ထူးမြတ်လင်းဟာစီးဆောပေါ်ကနေဆင်းပြီး မေမေ ဟုဝမ်းသာအားရအော်ခေါ်ရင်းသူ့အမေကိုပြေးဖက်လိုက်၏။
ထူးမြတ်လင်းရဲ့အမေဟာ စီးဆော့ရဲ့ရှေ့ကထူးမြတ်လင်းရဲ့လွယ်အိတ်ကိုကောက်ယူရင်း ဒန်းပေါ်မှာတစ်ယောက်တည်းထိုင်နေသောမင်းထက်ခိုင်မြဲကိုမေးလိုက်သည်။
"တရုတ်ကြီး သား အမေ မနေ့ကမွေးပြီဆို ဘာလေးမွေးတာလဲ "
ထိုအခါ ရန်ကြီးအောင်နှင့်ထူးမြတ်လင်းတို့ပါ မင်းထက်ခိုင်မြဲဖြေလာမည့်အဖြေကိုစောင့်စားနေကြသည်။
"မိန်းကလေးတဲ့ အန်တီ"
မင်းထက်ခိုင်မြဲက မဖြေချင်ဖြေချင်နဲ့ဖြေလိုက်တော့ ထူးမြတ်လင်းရဲ့အမေကရယ်နေသည်။
"အန်တီလည်းမအားတာနဲ့မနေ့ကဆေးရုံကိုလာမမေးလိုက်ရဘူး ဒီနေ့ညမှလာခဲ့မယ်လို့ပြောလိုက်ဦးနော် သားရေ"
"ဟုတ်ကဲ့ အန်တီ"
"ရန်ကြီး မနက်ဖြန် မြေကော်ကား အရုပ်ယူခဲ့နော်"
ထူးမြတ်လင်းသည်သူ့အမေလက်ဆွဲပြီးပြန်လိုက်သွားရင်း ရန်ကြီးအောင်အား သူ့ရဲ့စက်ရုပ်နဲ့လဲဖို့သဘောတူထားသော ကားအရုပ်ကိုမမေ့ဖို့မှာနေသည်။
ထူးမြတ်လင်းပြန်သွားတော့ ရန်ကြီးအောင်ဟာမင်းထက်ခိုင်မြဲဘေးကလွတ်နေသောဒန်းပေါ်မှာထိုင်ပြီး မင်းထက်ခိုင်မြဲအားလှည့်ကြည့်၍မေးလိုက်သည်။
"မင်းက ဒီနေ့ဘာဖြစ်လို့ငါတို့နဲ့မကစားတာလဲ"
မင်းထက်ခိုင်မြဲကပြန်မဖြေဘဲ ဆူပုတ်စွာနဲ့ရှိနေတာမို့ရန်ကြီးအောင်လည်းဖြစ်နိုင်မယ့်နောက်တစ်ခွန်းကိုထပ်မေးလိုက်သည်။
"မင်း အမေက ကလေးမွေးလို့လား"
ထိုအခါခိုင်မြဲက ခေါင်းညိတ်၏။
"ဘာလို့လဲ မင်းကညီမလေးမလိုချင်ဘူးလား"
"မလိုချင်ပါဘူး ငါကညီလေးပဲလိုချင်တာ ညီလေးရမှငါနဲ့အတူကစားလို့ရမှာပေါ့ "
လက်စသတ်တော့ တရုတ်ကြီးဟာ သူ့အမေကမိန်းကလေးမွေးလို့စိတ်ညစ်ပြီးမှိိုင်နေတာဖြစ်၏။
YOU ARE READING
The Challenge of Love (OC)
רומנטיקהကိုယ်ဟာ ကြိုးဝိုင်းထဲမှာ ကိုယ့်ကိုစိန်ခေါ်လာသမျှကောင်တွေအကုန် ထိုးရဲတယ် သတ်ရဲတယ် ကိုယ်နိုင်မယ်ဆိုတဲ့ယုံကြည်မှုရှိတယ် ကိုယ်မလုပ်ရဲတာဘာမှမရှိဘူးလို့ထင်ခဲ့ပေမဲ့ ကိုယ်မင်းကိုမချစ်ရဲဘူး ညီမလေး။ ရန်ကြီးအောင် လူကြမ်းကြီး လူဆိုးကြီး ပြောတော့ ကျောင်းမှာဖို...
Part (1) Uni/Zawgyi
Start from the beginning
