"إكليل الحياة"36
قبل اى حاجه اضغطوا لايك
"البارت السادس والثلاثون"
خرج سراج من الجامعه بعد ما انتهى من عمله تمشى قليلا واتجه إلى المكان المفضل له جلس بضيق وظل ينظر امامه بتفكير وفى ذلك الوقت سمع صوت أنوثى يقول له
-لسه زى ما انت متغيرتش بتحب تيجى تقعد هنا كل ما تحب تهرب من نفسك
نظر أمامه بعدم تصديق والتف سريعا بأتجاه الصوت وقال
سراج :-صفاء
اقتربت منه وجلست على المقعد وقالت بصوت مختنق
صفاء :- واحشنى اوى اسمع أسمى منك
نظر لها بعدم تصديق وقال
سراج :-انتى بتعملى ايه هنا
ابتسمت له وقالت بصوت حزين
صفاء :-واحشتنى وكنت متأكده أن هلاقيك هنا
جلس بجوارها وقال بغضب
سراج :-وايه فكرك بيا بعد السنين دى كلها
نظرت له بدموع وقالت
صفاء :-انا أطلقت بعد سنه واحده من الجواز مقدرتش اكمل معاه وبعد كده سافرت كندا عند خالو حاولة انساك طول السنين دى مقدرتش قررت ارجع البلد واجيلك مهما كان التمن
ابتسم بتهكم وقال بغضب
سراج :-اه وفكرتى بقى أن انا هفرح زى الاهبل واسامحك ونرجع زى زمان
أمسكت يده وقالت بدموع
صفاء :-سراج أنا عارفه أن غلط فى حقك غلطه كبيره اوى بس سعتها كنت عيله طايشه مكنتش عارفه مصلحتى فين فرحت بالعربيه والمظهر الخارجي وجريت وراه زى الهبله بس انا دلوقتى كبرت وفهمت الحياه صح وعرفت أن مستحيل اعوض حبك ده بفلوس الدنيا بحلها
نظر إلى يدها وابعد يده عنها وقال
سراج :-للاسف عرفتى ده متأخر اوى
أمسكت يده مره اخرى وقالت بترجى
صفاء :-ارجوك يا سراج سامحنى انا عرفت انك متجوزتش لحد دلوقتى معنى كده أن لسه حبى فى قلبك تعالى ننسي اللى فات ونبدأ صفحه جديده
وفى ذلك الوقت مرت ابرار من أمامهم وراتها وهى ممسكه بيده نظرت لهم بأستغراب وتحركت من أمامهم وقالت بتساؤل
-مين دى انا حاسه ان شوفتها قبل كده بس فين مش فاكره
وظلت تفكر رأتها متى واين وتحركت إلى البيت
ابعد يدها عنه وقال بغضب
سراج :-غلطانه أنا مبقاش جوايا ليكى الا الكرهه والنفور متحلميش كتير علشان متصحيش على كابوس
YOU ARE READING
$إكليل الحياة$
Romanceفُرحًهّ عٌآيَمًهّ بًضحًکْهّ دٍآيَمًهّ مًدٍآريَهّ کْسِرهّ بًتٌصّرخِ بًحًسِرهّ تٌحًآوٌلَ تٌقُوٌمً تٌقُعٌ مًنِ کْتٌر آلَهّمًوٌمً تٌحًآوٌلَ تٌآنِيَ تٌخِتٌلَ بًيَهّآ آلَآمًآنِيَ
