لبوة على شفا الثأر
بقلمي :leo Alfatlawi
Ins:le_m3r
علقو على كل ومضه ♥️
بارت الخامس عشر
اتصنمت واني اشوفها واكفه تحجي ويا ساره
باوعتلي ابتسمت كالت ناااي
--غيدااااء؟
--مم غيداء ماناسيتني يعني حلو بس والله حليانه اكثر وصايره احوال
كالتها واجت يمي اتعدل بياخت القميص
-- شبيج اتصنمتي شنو هيج شوفتي ترعب
--لابس اتفاجأت من وجودج اشلون طلعتي
--منو كلج اني جنت محجوزه حتى اشلون طلعت
--اشوصلج لساره
--ليش ماحجتلج ساره عن صديقه عمرها
--صديقتج ؟
--موبس صديقتي اختي وحبيبتي وصاحبت فضل واني صاحبت الفضل ماانكره ولاانساه
اشرت اي
عرفتها تقصدني خفت وجهه شيطاني وتباوعلي بنظره اتخوف
ركبتها جانت امشخطه اباوع لديها هم نفس الشي اكيد جانت ويه هذا الموزين الي عليها اثار تعذيب انداريت ردت افتح الشقه
-- انتظري خلينه انسولف على شنو مستعجله
--ماكو بينه حجي وخري غيداء
--لااكو وهواي مشتاقتلج تره
--غيداء دخيلج عتقيني عندي هم يكفيني اضل اتصفن بي الف سنه
--شنو همج يجوز اكدر ازيله عنج تعالي خلي نحجي اشبيج لزكتي بالباب
كالتها وسحبتني حيل
ساره جانت واكفه يم شقه غيث كالت اتفضلن خو شقه زوجج مارادلج بعد ترحيب
--لاترحيب ولااريد ادخل من الاساس وخرن مستعجله عندي شغل اريد اروح
ساره. المن ترحين انتي لحدمن اتضلين عايشه بين الشباب شنو متخجلين كلنه مكسور خاطرهم بس متحسين روحج عاله عليهم
--ليش شكولج مني؟
--بدون لايشكولي اصدقائي واني اكثر وحده اعرفهم اشلون يخجلون يحجون بس شتنگول الي ماعنده احساس ولو حقج وين محصله هيج عيشه من الخدمه لهيج مكان راقي حقج تلزگين
غيداء. وليش عايشه بينهم ماعندج مكان خاص
ساره. منين هي اصلا جانت تخدم بالعمارات يادوب اتوفر اكلها وهسه حتى تشتغل كوه حصللها جود وهم اليوم حجيت ويه مدير الشغل كال راح اطردها لان عرف جانت مسجونه بقضيه قتل ومطعمنا هم راح اطلعها منا كلت لجود اتفهم الامر
