لبيه ياعروق قلبي وسمي

11-12

وقف فيصل عند المكان
فيصل:انزلي
رهف:مابي
فيصل:بلا عناد اسرعي
رهف :مابي
فيصل:مارح اخطفك انزلي ولاتخليني اعطيك كف
رهف:تدي مين كف؟اجل مني نازله
فيصل راح وفك الباب :بتنزلي ولا تبيني اتعامل معك بطريقه ثانيه؟
رهف بثقه :مني نازله وريني الطريقه الثانيه
فيصل مسك يدها وسحبها ورهف طاحت عليه
هو ما كان يحتاج طاقه او تعب علشان يثبتها
فيصل كان ماسكها من معصمها ورهف على صدره وصارو كانهم حاضنين بعض
فيصل رفع حاجبه:عاجبك الوضع؟
رهف دفته:حسبي الله على بليسك
فيصل:امشي بادب ومارح اسوي لك شي
رهف رفعت يدها:يارب اني ما ارتكب جريمه
فيصل طالع فيها ومشي
وهي مشيت وراه و مخروشه من كمية الرجال والعيال
رهف شافت ناس متجمعين :وش يسون ذولي
فيصل:سوم
رهف:ايش سوم؟
فيصل: يعني الشخص الذي يطلب سلعة معينة بسعر معين وآخر سعر طرح في المزاد ( الحراج ) للسلعة هو الي ياخذها
رهف:يعني مالقو الا يسو مزاد. المكان
فيصل طابع
رهف:الحين يسو سوم على ايش؟
فيصل :سياره
رهف:ابي اشوفها
فيصل:ملقوفه
رهف طنشته وجت تبي تدخل سحبها فيصل :هي انتي وش عندك في عقلك بتدخلي بين ذولي
رهف:ابي اشوف السياره
فيصل تنهد من لقفتها وسال واحد
رجع عندها وقال: دوج تشالنجر 2021
رهف:ابي اشوفها ماعرفت
فيصل :ملقوفه وطلع جواله وورها
لايكون مقرره تشتريها
رهف طالعت فيها:وش ذي السياره الخايسه كلهم مجتمعين عليها
الكل لف ناحيتهم صوتها كان عالي
فيصل مسكها وراح :حسبي الله عليك فشلتينا
رهف:ها؟
فيصل:امشي امشي وانتي ساكته
واتجهو عند الغنم
فيصل:عطنى ٢(يقصد غنم)
رهف:لو سمحت يمديني اعطيك حيوان ب ٥٠٠ريال
الرجال حسبها تستهبل:تمام كم طولها وعرضها
رهف:طولها ١٧٠وعرضها معرف بس انها عريضه
الرجال ضحك :في حيوان طوله١٧٠
رهف:ايوه شوفه قدامك
واشرت على فيصل
فيصل طالع فيها وبعصبيه:قدها؟
الرجال ضحك:ثاني مره لاتزعل زوجتك
فيصل ضحك بتسليك
رهف طالعت فيه وهو عطها نضره
الرجا:ترا انتبه من الحريم وزعلهم اقشر انا عندي وحده كل ما زعلت فكت شبك الغنم علشان يهربو
رهف ضحكت "شكلها انا بالمستقبل"
الرجال دخل وعطاه غنمه فيصل اخذها وركبها في السياره
رهف :يع الريحه خايسه
فيصل:لايكون تبيها ريحة فروله؟
رهف:لا توت احسن
فيصل:لايشيخه اهجدي احسن
رهف:شيخه غصب
فيصل:تبي تتهاوشي؟قولي وبس
رهف طالعت فيه وتكتفت :وين رايح
فيصل:اموت
رهف:فكه
فيصل توجه للمذبحه(الي يذبحو الغنم والحيوان الي زي كذا)
رهف:بتذبح مين
فيصل:اذبحك
فيصل وقف ونزل
رهف:بجي معك
فيصل طالع فيها ورفع حاجبه :تجي معي؟
رهف :ايه
طالعها فيها هو مستحيل ينزلها حتى لو يكرها
هذا المكان بيذبحو فيه يعني دم وهي انثى يعني حساسه
ولو شافت دم بكيت
فيصل ببرود:انسي تنزلي
رهف:فيصل
فيصل دخلها وقفل عليها الباب
بعد كم دقيقه رجع
رهف:ليهه تركتني لوحدي
فيصل:مو ذا الي كنتي تبيه اول
رهف:قلتها اول
فيصل:اسكتي كافيه راسي مصدع لاتغثيني والحين راجع البيت
رجع نزلها وراح دوامه
عند رهف
اول مانزلت كانت تعبانه وتبي تنام وراسها مصدع
