في قانونهم هناك البديل لكل شي الا في العشق .. و في قانوني هناك البديل حتى في العشق ( عند ابتعاد احدهم عنا لا يعني ذلك لا نملئ فراغ مكانه في قلوبنا ) بل يعني ان نملئ ذاك الفراغ من اجل انفسنآ من أجل ان نحظى بالقليل من السعادة ان نتناسى حزن رحيلهم ..
البديل هو من يمنحك هذه الاشياء و الان هل فعلآ لا تحتاج البديل !
_ فاطمة .
أبتعدت عن عمر ..
فاطمة : الجلب !
ابعد عمر نظره عني .. و اشار برأسه بمعنى ( نعم ) .. اخذه عمر الى دكتور بيطري ليرى ما به .. غادرت منزل عمر و عدت الى منزلي ..
فاطمة : ماما اكو غدآ
ام فاطمة : شنو شرجعج ماصارلج هواية من طلعتي
فاطمة : امممممم و اني بالطريق تعبت و رجعت
ام فاطمة : يعني اصلا مرحتي
فاطمة : اييي .. بما انو اليوم جمعةة شمسويتلنه غدا
ام فاطمة : مسوية مقلوبة الي تحبها نور خابريها خلي.....
قبل ان تكمل توقفت امي عن الكلام ..
ام فاطمة : الله يرحمها متروح من بالي
اخذت نفسآ ..
فاطمة : و لا من بالي .
دخلت الى غرفتي .. اعدت امي الغدا .. انتهينا من الطعام غسلت الصحون من ثم ذهبت لانام .
عندما استيقظت .. خرجت من الغرفة ع صوت ( خياطة امي ) امي تعمل في الخياطة تخيط لاقاربنا ( ثياب و لكنها جميلة ) أمي تعمل بهذا العمل منذ وفاة ابي لنحصل ع المال و خالي ايضآ يمدنا ببعض المال و لكن ليس دائمآ غسلت وجهي من ثم احضرت هاتفي من غرفتي و جلست بجانبي امي ..
فاطمة : بعدج شكد !
ام فاطمة : بس ثوبين .. اكو بالسطح مال العمارة شغلات المكينة اصعد اجيبهن و اجي
فاطمة : تريدين اساعدج بالثوب
ام فاطمة : خاف تخربيه
فاطمة : صارلي 15 سنة اشوفج تخيطين .. يلا جيبيهن لان مااندلهن و هسة اخيط
ذهبت أمي و بدأت بتشغيل ( مكينة الخياطة ) من ثم رن هاتفي .. رأيت اسم المتصل كان عمر ..
أجابت ..
فاطمة : هلوو هسة داخابرك
عمر : ليش مخابرتي لعد !
فاطمة : داخيط
عمر : شتخيطين !
فاطمة : ملابس شخيط يعني
عمر : احنه ب2015 اكو ناس بعدها تلبس ملابس مو جاهزة
فاطمة : اي كرايب امي يطلبون منها و تخيطلهم مو كل الناس عدها فلوس ع فكرة
عمر : و امج شكو دتخيطلهم !
فاطمة : غير شغلها .. لعد منو يصرف علينا
عمر : لعد ابوج وينه !
اتت أمي .. اشارت لها بأنني اتحدث ذهبت الى المطبخ لان سما في غرفتي ..
فاطمة : هاا
عمر : وين رحتي !
فاطمة : اجيت للمطبخ
عمر : اي ابوج وينه
فاطمة : ابوية ميت
عمر : صارله شكد
فاطمة : حيللل من جان عمري 7 سنين
عمر : عبالي عايش
فاطمة : ليش !!
عمر : جان ...
فاطمة : اييي
عمر : انسي !
فاطمة : صدك شلون صار الجلب مالتك
عمر : مابيه شي دالعب وياه
فاطمة : الحمدلله بعد ما اتقرب يمه
عمر : هو انتي موتي حبيبتي و اجيتي تموتين Ge اذا ابقى وياج حتى اني اموت
لم آقل شي ..
عمر : بس ماعوفج بعد عندي حساب وياج
فاطمة : بعدك تريد تحاسبني ع موت نور
عمر : تتوقعيني ليش احجي وياج ! مثلآ شنو احبج
فاطمة : أمي تريدني بيباي
عمر : اوكفي
( عمر لا يناديني بأسمي منذ وفاة نور الى الان )
فاطمة : شنو !
عمر : راح تتحجبين !
فاطمة : الله منين جبت هل معلومة
عمر : لان اني اريدج تتحجبين راح تتحجبين
( انا اعلم لما يريدني ان ارتدي الحجاب لان نور كانت محجبة )
