احلام محطمه بقيود الزواج

مشهد

مساء الخير حبايبي
اجيتكم بمشهد للقصه
نحمسكم بي😂
للعلم القصه حقيقيه ١٠٠٪١٠٠

فاطمه الموسوي
ـــــــــــــــــــــــــــــــــــــــــــــــــــــــ

اني متمدده بلغرفه مكدر اشيل جسمي اجه
ابوي جاب المكينة راد يحلق راسي واني ممده ع الارض وامي كاعده يمي اجه اخوي دفع ابوي عني

كاله لاتلمسها لهل  نكسه
ضليت بس دموعي تنزل بحراره ماعرف شعور سفينة خشبيه محطمه على الشاطى لاتستطيع الابحار ولا العوده لتكون شجره ماعرف شنو اسوي واني بحياتي مامذيه احد منهم كلش تئذيت من كلامه شنو ذنبي ذنبي انو مرضيت بضلمكم ذنبي تردون تجبروني على شي اني ماريده وين حق الله شنو ذنبي تئذوني
اخوي وخر ابوي مني يكله عوفها ليصير بيك شي لعد اني مفكرتو بيه اني شنو حيوانه معندي احاسيس
ابوي وكف واشر عليه وكال

هاي الجل... به اذا تضل هيج تعاند والله اكتلها بيدي اموتها
امي تبجي وتكله هاي هيه بس اطلع
طلعه اخوي وهوه يصيح كامت امي تبجي وكومتني حتى اغسل مقبلت بقيت بفراشي شويه واجت يمي كالتلي

يمه لتعاندين وافقي اخلصي

ـــــــــــــــــــــــــــــــــــــــــــــــــــــــــــــــ

جسمي كله ازرك من الضرب ماعرف شنو البس بلخطبه اجت عمتي جابت تنوره وبدي طويل ردنه لبسته حتى اضم الآثار اجه الشيخ كالو خل تجي خل يعقدلهم الشيخ احس يكولون حانت ساعت اعدامي مو خطوبتي كمت وكفت يم الباب ارجف احس وجع بكل جسمي حجه الشيخ وبلكوه يالله طلعت مني كلمت موافقه حسيت حكمو عليه بلعدام مو بلزواج عقدنا الشيخ شويه وكالو راح يطب العريس هناء احس حيلي باد بعد مكدر اتحرك رجفت جسمي زادت دخل بكل وسامته بس رغم هاذا اني مجنت مهتمه احس هاذ سجاني مو زوجي اجه باس راسي كعدنه يلبسني الخاتم احسه حبل المشنقه بلكوه كاتمه شهكتي اخذ ايدي يلبسني الخاتم شاف اديه زرك لمن لبسني الحلقه اختنكت احس حبل تطوق على ركبتي بوكتها ماجنت اضن ان الانسان ممكن ان يعدم بخاتم زواج

ـــــــــــــــــــــــــــــــــــــــــــــــــــــــــــــــ

في يدي خاتم لاعلقه له بقلبي💍💔

حبايبي لاتنسون التصويت
ومتابعة الحساب

يتبععع

طبعا التنزيل بعدنه ممحددين بس يصير تفاعل على القصه نحدده
صوتو بليززز🤍