"يخبرني انه يحب عيناي وانا لأجل عيناه اعيش "

يخبرني انه يحب عيناي وانا لأجل عيناه اعيش: البارت الـ(3).

البارت الـ(3).واتباد
"نجمة م تضر ولا تاخذ من وقتك "🫶🏻

ابو تركي: مافي شيء ي يبه بس ماكل هم وشلون بيروحون بناتي الدوام وتركي من الليل م رجع من دوامه وانا ي يبه تعرفني ماعدني اقدر اسوق والسواقين عطيتهم اجازة وعدي حرارته مرتفعة من امس والحين ماكل هم وشلون بيداومون!
الجد اكل هم البنات مع ابو تركي وقال: والله وانت صادق وشلون الحين! امس بنيتي جت عندي قبل م تنام وكانت تقولي احتمال يكون ف عملية اليوم ولا ليه اصلا الغوا اجازتها هي بعد مع اختها؟
سعود وابو سعود كانو يسمعوا كلامهم ومركزين معهم بعكس احمد الي كل همه الحين انهم يوصلون البيت باسرع وقت عشان بس يرجع ينسدح وينام.
ابو سعود: افا تاكل هم بناتك وحنا موجودين ي محمد!
والله انو محد يوديهم الا سعود
وسعود م كان ناقصه ابد والتفت لابوه باستغراب وقهر بس كان ساكت ورغم انو كان مقهور الا انه م وضح ذا الشيء ولا اعطى اي ردة فعل وحتى ملامح وجه م تغير نفس م هو "بتعرفون بعدين ليه سعود انقهر"
نكمل...
وقال: ابد ي عم والله محد يشيلهم الا انا
ابو تركي كان بيرفض بس اتذكر ليان وكلام ابوه وسكت وقال: والله ي ولدي اسف اذا مثقل عليك
سعود بهدوء: ابد مافي ثقل ولا شيء بناتك بالحفظ والصون .
ابو سعود: دام موضوع البنات انحلت اجل فطوركم عندنا ومابي اي رفض
ابو تركي: ي سلطان والله انو فضلكم علينا كثير وم نبي نشغلكم اكثر
ابو سعود: لا والله انا قلت م ابي اي رفض وبعدين ي محمد وش ذا الكلام وش الي فضل م فضل حنا اخوان ي محمد لا تنسى ذا الشيء وترا بزعل منك اذا سمعتك تقول كذا مرة ثاني وذا الكلام ماهو بيننا
ابو تركي استحى وانحرج من كلام ابو سعود وقال: ان شاءالله
ف البيت :
ليان وليليان لابسين عبايتهم ومنتظرين وهم نفس الشيء توه يجيهم لحظة ادراك انو سيارتهم مب معهم وعدي مريض وتركي ماهو موجود وطبعا ابوهم مستحيل يتعبوه .
قاعدين وكل وحدة لابسة عبايتهم ونقابها ف يدها وليليان معها شنطة وكل وحدة ف يدها اللابكوت.
وقاعدين ف الصالة جنب بعض ف الكنب وليان حاطة راسها على كتف ليليان وهي للان فيها نوم
دخل ابو تركي وهو ماسك يد ابوه وشافو التؤام يناظرو الفراغ وابو تركي حس انهم ماكلين هم الدوام وقال :فطرتو؟
التؤام ناظرو الاب والجد وقالو: لا
وليليان قامت بتروح المطبخ قالت :اجيب لكم الفطور ي يبه !
ابو تركي:لا ي بنتي حنا معزومين
ليليان وقفت وكشرت حواجبها وقالت: يبه من عزمكم
ابو تركي: عمك سلطان عزمنا عنده
ليليان سكتت ورجعت مكانها
الجد : يلا ي يبه جاهزين؟ سعود ينتظركم برا
ليليان كشرت ووجهه كامل هالمرة وقالت :ومنو ذا سعود بعد؟ 
الجد: ذا ولد عمك سلطان ، سعود
ليان من وراء: طيب ليه هو اللي يوصلنا!
