“ မောင့်..”
အနာရှိန်နဲ့မှိန်းနေသည့်ကြောင်ကို နားရွက်အသည်းအသန်အုပ်ကာ ဆောင့်ဆောင့်အောင့်အောင့်နှင့် လူကိုလာအော်ကာ စွေကန်းကန်းလာကြည့်လေသည်။
“ ခင်ဗျားကျုပ်ကိုကြည့်နေတာနဲ့ ခင်ဗျားကြောင်သေသွားရင် ကျုပ်က တကယ်ခွေးစာကျွေးပြစ်မှာ “
“ မောင်ကကွာ..မကုပေးရင်လည်းနေပါ ကိုယ့်ဘာသာကုပါ့မယ်.. ခွေးစာကျွေးမယ်တော့မပြောပါနဲ့မောင်ရယ်..။ တော်ကြာ မောင့်ကို လူဆိုးလို့ထင်သွားရင် ဘယ့်နှယ့်လုပ်မတုန်း"
“ ထင် ထင်..ခင်ဗျားဟာလေ အရစ်ကိုရှည်တယ် “
သူနည်းနည်းပြုံးချင်လာ၍ နံရံဘက်ကိုအချိန်မီလှည့်လိုက်ရသည်။
“ ဟွန့် မောင်က သိပ်ဆိုးတာပဲ “
တွေ့လားကြည့်..။ သူကျ လူကို လူဆိုးလို့ပြောပြီး သူများကျအထင်မခံနိုင်ပါဘူးတဲ့လေ..။
ဒီလူ သိပ်နားလည်ရခက်တယ်…။
နွယ် ကြောင်လေးကို တစ်ဆင့်ချင်း ဖြည်းဖြည်းချင်းချုပ်ပေးကာ ပတ်တီးစည်းပေးပြီး သန့်သည့် နေရာပြောင်းထားလိုက်သည်။ အကိုက်အခဲပျောက်ဆေးထိုးပေးဖို့လည်း မမေ့ချေ..။“ ဟူး..တော်ပါသေးရဲ့..အချိန်မှီလို့ “
နွယ် အခုမှသက်ပြင်းချနိုင်သည်။ နွယ် ဒီကြောင်လေးကို မကယ်နိုင်ရင် တစ်လလောက် စိတ်ကောင်းမှာမဟုတ်ချေ..။
တိရစ္ဆာန်ဖြစ်နေအုံးတော့ အသက်တစ်သက်ပဲလေ…။“ လာပါအုံးနွယ်သာကီ “
နွယ် မောင့်အနားကို ခပ်မှန်မှန်သွားမိသည်။ စောနက မောင် ဒေါသထွက်နေတာမလား..။
နွယ် မောင့်အနားရောက်သွားတော့ မောင်က ထရပ်လာသည်မို့ ရိုက်တော့မည်ထင်၍ နွယ်မျက်လုံးမှိတ်လိုက်မိသည်။“ သိပ်နာလား နွယ်သာကီ..။ ခင်ဗျားကို ကိုယ်ထိလက်ရောက်စော်ကားခံရတာနဲ့ အဲ့ကြောင်ရဲ့အသက် လဲရတာ တန်တယ်လို့ရော ထင်လား နွယ်သာကီ “
ဒီလှိုင်း အားပါပါလက်ညှိုးနှင့်ထိုးမိသည့် နားထင်လေးသည် အခုထိရဲနေတုန်းမို့ ဒီလှိုင်း ခပ်ဖွဖွကိုင်ကာ စိတ်မကောင်းဖြစ်မိသည်။
YOU ARE READING
Mg'd Nwel Thar Kii (Book version)
Romanceခေတ်ကာလ အရ Wp versionနဲ့ Book versionဆိုပြီး versionနှစ်မျိုးရှိပါတယ်။ ခပ်ကြမ်းကြမ်းကြိုက်ရင် Wp versionကိုဖတ်သင့်ပါတယ်။
CH:11
Start from the beginning