ام رعد:وين كنتي ما شاء الله كل ذا دشره
رهف:يمه كنت اجيب الذبايح
ام رعد:معلي وش كنتي تسوي الحين روحي حطي القهوه لجدك وسوي وحده لنا
رهف كان راسها ماكله الصداع:ابشري يمه
راحت وحطت الاشياء
رهف طلعت تبي تنام بعد ما اكلت كم تهزيء
طلعت الغرفه وغيرة واول ما نسدح من تذكرت شي
فلاش باك
بعد الغداء على طول
رهف راحت البقاله كانت تشتري ولاهي ملاحضه
الرجال الي يقرب منها
الرجال:ياحلوه عطينا وجه
رهف :وش الحركات القديمه ذي
الرجال:عطينا وجه
وجلس الرجال يغازلها
رهف جريت حاسبت وخرجت
كان من الخوف ما تقدر تتهاوش ولا تدافع على نفسها
بس الي ماحسبت حسابه انه في واحد شافها وعصب
رجعت البيت وهي الخوف ماكلها
نادها خالها
ابو ياسر:وين كنتي
رهف :هلا يا خال تامر بشي
ابو ياسر :ايه ابيك تروحي تجيبي الذبايح
نهايه الفلاش باك
رهف قلبت على الجهه الثانيه وودها تصيح من الي صار معها ونامت
بعد نص ساعه
دخل نفس الشخص الي شافها. وهو شاف بتقول له هو ولا لا هو ذبح الشخص من كثر الضرب لاكن يبي يشوفها
الشخص:نايمه يعني راحت مع فيصل ولوحدها بدون محرم وجاء شخص يتحرش فيها ولا تكلمت وش بتسوي اكثر ها يا رهف؟ودي اعرف شكلك بايعه نفسك تنهد بقهر هو لو يسمح انه تجلس معهم لاكن انها تروح بسياره وحده وكمان بمكان بعيد ؟ذي زودتها حتى لو ولد خاله وواثق فيه لاكن فيها حدود هو يغار عليها اخته كان هو عارف انه يغار بس ما يدري انه غيرته شينه وبتورطه في اشياء كثيره
خرج من الغرفه وهو وده يذبحها
رهف كانت بسابع نومه ولا تدري عن شي
بعد العشاء
كانو مستاجرين الاستراحه وكل شي
سعود:يالله امشيييي انت وهييي
رهف:دقايقق
الهنوف:جالسه البس عبايتي ثواني
تجهزو الكل وتفرقو في السيارات
سياره البنات الي يسوقها فارس
وجنبه سعود
كانو يرقصو وهيام مستحيه قامت رهف مسكت يدها وجالسه ترقص معها
سعود كان يحرك اكتافه والكل يضحك عليه
فارس بضحك:سعود وقف لا اقوم واكفخك
سعود ضحك بس كما يرقص بعدين غيرو الاغنيه
سعود :يوهه ذي يبي لها هزه
فارس بضحك:اهجد لا ارميك من السياره
سعود ما اهتم ومسك شماغه ونزله الا خصره وربطها
وجلس يهز
فارس بضحك :اهجد لا اخليك واصل وانت تشهق من كثر البكي
سعود ضحك وجلس يصفق ويغني
فارس بضحكه:هدي علينا يا اخو شاروخان
سعود ضحك :مدامني اخوك فك هندي
وفتح فارس وسعود 💁يسوي بيده زي كذا ويحركها
وهو يضحك
فارس بضحكه:انت جالس تشحذ مب رقص
هيام كانت تطالع في سعود وتضحك بخفه
وقفو عند السياره
ونزل الكل
جو عائله ام مشاري بس جاء شخص غريب
رهف باستغراب:مين ذا؟
نوف بابتسامه وهمس:سلمان اخوهم
رهف:لايكون غثيث زيهم
نوف:لا لا
دخلو كلهم وتفرقو
عند رعد كان تعبان وراسه مصدع دخل غرفه في جهت الحريم وانسدح دخلت عليه بنت رعد صد:اخرجي
شوقي يوم سمعت صوته ابتسمت:رعد صح ؟
رعد ماعرف وش جاه بس جلس يصور ووجه الكاميره لها بس بحيث انها ماتشوفه
رعد :مو مهم اخرجي الحين
شوق تقدمت بجراءه منها:ليه ماتطالع فيني؟
رعد بداء ينفذ صبره :اخرجي
