"အင်း... ဒီမိဖုရားက ဧကရီအတွက် ဝမ်းသာပါတယ်" သူမပြောလိုက်သည်... "အင်း... ဝမ်ရှု... ကျွန်မ ရှင့်ကိုမေးခွန်းတစ်ခုလောက်မေးလို့ရမလား" ငါလှောင်ပြုံးပြုံးလိုက်၏... သူမက မေးလို့ရကြောင်း ခေါင်းညှိမ့်ပြသဖြင့် ငါဆက်ပြောလိုက်သည်... "ရှင်က တကယ့်'မင်' မဟုတ်ဘူးဆိုတာကို ဧကရာဇ်ရှာတွေ့သွားမှာ မကြောက်ဘူးလား"
သူမငါ့ကိုကြည့်ပြီးနောက် အစေခံတွေအား အပြင်ကိုထွက်သွားခိုင်းလိုက်သည်... "ဒီမိဖုရားကို 'မင်' မဟုတ်ဘူးလို့ စွပ်စွဲရဲတယ်? ရှင်သေချင်နေပြီလား" သူမ ခြိမ်းခြောက်စကားဆိုပေမဲ့ ငါကတော့ ရီရုံသာရီလိုက်သည်...
"ကျွန်မသာ အမှန်တရားကိုထုတ်ပြောလိုက်ရင် သေရမယ့်လူက ရှင်ဖြစ်သွားမှာ" သက်တောင့်သက်သာရှိတဲ့ ထိုင်ခုံပေါ်မှာအညောင်းပြေအောင်ထိုင်ရင်း ငါပြောလိုက်သည်...
"ဧကရာဇ်က ငါ့ကိုချစ်တယ် ပြီးတော့ ငါက သူ့ကလေးကိုလွယ်ထားတာမလို့ ငါ့ကို လုံးဝသတ်မှာမဟုတ်ဘူး" သူမကိုခြောက်လှန့်မယ့် ငါ့ရည်ရွယ်ချက်ကို သူမက လှောင်ရယ်လေ၏...
"အယောင်ဆောင်တွေအားလုံးကို ဧကရာဇ်ဘာလုပ်ခဲ့လဲဆိုတာ မေ့သွားပြီလား... ကိုယ်ဝန်ရှိရှိ မရှိရှိ သူရှင့်ကို သတ်မှာ... အဲ့တာကြောင့် စကားကြီးစကားကျယ်တွေပြောမနေနဲ့တော့" ငါပြောတာမှန်တာကို သူမ သိသွားတော့ စတင်ငိုကြွေးလေတော့သည်...
"ကျေးဇူးပြုပြီး ဧကရာဇ်ကို မပြောပါနဲ့.. ကျွန်မရှင့်ကို ရွှေတွေ ငွေတွေပေးလို့ရပါတယ်... တန်ဖိုးကိုသာသတ်မှတ်လိုက်... ကျွန်မ ရှင့်ကိုပေးမယ်" လွှတ်ကနဲပြောထွက်သွားတဲ့ စကားလုံးတွေကို သူမ သတိမထားမိဘဲ တောင်းပန်နေလေ၏...
"ကျွန်မက လုံလုံလောက်လောက်ကိုချမ်းသာတယ်... တန်ဖိုးအနေနဲ့ ရှင့်ကိုသေစေချင်တယ်ဆိုရင် ကိုယ့်ကိုယ့်ကို သတ်သေမှာလား" ဒူးထောက်နေတဲ့ ဝမ်ရှုနားကို ငါသွားလိုက်သည်.. "မလုပ်ဘူး!!" သူမပြန်ဖြေသည်...
"အဲ့တာကျွန်မဖြစ်ချင်တာပဲ... အခု ကျွန်မမေးတဲ့မေးခွန်းကိုသာဖြေ... ရှင့်လျှို့ဝှက်ချက်ကို ထိန်းထားပေးမယ်" သူမရဲ့မျက်ရည်တွေကို သုတ်ပေးရင်း ငါရင်းနှီးစွာပြောလိုက်သည်...
BINABASA MO ANG
ငါ့ကိုပွေ့ဖက်ထားနိုင်မလား(ဘာသာပြန်)
FantasyReader လေးတစ်ယောက်က တောင်းဆိုထားလို့ပါ Both Uni and Zawgyi ************ လုခယ့်ဟာ သူ့ရဲ့အသက်သုံးဆယ်ပြည့်မွေးနေ့တွင် နှလုံးရောဂါကြောင့်သေဆုံးသွားခဲ့ပြီးနောက် ရှေးခေတ်ကမ္ဘာတစ်ခုသို့ကူးပြောင်းသွားလေသည်... သို့သော်သူနိုးလာတဲ့အချိန်မှာ သူဟာ လယ်သမားမိသားစု...
Chapter-12,13
Magsimula sa umpisa
