جحيم ليلة ديسمبر

البارت الـ ٤٤

- جهااااد شجابك

- جابتني رجليه قابل شجابني سكت وضحك حيل
هاي شنووو ؟

- حجيت بأستغراب شنو ؟

- كفشتج طايره للسمَاوات

- اتنفست بغضب ورديت .. شعري وبكيفي

سحبني من خصري بأيد وحده والايد الثانيه يعدل شعري وعيونه تتفحص كل خليه بوجهي

- گلج ع بعضج مالتي ولج ام اللسانين

- خليت ايدي بدلع ع صدره مانتزوج هسه حبااااب
بسرعه اخذ كف ايدي وعضاه حيل

:- سحبت ايدي بسرعه منه اخخ اخ شبيك

- ضحك تك خد عسل عمي عسل

- باوع

- باوعت ها

- اخلص المرحله الخامسه ونتزوج

- رفع حاجبه ليش بلااا

- احسن

- همممم

- ها شكلت سحبني وراه للسرير بدون ميرد كعد ع السرير وكعدني ع رجله حاوطت ركبته وميلت راسي بركبته وحجيت ابرائه

- ها شكوووولت

- وتالي

- وره التخرج وعد

- نو نو

- ما مااااا ما جهاد شعليه

- تعالي اكولج

- باوعت القربي منه .. بعد وين اجي واني كاعده بحضنك

- اشرلي ع كلبه

- سويت حركه بحلكي هو اكيد بكلبك كاعده

- عدلي الحلك بالأول لا اعدله بطريقتي

- حجيت بتمسكن وشلون تعدله يماااااا

- هيج حجاها وباسني بشفتي بوسه سطحيه واذا تردين كل شوي عوجي لهذا الحلك اعدله واني الممنون

- ضربته ع صدره اييي فرصتك هاي بس تحلم احققها الك مجاوبني وكمل كلامه بجديه

- اريدج بأقرب وقت يمي

- بس اني كل وقتي وياك ويمك

- لا اريدج اهنا حجاها وأشر ع حضنه

- وهسه اني بحضنك هم

ضربني ع راسي بخفه ورد

- منين ما اجيج تجيني ماتنطين مجال المهم اريدج دوم گبال عيني اريد ارتمي بحضنج من التعب مااريد بس صوت ومكالمه هاي ما احسها تروي حبي ولا عطش روحي عليج

- لعد

- اريد اكعد وانام ع ضوه عيونج متصدكين اذا اكولج بكل فرض وصلاه الليل وبكل وقت اطلبج من الله