شوق تقدمت وجلست فوق السرير
رعد كان بيرفسها بس مسك نفسه
شوق فصخت عبايتها كان لبسها مكشوف
رعد لف براسه:اخرجي ولا ورب الكعبة لا العن خيرك
شوق بابتسامه:طيب طالع فيني
رعد بعصبيه وصراخ:اطلعي ولا والله لي تفاهم ثاني معك وبعدين مالي بحركات الرخصين
شوق خافت وخرجت
رعد بعد ما طلعت بنص ساعه طلع ونادا الهنوف كان مجهز لها كيك وهديه حاطها جنبه وسعود جنبه وكان ماسك هديه
الهنوف جات ويوم شافتهم انصدمت وجلست تبكي وتقدمت حضنتهم وهي تبكي
رعد:ياروح روحي انت مسوي لك مفاجاه علشان تضحكي مب تبكي
سعود بمزح:بدينا بالدلع
حضنتهم وهي الفرح مب. شايلها
وجاء العشاء وجلسو ياكلو كلهم الا شوق كانت ناويه تخرب الحفله
قامت ومسكت الستاند حق الكيك ورمته ابتسمت
وعلى حضها كانو البنات توهم خارجين انصدمو
رهف تقدمت:انتيي وش سويتي
شوق بابتسامه :زي ماتشوفي
رهف طالعت فيها
وقالت:قدها؟
شوق بابتسامه:اكيد
رهف وخرتهم لانهم ماسكين يدها
ونزلت الكعب وحلقانها وفكت شعرها ورجعت ربطته ومسكت شوق :اجل قدها ها؟انا اوريك
وغرام وحنين جو بيساعدو شوق
بس ماقدرو لان امل مسكت غرام
والهنوف مسكت حنين
وجلسو شوق ورهف يتهاوشو
شوق شدت شعر رهف ورهف مسكت يدها ولفتها وبعدين تركتها ولفت شوق وصار وجه رهف مقابل وجه شوق
رهف:يوم انك جايه انتي واخواتك تخربون على اختي ولا وحده من عائلتي تذكرو انه وراهم وحش حررتوه وبيحرقكم وعطاها كف ودفتها وكانت بتتجه لغرام وحنين
بس جدها دق بعصاته وبعصبيه:خمس دقايق والقاكم بالمجلس
رهف طالعت وتوجهت اخذت كعبها من نوف وطالعت في شوق الي جنبها غرام وحنين وضحكت ورفعت يدها :جدي يقول لكم خمس دقايق ويلاقيكم بالجملس
هم سمعو الجد بس هي تبي تستفزهم
بعد خمس دقايق
بالغرفه العيال كلهم كانو واقفين ما عاد رعد الي مهو موجود والاباء قاعدين بالكنب والبنات كانو بالارض
دخلت وهي تمشي بثقه كان الكل ساكت وماينسمع الا صوت الكعب حقها
رائد بهمس :شوف اختك هيبه
سعود بفخر:اكيد اخت سعود
فيصل طالع فيهم بهمس:هيله مب هيبه
سعود ورائد كتمو ضحكتهم
تقدمت عند جدها ووقفت قدامه:السلام عليكم
الجد :ليش تاخرتي؟
رهف:معليش كنت اعدل الطرحه
الجد:شايفين الفعل الي سويتوه فعل بنات
سلمان:انا اعتذر بدال خواتي
كل البنات وجهو نضرهم لسلمان
نوف ابتسمت يوم شافته
شوق:انت بذات لاتتدخل
سلمان تنهد من قلة ادب خواته هم حتى هو مايحترموه
غرام :توك جاي من غربه وتتكلم
نوف:ربط المواضيع عندكم عجيب شدخل ذا بذا
مشعل :انتي وش دخلك تدافعين عنه
فيصل كان بيرد بس قاطعته رهف :انت ليه ماتتكلم بحترام انت....
قاطعها الجد وهو يضرب بعصاته:بسسس
الكل سكت رهف تكتفت هي كانت واقفه عكس البنات الجالسين
الجد ماهتم اهم شي عنده تسمعه:صدمتونا كلنا وش ذي الفعله
شوق:احنا ماسوينا شي السبب بنتكم
رهف:شكله تبي ترجعي تعدين النمل على الارض؟ما كفاك الزرع
الجد :قولو كل شي وبسك يا رهف مداحره
رهف سكتت وتسمع الكذب حقهم
شوق :ماقلت شي جلست استهبل مع الهنوف ورهف قامت تتهاوش معي
رهف :ك..
