خلي جهالي اني اربيهم اكدر تعبتتت والله جاييي تفهمممم شحجييي
بابر: جود شيلي هلفكره من راسج وتعاي اهدي وحجيلي الصار
ومو زلمه اذا ماخذت حقج
كتلج وارجع اكولج اني بضهرج حتى لو انتِ الغلطانه سمعتي يابه اني اسندج
جود: عمتي
بابر: شبيها وياج
جود: محملتني موت يوسف
وكل النهار ماخليج تتهنين بابر وشبع
... بيج لو بعد
حجيتله كلشي
بابر: لاديريلها بال علما اشوفلي حل وياها من يوم يومها هيج
وانتِ عليش حامسه نفسج هيج يابه اهم شي صحتج وطز بالباقي خلي تنكلب لاتصيرين هيج هشه وكلمن يجي يكسرج
صيري لبؤة
صيري قويه
يابه اني والله بضهرج الي يكولج كلمه رديها بعشرة
سمعتي اخذي حقج بيدج بدل هلدموع جان كسرتي عيونهن ومكدرن يحجن وياج هيج
ولا عبالج اني غشيم عنهن ادري بكلشي
واني اذا مااسمع منج وافهم السالفه ماسوي شي
اني اعرفج نقيه وصادقه بالحجي واعرفج زين ماراح نهار تجذبين عليه بشي
اني كتلج احسبيني ابوج
صديقج
اخوج
اي شخص تفضفضيله
راح اووكف وياج وانتِ تعبانه، وانت فاشله، ضايعة وانت تايهه ، أنتِ مكتئبه وانتِ غلطانه ، راح اكون وياج وانت عصبيه ، راح اساعدج واضل متمسك بيج للموت ، راح اوكف وياج بكل خطوه، لمن تخسرين ماتشمت بيج ، راح احب خبالج وفرحج
وحزنج.
اني الي اختاريت اكونلج سند
اني الي راح اقويج
يلا يابه كومي سويلي شي اكله ميت جوع
دروح اكمل شغلي
جود: تمام
كمت واني افكر احس حتى ضوجتي وقهري من هلسالفه رحت من حجيه
سويتله اكل وجبتله
اكل وبوسه الجهال
بابر: ديري بالج عليهم وعلى نفسج يابه
جود: بعيوني
راح بابر
واني نزلت كملت شغلي سويت الغده
وصارت وكت الصلاة صليت
وصبيتلهم. الغده
تغدينا
وغسلت المواعين. رتبت المطبخ وطلعت على الجهال
لعبتهم شويه وشغلتلهم. التلفزون
جود: عيسى حبيبي اذا بجت مياسين دك باب الحمام عليه خوش وانتبه على مياس
البارت 14
Start from the beginning
