SWEETHEART 13: Someday My Prince

CHAPTER FIVE

Dalawang taon na ang nakalipas magmula nang dalhin siya ni Zach sa lugar na iyon. Habang nagbibiyahe sila ni Zach ay buo na sa isip niyang hindi siya magtatagal sa poder nito. Gusto lang niyang pagbigyan ang matandang lalaki sa magalang nitong imbitasyon.

But he was wrong. Sa bungad pa lang ng subdivision ay na-impress na siya. Dalawang security guard ang sumaludo sa major. At buong buhay niya'y nasanay siya sa maruming kapaligiran ng estero, ng mga batang marurungis na nagkalat sa paligid; ng mga sanggano at mga walang magawang mga tao na umaga pa lang ay nag-iinuman na; ng mga babaeng sa halip na asikasuhin ang bahay ay nasa pasugalan kipkip ang anak sa tagiliran...

At lahat ng mga iyon ay kinasuklaman niya nang
lihim. At bagaman hindi niya binibigyang puwang, sa kaibuturan ng kanyang puso't isip ay naroon ang pangarap na alisin silang mag-ina sa lugar na iyon.

Kaya naman labis niyang ikinamangha ang lawak ng subdibisyong pinagdalhan sa kanya ni Zach; ganoon din ang kalinisan ng buong paligid na pinag-isipan niya. Kung may mga nakatira sa bawat malalaking bahay na dinadaanan nila.

At nang ipakilala siya ni Zach sa asawang si Kaila, hindi maitago ni Prince ang pagkagulat.
Hindi niya inaasahang batambata ang asawa ni Major Williams. Young and lovely. At kung hindi ipinakilala ni Zach si Kaila sa kanya na asawa'y iisipin niyang anak ito. At thirty four, Kaila Williams was probably the sexiest woman Prince had ever met.

Hindi lamang maganda at sexy si Kaila. Mabait din ito at tinanggap siya kaagad na tila ba kapamilya siyang nagmula sa malayong bakasyon.

Sa maraming pagkakataon ay hindi niya mapigilan ang labis na paghanga sa babae. Hindi miminsang nahuhuli ni Kaila na nakatitig siya rito. And she would give him a warm smile that would melt his knees.

Kinasusuklaman niya ang sarili sa pagkakaroon niya ng matinding crush sa batambatang asawa ni Zach. Malaki ang utang-na-loob niya kay Zach at itinuturing niyang pagtataksil dito ang magkaroon ng ganoong damdamin kay Kaila.

Upang huwag palawakin ang hindi kinakailangang damdamin ay iminungkahi niya kay Zach na gusto niyang magtrabaho makalipas ang tatlong buwan sa mansion.

"I like people who are self-reliant, Prince. Subalit hindi ko alam kung anong klaseng trabaho ang maaari kong pagrekomendahan sa iyo,"wika nito. "You're just over seventeen at ni hindi pa nakakatapos ng high school. Bakit hindi na lang natin asikasuhin ang muli mong pagpasok sa paaralan? Marahil naman ay hindi ka pabdrop sa listahan sa dati mong pinapasukan?"

"Lalo akong hindi makapag-aaral kung hindi ako
magtatrabaho, Zach," aniya, tumiim ang mga bagang. "Sa pinanggalingan ko ay boy ako sa gasolinahan. Kahit paano'y kumikita ako.. kahit paano'y matutustusan niyon ang pag-aaral ko."

"Kahit paano..." Inulit ni Zach ang sinabi niya. Ang kamay nito 'y hinimas-himas ang halos puti nang lahat na balbas. Matagal na namagitan ang katahimikan bago muling nagsalita si Zach. "All right, madali kitang mairerekomenda sa ilang homeowners bilang hardinero o boy. But I don't think you'll like the job."

May ilang sandaling masusing tinitigan nito si Prince. Pagkuwa'y nagpatuloy sa pagsasalita.

"Nasabi ko na sa iyong may nabili akong lupa sa
probinsiya, di ba?" Nang hindi agad siya sumagot ay nagpatuloy si Zach. "Gusto mo bang doon magtrabaho? At the same time you can continue your studies there. May mataas na paaralan sa kabisera ng Sta. Esperanza. wala kang oras sa trabaho, Prince. At naroon si Elmo,
ang matandang katiwala ko roon. Ikagagalak niyang may makakasama sa rancho at natitiyak kong maraming bagay ng maituturo sa iyo si Elmo."

Sinatinig niya ang tanong na maraming beses
umuukilkil sa kanyang isip. "Bakit mo ginagawa to, Zach?"

Zach shrugged his shoulders. "Nothing comes free in this world, hijo. At ikaw rin ang uri ng taong hindi tumatanggap ng libre... you hate free ride." Ngumiti to, kumislap ang mga mata. "And I like that attitude. Bayaran mo ako pagdating ng araw, Sa anumang paraang kaya mo..." Nang akmang sasagot si Prince ay
itinaas ni Zach ang kamay at inawat siya. Nagpatuloy ito. "Life is a gamble, Prince. Attulad ng nasabi ko na Sa iyo.. gusto kong susugal ka."