الجد بعصبيه :ولا كلمه
رهف سكتت وانقهرت جدها يسكتها علشان ذي
رهف بمسخرة: اتوقع انه داخله اكلم المديره مب جدي؟ومجمع اولياء الامور بس بقي اوراق التعهد وتكمل
رعد تقدم منها وعطها كف وكانت اول مره يمد يده عليها
سعود تقدم منه ودفه :يدك ما تنمد
رعد بعصبيه:رح تنمد لو قلة ادبها زياده
سعود بعصبيه:رعد انت تمد يدك علشان ذولي تستهبل
رعد بعصبيه :لايكون ناسيه جنسك؟ترا انتي بنت منتي ولد
سعود بعصبيه:خليهاا خلها تسوي الي تبييه مدامها بحدود الدين محد يوقف في وجها ولا احد يعاتبها ولا احد يتدخل نسيت نسيت ذا كلام مين ذا كلامك انت
واليوم انت الي جالس تعاتبها وتمد يدك عليها وكمان لمين؟
قاطعته رهف بضحكه جلست تضحك بقوه مهي قادره تتكلم من الضحك الكل كان منصدمه شفيها ذي حتى رعد وسعود انصدمو
رهف جالسه تضحك من الوجع وتحاول انها ماتبكي:خليه خليه على كيفه
وطالعت في جدها خلصتو اجتماعكم؟انا استاذن
وجريت لانها لو طولت بتنهار
الهنوف لحقتها:رهف بنت تعالي معليك من احد
رهف كانت تغير كعبها(الله يكرمكم):مافيني شي يابنتي
الهنوف :معليك خلاص كملي تكفين
رهف باست راسها:تكفين كملي الحفل معليك من احد
الهنوف:الحفل اصلا انتهى
رهف:مارح ينتهي الا يوم تكوني راضيه عنه وانا بروح
لبسه نقابها هي كانت بحاله انهيار راحت عند محبوب(شاكير نفسه محبوب لاكن ينادوه محبوب لان الجد يسميه وشاكير هو اسمه الحقيقي)
رهف كانت متضايقه هي ماتدري تلاقيها من مين ولا مين :وقف عند محل كيك
ووقف نزلت تختار ودفعت وخرجت :شوف ذي وديها عندهم انا بروح البيت اذا سالتك الهنوف وينها قول راحت البيت تعبانه
محبوب:تمام
ورجعت البيت وطلعت على غرفتها حست انه ذا وقت الانهيار صدق طاحت على طرف السرير وجلست تبكي بقوه مهي قادره ماتنهار من حركة جدها ومن حركه رعد وحركه امها الصباح هي معترفه انها حتى لو غلطانه مفروض مايمد يده رفعت راسها وهي حست انه صدع قامت وتروشت وغيره طلعت بره
عندهم
قبل ساعه
يوم خرجت رهف
الهنوف جلست تطالع كانت متضايقه منه دخلت على صراخ سعود
سعود:عاجبك؟راحت الحين
رعد بعصبيه:سعود ابعد عنييي
سعود :تمام تمام يا رعد تمام
(رعد ضربها لانه كان منقهر منها هو دخلها كارتيه علشان تضرب الي يحاول يتحرش فيها سواء كلام او فعل مكان يبيها تخاف وتسكت)
شوق كانت مبتسمه رعد كان لاف وجهه وطالع عليها شاف ابتسامتها:لاتحسبيني خاصمتها علشانك مستحيل امد يدي على اختي علشان وحده رخيصه مثلك
مشاري :انت كيف تقول لاختي رخيصه
رعد بعصبيه:رخيصه وارخص منها مافي وابعد عني علشان لا العن خيرك
مشاري قرب منه مسكه من ياقته :انت كيف تقول ل اختي رخيصههه
رعد دفه :يدك ما تنمد لا اكسرها لك
وطالع في ابو مشاري :شكلك يا عم ماعرفت تربي غير سلمان
مشاري:انتتت وش تقول
الجد هو عارف انه رعد مايكذب ولا يقول كلمه بدون سبب:رعد اهدى وقول ايش فيه
رعد بصراخ :جايه عندي تعرض علي اتزوجها ولا كمان تبي تعرض نفسها
مشاري انجن ايش يقول ذا وقرب يبي يضربه لاكن سعود دفه:ابعدد ولا زعلك الحق
مشاري بعصبيه:ايي حق
رعد طلعه الفيديو معنه ما كان يبي يوضح
كان الحركات الي سوتها بالغرفه
سلمان ما صار يشوف غير شوق كان بيمسكها لاكن قاطعه مشاري:مدام اختي رخيصه ليه ضربت اختك علشانها؟ولا اختك هي الي علمتها
رعد انجن فوق العصبيه الي فيه ذا يتهم اخته
ونط على مشاري :ماضربتتتت اختيي علشانهاا
انااا لو اني ما اخاف على اختي ما كان عطيتها كف اختي مهي رخيصه مثل خواتك كل وحده اخس من الثانيه
وقام
ابو مشاري:صلي على النبي يا رعد
رعد :عليه الصلاه والسلام
نوف:اخيرا خلصتي تعبت وانا بهذا الفستان
رهف :جيتو ؟
الهنوف :وجبنا الكيكه
(عوضتكم ولا )
اعذروني على التاخير