السلام عليكم حبايبي
.
.
.
.
.
.
سلام: بقيت على وضعي اتوصل وياها صح مو من رجولتي احجي وياها من ورا اهلها بس اني ردتها بس تقتنع وبعدين ادز اهلي مرة ثانيه مستمرة علاقتنا صح تحجي وياي ومرات احسها تنجبر بس ماكالتلي لهسه انو هيه رايدتني
راسلتها
سلام: هلا كلبي شونج
زينب: هلا بيك الحمدلله بخير وانت
سلام: زين
اريد ادز اهلي عليج كافي خلي نخطب بس وكملي دراسه واني مستعد اخليج تكملين دراسه وكل تكاليف عليه ولو نزوج بعدين تكملين احسن جاتج عطله خلي نزوج بيها
زينب: ماكدر اني ازوج هسه
سلام: السبب
زينب: ماكو سبب بس ماكدر
سلام: كافييي زينب ادز اهلي وافقي والباقي عليه اني احله ثقي بيه
زينب: سلام داكولك اني ماريد ازوج
سلام: ليش دحجي تره عصبتيني
زينب: لان اخاف
سلام: من شنو تخافين
زينب: من الزواج
سلام: لاتخافين يابه اني وياج بس دوافقي مو شلعتي كلبي
زينب: اممم
سلام: يعني موافقه ادز اهلي
زينب:اي
سلام: خوش واخيرا
طلعت بوجهي على ابويه كتله حضر نفسك انروح نخطب
كال من وين ومادري شنو فهمته انو نفسها ماقبل بالبدايه بس قنعته انو البنيه موافقه
المهم قنع وثاني يوم اخذتهم واخذ سيد وياهم واني مطيع خير لبوها
حجه الشيخ جاين نخطب كريمتكم ومانكوم الا تنطونه الخبر دخل ابوها شويه وطلع كال موافقه
كال الشيخ يلا لعد. نعقدلهم
وافق ابوها
كام الشيخ عقدنا حيل جنت فرحان احس طرت من الفرحه
شويه وكال ادخل شوفها
دخلت ماجان موجود احد دخلونا لغرفه
باوعت عليها ترجف جان لابسه فستان ابيض مطلعها كمر مامخليه. مكياج والابيض حيل لايكلها
تقربت بست راسها
سلام: الف مبروك حبيبتي
زينب: الله يبارك بيك
سلام: طالعه تخبلين كمر بالنهار ماشايف
زينب: احم انت الاحلى
سلام: مسكت ايدينها لان جانت ترجف
على كيفج يابه ماناكلج لاترجفين شدعوه هلكد خايفه اذي روحي ومااذيج
