جحيم ليلة ديسمبر

البـارت الرابع

جحيم ليلة ديسمبر
بقلمي انا .. ﭑلـ نَور

لتنسون التصويت + التعليق الحلو بين الفقرات ومتابعة NON4_13 فـراشاتـي
insta : 4lno13

احـبـكــم❤️

♣️♣️♣️♣️♣️

لم تكن صدفه حين عثرت عليك ..

كنت مرسومآ على حدود أيامي،
كنت شيئآ انتظره وينتظرني
ولم يكن لقائنا الا بدايه حكايه
صاغها القدر بإتقان ..

♣️♣️♣️♣️♣️

:- رحـيـــل

وجان اشوف نفس القيافة والطول دنگ راسه يسلم على ابويه انتبهت الأصابع أيدة ونفس ذاك المحبس اليلمع بيدة رغم ايدة الحنطية بس مع ذلك المحبس زايدتها حلاة

المحة بطرف عيني بين كلمة وكلمة ياخذه نظره وكأنِ شبح ونازل للأرض مو انُثى رقيقه نزلت راسي بخجل من نظراته وهو بعد ما رفع عينه عليه ابد اترخص ابويه وطلعنا للأمام واني صافنة لهناك طفرت لأبويه

:- بابا سيف شعنده اهنا

:- غير دوامه بغداد وي جهاد واليوم واجبهم اهنا

بتفكير اردفت
:- ومنو جهاد هذا يعني شيصير لـ سيف يعني

:- لج بنتي شكد لحوحه وفضولية انتي

رديت بضحكة
:- باباتي انت الحجيت ترى واني اذا شي ينذكر يمي احب اسأل عن سابع جار اله

جاوبني بضحكة كلها رزانه وعيونة للـشارع مركز

:- جهاد ابن خال سيف وابن ابن عمي لتسألين اكثر لأن تدوخين ،شي ماخذ من شي وعايشين بغداد رضيتي فضولج ست رحيل

:- أبتسمت ورجعت راسي ع الجامة اباوع
للـشوارع وكفنا قريب الگراج نزلنا نتمشى للامام

لمحت الگبة من بعيد تلمع تجنن تنطي طمـأنية
وراحة نفسية وي لمعتها لمعت عيوني بالدموع

:- همست بخفوت السلام عليك يا اسد بغداد
السلام عليك ياموسى ابن جعفر
السلام على ابا الجوادين ورحمه الله وبركاته

عبرنا التفتشيات بعد ملبسنا چادر الصلاة وروحي مليانة شوق للأمام ولهفةة