سهيله.  تخزينه ولك

--سمعي لحن وروح ابوي اذا سمعتج حاجيه اطير راسج لوتطيرين لسابع سما اني ميت ميت احذرج تحجين سمعتيييي

همست اي وبجيت

ريحانه . ولك حسام عمه حدر صوب الدرج

--جاي عمه

سهيله.  شنهو هاي جبتو عمتي

--اي خذيناها للمضمد طلع ضغطها منخفظ  لتحي سويلها ليمون بين مادخلها

--عجل وين اركان

--راح لجدتي  لنشوف اشلون يحلها ويه الوالد

سمعتهن دخلن امنت فتحت الباب  طلعت صار حسام كدامي خزرني ركضت لغرفه العجوز دخلت  لكيتهن كلهن مجتمعات وياهن بنيه جديده شافتني ريحانه  كال شبلاج خيه عش هيج حالج

--سألي مرت اخوج جانت اتريد اتخلي ابنها يغتصبني

--صخام الصخم وجهي شنهو ولج

ام اركان. هذا الحسبت حسابه حسبالج ماعرفت شوراها بت الشوارع هاي راح اتخلي ولدنا يتذبحون

--والله عمه مدااجذب كلتلها وبجيت

--انعل ابوج لابو الجابج علينه ااااخ ياركان من يازباله چبتها ولكم گضبوها ليه

--عمه وروح ماما

--الله يحركها   النكسه لو شريفه  ماخلفت هيج خلفه دحگي لج اذا سمعت نفس منج اخليهم يدفنوج ولد ولدي لاتكربيلو ورده لهلج تردين ان جان موش اليوم باجر

ريحانه. تعالي خيه وياي

--تركيها لج دحكي يالحن وروح اوليدي الراح بعز شبابو اذا كلتي لواحد من ازلامنا على الخراب البراسج امحيج  ماخلي الج اثر ادفنج وگول انهزمت سمعتييي

--مااحجي بس هم كليله لايتعرضلي والمسيح الحي اذبح روحي ولااخلي واحد يقرب لشرفي

--انعل ابو لشرفك بت الكفره لوماجانت نطفتج نجسه مافكرتي بهيج تفكير نچس مثلج

سهيله. عمه بس حتى اركان يجتل ابني ويطردني ويبقالها

اسماء. من نحجي تكولن تجذب غيرانه

ام اركان. تعلميني بيهن عجل بت الشوارع شناوي غيرو موش ذيج اختها النجسه لفت على غيث وطيرتو لعگلو وخذتو من حضن اختو للغرب هاي هم ناويه نفس الشي