ابو تركي: لانو مافي احد يوصلكم غيره
ليان: طيب عادي دام  مافي احد ناخذ تكسي ونروح.
ليليان ناظرت فيها وكانها تقول احلفي بس
ابو تركي: وشلون تاخذون تكسي واصلا وش يجيب التكسي هنا! ناسية انو ذا الديرة مافي تكسي ولا هم يحزنون وشارع العام يبعد من الديرة نص ساعة
يبغالك تمشين بالسيارة نص ساعة بس عشان تطلعون من الديرة وتوصلون لشارع العام وبعدين انا م أأمن عليكم بالتكاسي
ليليان: طيب ي يبه وشلون ترسلنا مع واحد م نعرفه؟
الجد سعود: وشلون م نعرفه! هذا تربية عبدالله
عبدالله ربى سعود بنفسه قبل لا يموت الله يرحمه
سعود نسخة من جدك عبدالله الله يرحمه .
ليان: بس ي يبه...
م كملت كلامها يوم شافت اختها تناظر فيها وتاشر لها بعيونها "يعنى خلاص اسكتي"
ليليان: تمام ي جدي هو الحين برا !! يعنى نطلع؟
الجد سعود: ايه خلاص اطلعو اساسا هو من اول منتظر برا ونحن اخرنا الرجال
التؤام: طيب.  وراحو بالفعل لبسو نقابهم وطلعوا من البيت مع ابوهم وجدهم
سعود كان منتظرهم وهو كان لابس بدلته العسكرية وكل بعد شويا يناظر بساعته وهو عنده مداهمة بعد ساعتين ولازم يخطط له مع فريقه وهذا اللي كان قاهر سعود من البداية المفروض الحين وصل وقعد يخطط مع الفريق
طلعو وشافو سعود واقف جنب باب السواق وليليان اول م شافته تذكرته هو نفسه الي شافته اول يوم لها هنا مع اخوها تركي وهو نفسه اللي ساعدهم
سعود رفع عيونه وشافهم وشاف بنتين وكل وحدة بيدها اللابكوت حقها وعرف انهم دكاترة الاثنين وبنفس الوقت عرف انو وحدة فيهم هي نفسها اللي كانت مع تركي بس ماهو قادر يفرق من هي الي كانت مع تركي بالضبط." شيء طبيعي تؤام وش تتوقعون يعنى" نكمل..
سعود ركب السيارة والبنات طلعو وراء وليليان كانت وراء سعود بالضبط
وقامت خرجت الاب حقها من الشنطة وصارت
تشوف جدول مواعيدها لين م مر ساعة
سعود اتوهق نسى يسأل عمه ابو تركي عن المستشفى وقعد يفكر بينه بين نفسه شلون بكلمهم الحين واخر شيء قال ياخي ماني مسوي جريمة عشان اخاف بسالهم سؤال وخلاص ينتهى الموضوع وشجع نفسه ونطق وقال: شسم المستشفى؟
ليليان م كانت مركزة معه وكانت مشغولة
وليان ناظرت اختها ورجعت ناظرت ف سعود وقالت: مستشفى ال***
ورجع عم الصمت مرة ثاني....
سعود جاه اتصل من معتز رد عليه سعود : هلا بالمعتز بشر
معتز ضحك وقال: ابشرك لقطناهم بس منتظرينك توصل عشان نثبت على الخطة ونبدا المداهمة
سعود: يلا يلا م بقي شيء انا ف الطريق نص ساعة وانا عندكم ان شاءالله.
معتز: ان شاءالله يلا سلام
سعود: سلام . وقفل اول م وصل المستشفى ونزلو التؤام
ليليان رجعت الآب ف الشنطة وخرجت من السيارة وم امداها تمشي الا وتجي حلا وتضمها من وراء
ليليان التفت الا تشوف حلا حاضنتها وامها ورأها ليليان ضحكت اول م شافتها واخذتها وباست خدودها وقالت: يالله انك ترحب وش ذا المفاجأة الحلوة.
