SWEETHEART 13: Someday My Prince

CHAPTER ELEVEN

Luminga siya sa paligid sa pag-aalalang may
nakakitang halos masamid siya subalit lahat ay abala o nagkunwang hindi siya napansin. Alam niyang maraming kabinataan ang kanina pa nakasunod ang tingin sa kanya.

Mula sa kung saan ay may lumitaw na lalaki sa
harap niya. Tall and lanky. He was young and attractive.

He reeked of expensive cologne. Wala kahit isang hibla ng buhok ang kumawala. He looked immaculately clean wearing a white Lacoste shirt. He reminded her of Jordan. Pero doon na natapos ang pagkakatulad ng dalawa.

"Hi. Puwedeng maupo?" Bago pa makasagot si
Delaney ay hinila na nito ang silya at naupo.

Gusto niyang mainis sa kapangahasan nito pero mas mabuti na iyong may kausap siya kaysa manatili siyang nakatitig kina Prince at Cleo na halos hindi naman tumitinag sa gitna ng dance floor. Magkayakap lang.

"Wala nang laman ang kopita mo..." puna nito at
kinawayan ang waiter na nang lumapit ay kumnuha ng bago at pinalitan nang may laman ang kopita niya. She noticed the well-manicured fingernails. "Ako nga pala si Manny." Inilahad nito ang kamay sa kanya.

"Delaney... Delaney Williams." Tinanggap niya ang pakikipagkamay nito. He held her hand longer than necessary. Binawi niya iyon.

"Ang papa ko ang mayor sa bayang ito." Nilinga
nito ang bahaging kinaroroonan ng ama na kasalukuyang kausap ni Don Enrique. "Narinig kong sinabi ni Don Enrique sa daddy ko na ikaw ang anak ng may-ari ng Kaila Farm. Kung gayon ay ikaw ang amo ni Prince. Nagbabakasyon ka ba rito?"

"Oo doon sa huling tanong mo," aniya, keeping the hostility from her voice. "At walang amo si Prince sa Kaila Farm dahil siya ang boss doon."

Tumaas ang mga kilay nito. She was sure he didn't believe her. Pagkatapos ay sinulyapan ang dance floor. "Balitang parehong kursunada ng mga dalaga ni Don Enrique si Prince," wika nito at paismid na ngumisi.

"Bakit mo sinasabi sa akin iyan?" she asked, iritated now. Nang muli siyang sumulyap sa dance floor ay si Teresa na ang kasayaw ni Prince. At halos nakayakap na ang una sa huli. Nagpupuyos na ibinalik niya ang tingın kay Manny.

"Mainit kasi ang mga mata mo habang nakatitig ka sa kanila. Parang nagseselos ka," sagot ni Manny. "Pareho lang tayo."

"H-hindi kita maintindihan..."

"Cleo's my on and off girlfriend... Pero nitong huli niyang uwi. at makita niyang laging magkasama sina Prince at Teresa ay nagsimula siyang mag-ukol ng sobrang atensiyon kay Prince. And knowing Cleo, she gets what she wants." Patuyang umiling ito. "Naiinggit ako kay Prince. Trabahador lang pero mga tagapagmana ang nagkakakursunada." Bumaba-tumaas ang mga mata nito sa kanya sa malisyosong paraan, pagkatapos ay ininom ang alak sa baso nito.

Delaney couldn't think clearly. She was confused, angry, and jealous as hell. Sinundan niya ang ginawa ni Manny at pinangalahati ang laman ng kopita niya.

"Tayo na lang ang magsayaw," anyaya nito.

"No, thank you," she refused coldly.

"Ang killjoy mo naman. Tara na." Tumayo ito at
akma siyang hahawakan sa kamay subalit mabilis niyang iniwas iyon.

"Please," pinakadiin-diinan niya ang salita. "Hindi
ko gustong sumayaw."

"Narinig mo ang sinabi niya, Manny. Hindi niya
gustong magsayaw," ani Prince mula sa likuran niya.

Kung nakamamatay ang tinging ipinupukol nito kay Manny ay malamang na natumba na ito.

"Okay.. okay... " Itinaas nito ang dalawang kamay,
nagkibit ng mga balikat at kinindatan si Delaney bago tumalikod at nakihalubilo sa ibang mga bisita.