_ سما .
اتصالت باسامة ..
سما : هلو حبيبي شلونك
اسامة : هلو عمري
سما : شلون يعني لا داوم و لا تروح لشغل شلون اسامة
اسامة : مالي خلك سما والله
سما : مرت شهرين لحد هسة اسامة شوكت يصير الك خلك
اسامة : ماعرف
سما : اسامة الي حبيته ميكول ماعرف و يكعد لا شغل و لا دراسة .. من تصير كد الشي الي صارلك ارجع خابرني
اسامة : مو وكتج سما
سما : لعد شتريدني ابقى اواسي بيك لشوكت صير رجال كد الي صار و واجهه
اسامة : سما بلا هل حجي
سما : كلت الي عندي روح اسامة .
اقفلت الخط .. خرجت الى غرفة الصالة كانت فاطمة تجلس امام التلفاز ( تشاهد الاخبار ) .. ذهبت لاجلس بجانبها
سما : فاطمة تشوف اخبار صدك
نظرت لي ..
فاطمة : مداتفرج بس كاعدة اكلب بالتلفزيون
نظرت الى رأسها ..
سما : هاي شبيه رأسج
( كان يحتوي ع كدمةة عند ما ضرب بزجاج سيارة عمر )
فاطمة : نضربت باب السي... اااممم جنت داصعد لقسمي و انضربت باب القسم
سما : صدك !! شنو القصة
فاطمة : المهم مدتوجعني .. هسة كوليلي شبيج ضايجة
سما : بسبب اسامة عايف كلشي دراسته و شغله و كاعد بالبيت بسبب حزنه ع نور
فاطمة : حاولتي تحجين وياه
سما : كومة حجيت وياه اخر شي زعلت و قفلت الفون .. لج والله اعرف هو مقهور ع اخته هو اني صديقة نور و ميتة عليها من القهر شلون اذا اخوها بس اريد ارجعه لحياته القديمة اريد ارجعه حبيبي اسامة
فاطمة : تريدين احجي وياه اني
سما : لا تحجيه عوفيه .. هسة احجيلي شسويتي ويه عمر
نظرت لي و لم تقل شي ..
سما : ايييي شبيج صفنتي
فاطمة : مسويت شي راح انام تصبحين ع خير
سما : لا والله هاي شنو احجي مااعوفج
فاطمة : باجر مالي خلك هسة
سما : شسوالج خرب
بدأت فاطمة بالبكاء ..
فاطمة : رحت لبيت نور و اني مادري هو جاي ورايه و شافني و ركبني بسيارته و دفعني ع جامة السيارة
سما : عززززززة بعينه هو سوه هيج برأسج مو
فاطمة : لا هاي و هو ديركن انضربت اني .. ماعرف شراح يسوي سما والله خايفة منه
سما : شممكن يسوي يعني طبه مرض والله عبالي خوش انسان
بقلم الكاتبة سارة مزهر حسابي @_novels1
فاطمة : كالي انو راح يكول لام نور انو اني السبب بموت نور و اني خايفة من هل شي
سما : عزة بعينه شكد نذل و انتي قابل شعليج يذبها برأسج
فاطمة : بيومها .. اني دزيت نور ع الصيدلية
سما : ها ؟؟ ( آستغربت لم اكن اعلم بأن فاطمة هي من طلبت من نور الذهاب الى الصيدلية )
سما : ايي و شنو يعني ع هل سبب يكول انتي موتيها خرب بيه هل حقير اي شنو انتي حاطة قنبلة هناك
فاطمة : المشكلة مو هنانه سما
سما : لعد !!
فاطمة : ماعرف كل ميكولي ع شي اني اسويه ماعرف ليش
سما : خرب لج شبيج شوفي من باجر اتجهالي اوك
فاطمة : ماشي اني نعست راح انام .
سما : تصبحين ع خير .
في تلك اللحظات التي تهدأ بها و تكتفي بالصمت اعلم أنك تتألم .. في ذاك الضجيج و الاصوات العالية و تكتفي بالنظر أعلم أنك تتألم .. في ذلك القدر الذي يخيرك بين الركوع له او اليه و تكتفي بالاستجابة دون رفض أعلم أنك تتألم .