حلا بضحك: ماما تقول جينا نراجع
وكملت بزعل :وتقول انو هذا اخر مرة اجي فيه وماعد بشوفك ليه م جيتي الاسبوع الى فات كنت انتظرك كل يوم لين خرجت وبرضو م شفتك يوم جيت اراجع.
ليليان بحزن وبنفس الوقت مبسوطة : اولا الحمدالله على السلامة ثانيا كنت ماخذة اجازة ثالثا حتى انا ودي اشوفك كل يوم بس لو ابغا اشوفك كل يوم فهذا يعنى انك بتمرضي عشان اشوفك وانا م ابغاكِ تمرضي ولا تتآذي، عشان كذا كوني بصحة وسلامة، وصح اني زعلانة انو ذا اخر مرة بشوفك بس بنفس الوقت مبسوطة لانو هذا يدل انك اتعافيتي والحمدالله
سعود الي كان بيروح شاف كل شيء وابتسم لما شاف البنت الصغيرة تحضن ليليان بس م كان يعرف من ذي ولا كان يسمعهم ومشي راح لشغله
سعود وهو ف الطريق اتصل على اخته ..
مزن: هلا سعود
سعود: اهلين
مزن: بغيت شي ي سعود!
سعود: ايه اسمعي انا عندي مهمة ولا تقولي لاحد ويمكن اقعد يومين اول اكثر او اقل ويمكن ماعد ارج...
م كمل كلامه يوم شهقت مزن وقالت: فال الله ولا فالك استغفر ربك ي سعود وش ذا الكلام قول ان شاءالله راجع لا تقول ذا الكلام مرة ثاني . وهي خلاص دموعها نزل على خدودها من كلام سعود
سعود اتنهد: لا تبكي اعرفك قوية انا وان شاءالله اني راجع واذا م رجعت ترا هدية ملكتك ف غرفتي ودعتكم الله .وقفل بسرعة قبل لا يضعف اكثر
ومزن او م قفل قعدت تبكي بس قالت بنفسها انتي ي مزن اقوى من كذا لا تبكي هو بس رايح وراجع لا تبكي لا تبكي وقامت وراحت غسلت وجهها واتوضت وراحت صلت ركعتين
"مافي ملجأ للعبد غير ربه فأشد حالات ضعفه مافي شيء يريح العبد غير مواساة ربه"
وراحت علمت اهلها وقالتلهم انو سعود بيغيب عن البيت يومين وكذبت عليهم وقالت انو بيقعد ف بيته الي بالرياض عشان ف اي وقت ممكن انهم يستدعوا وم يقدر يجي الديرة
واهلها م قالو شيء لانهم متعودين بس ام سعود م كانت مرتاحة وكانها حاسة بيصير شيء لولدها بس قامت تستغفر من افكارها
العصر عند البنات ف المستشفى
ليان توها طالعة من العملية وهي من الصباح دخلت غرفة العمليات وتوها العملية انتهت بشرو اهل المريض وقالو انو ممكن يكون ف مضاعفات وملزوم انو يقعد ف المستشفى يومين وهو حاليا بالعناية.
ف بيت الجد سعود:
ام تركي جاها اتصال من بنت اختها الي بالامارات
وعرفت انو اختها مريضة مرة وصار لها اسبوع ف المستشفى وتوها بنت اختها اتصلت عليها عشان تعلمها وراحت اتصلت على ابو تركي : ي محمد وينك انت
ابو تركي: هنا قاعد مع ابوي عند الجماعة
ليه وش صاير!
ام تركي : متى راجع البيت؟
ابو تركي حس فيها وقال: الحين راجع تبين شيء اجيب شيء وانا راجع؟
ام تركي: لا لا انت بس تعال ويصير خير وقفلت الخط وهي قاعدة ويدها بقلبها تبغا تروح لاختها هذي اختها الوحيدة وفوق كل ذا اتزوجت وراحت سافرت مع زوجها الامارات ومن سنة لسنة تشوفها
اتصلت على اخوها عُبيد.
عُبيد: ي هلا والله بأم تركي
ام تركي: ي هلا فيك، اسمع بسألك رحت زرت خلود!.....
تعريف بسيط عن اهل ام تركي:
الاب والام وعندهم ثلاث عيال وبنتين 
وكل عيالهم متزوجين
ولدهم الكبير عُبيد يحب امه وابوه مرة واخواته واخوانه بعد،
بس اخواته كان له محبة غير عنده  وعنده خمس عيال وثلاث بنات وطبعا يحب بناته اكثر صح يحب عياله بس عنده غلا ومعزة للبنات اكثر.
خلود الي جت بعده علطول اتزوجت اماراتي وراحت معه الامارات  وعندها ولد وبنتين.
اخوه سليمان عنده بنت وحده بس م عنده عيال.
وبعده اخته  ام تركي حفصة وهي يوم اتزوجت راحت الرياض راحت ديار زوجها النجد وبعد م خلفت اربعة عيال رجعت للحجاز وهي حامل بالتؤام نوف ونياف وخلفت بعدهم عبود والي هو اخر العنقود وعندها ثلاث بنات واربعة عيال.
واخوه الصغير نايف متزوج وعنده ولدين وثلاث بنات.
وطبعا اخواته كل وحدة اتزوجت وراحت مع زوجها اما اخوانه الحمدالله كلهم جنب بعض بس هو وعائلته الوحيدين اللي يعيشو ببيت الام والاب رغم انو عندهم فلوس ويقدرو ينقلو بس لو نقلو مافي احد يراعي الاب والام عشان كذا قعدو ببيت الام والاب.
نرجع للمكالمة:
عُبيد: لا ليه صاير لها شيء،
وهنا ام تركي عرفت انو اختها كانت مانعة عيالها انهم يكلموا خوالهم ويقولهم عن مرض امهم وقالت وهي م تبي تخوف اخوها تعرف وشلون يحبهم ويخاف عليهم:لا مافي شيء بس انا كنت بزورها وسالتك اذا زرتها احسبك رحت بدوني عندها
عُبيد:لا لا م رحت وان شاءالله ان رحت قلتلك تجين معي
ام تركي: ان شاءالله بس اسمع انا شكلي بزورها ودك تجي معي؟
عُبيد:والله ي اختي انو ودي بس تعرفين صحة ابوي وانا والله مقدر اتركهم
ام تركي: كيفهم امي وابوي وانتو كيفكم عساكم بخير!
عُبيد: بخير بخير الحمدالله م علينا شر
ام تركي: الحمدالله ي رب اجل انا الحين بقفل جاء ابو تركي .
عُبيد: فأمان الله
وقفلت الخط وراحت لابو تركي وقعدت معه تتكلم عادي وفتحت معه موضوع السفر
ابو تركي: اجل لا تروحين لوحدك شيلي معكي ليليان وليان وعبود بعد
ام تركي: بس ليان وليليان توه خلص إجازتهم
ابو تركي: م عليكي انا بتكفل بذا الموضوع وانتي روحي عبي شنطتك وارتاحي لك شوي وقولي للتؤام اذا رجعوا يعبو شنطهم وانا بروح احجزلكم التذاكر
ام تركي:ايه ان شاءالله اجل انا بروح اشوف عبود واعبي شنطته
وراحت ام تركي لعبود .
_______________________________
///////////////////////////////////////////________________________________
ف ثلاث كوبل ع الطريق  من تتوقعون وكيف تتوقعون شخصياتهم!
اعطوني رايكم ترا رايكم يهمني مرة.
———
للامانة زعلت من حقين الانستا وجيت انزل البارت هنا ف الواتباد اول
انا اتعب واعصر مخي لين اطلع الكلمات وهم يقرون بارد مبرد ومستصعبين انهم يحطون لايك واحد الصدق مرة مقهورة منهم
ادري انو البارت قصير بس ان شاءالله اعوضكم ف البارت الجاي