" ဘရဏီ ... ပါးပါးကိုသေချာကြည့် ... ဘရဏီ "
သျှန်က လေသံမြှင့်ကာ အော်လိုက်သည့်အခါ ဘရဏီမှာ မျက်ရည်စီးကြောင်းဖြင့် သူမ၏ပါးပါးသျှန်ကို သေးသိမ်သောအကြည့်များဖြင့် မော့ကြည့်လာသည်။
" ပါးပါး ... "
" ဘရဏီ ... အိမ်မက်ဆ်ိုးတွေမက်နေတာလား၊ ပါးပါး ဘရဏီအနားမှာရှိတယ်၊ မကြောက်နဲ့နော် "
" သမီး တကယ်အိမ်မက်ဆိုးတွေမက်နေခဲ့တာလား "
" ဟုတ်တယ် ... သမီးဘရဏီ အိမ်မက်ဆ်ိုးတွေမက်နေတာ "
သျှန်က ဘရဏီကို အိမ်မက်ဆိုးဟူသောခေါင်းစဥ်တပ်၍ သူမတွေ့ကြုံခဲ့ရသောငရဲခန်းအကြောင်းအားမေ့နိုင်အောင် မုသားပြောခဲ့သည်။
" ဟင့်အင်း ... ပါးပါး သမီးကိုလိမ်နေတာ "
" ပါးပါး မလိမ်ပါဘူး "
" သမီး ... သမီးကို "
ဘရဏီမှာ စကားဆက်ပြောဖို့ တုန်လှုပ်ချောက်ချားစွာ မောဟိုက်နေခဲ့စဉ်မှာ သျှန်ကမုသားအပြုံးတစ်ခုနှင့်အတူ ဘရဏီ၏ပါးပြင်ကို ညင်သာစွာ ပွတ်သပ်နေသည်။
" အိမ်မက်ဆိုးတွေက သမီးမှတ်ဉာဏ်ထဲမှာ အမြဲရှိနေဖို့မလိုဘူးလေ ... အဲဒီလိုရှိနေရင် သမီးကအမြဲတမ်း အိမ်မက်ဆိုးတွေလှောင်တာခံနေရမယ် "
သျှန်က စကားတစ်လုံးချင်းကို နူးညံ့ပျော့ပျောင်းသောလေသံနှင့် အေးဆေးတည်ငြိမ်စွာပြောနေသည့်ပုံက ဘရဏီအတွက် ဖခင်အရင်းတစ်ယောက်ပမာ နွေးထွေးလွန်းသည်။ ဘရဏီအတွက် သျှန်ကအမှောင်ကိုခွင်းကာ အလင်းဆောင်ကျဉ်းပေးသော လှပချောမောသည့်နတ်ဘုရားတစ်ပါးအလား။
" သမီးက ချစ်စရာကောင်းပြီး တန်ဖိုးရှိတဲ့ကလေးလေး... ပြီးတော့သမီးကိုဘရဏီလို့နာမည်ပေးထားရတာ ရဲရင့်ထက်မြက်တဲ့အမျိုးသမီးလေးတစ်ယောက်ဖြစ်လာမယ်လို့ ယုံကြည်လို့ ... နက္ခတ် (၂၇)လုံးမှာ ဒုတိယမြောက် ဘရဏီနက္ခတ်ဆိုတာရှိတယ်၊ အဲဒီနက္ခတ်နဲ့ပတ်သက်ပြီး ပညာရှင်တွေကတော့အမျိုးမျိုးအဓိပ္ပာယ်ဖွင့်ဆိုကြတယ် "
သျှန်က ဘရဏီ၏ခေါင်းလေးကို သူ၏ညာဘက်လက်ဖြင့် ပွတ်သပ်ပေးနေရင်း စကားဆက်ပြောသည်။ ဘရဏီက ငြိမ်သက်နေသည်။ သူမ မျက်ဝန်းများထဲတွင် သျှန်၏အပြုံးများက ရောင်ပြန်ဟပ်နေသည်။
DU LIEST GERADE
မေတ္တာတစ်မိုးအောက်က ဦးရဲ့အကြင်နာငွေ့လေး//Completed//
Romantik" နှလုံးသားရဲ့အနက်ရှိုင်းဆုံးနေရာမှာ ၁၅၀၀ နဲ့ ၅၂၈ သီအိုရမ်မေတ္တာအစုအပုံတွေ တစ်စတစ်စ ပေါက်ဖွားလာတယ်။ အဲဒါဘယ်သူ့ကြောင့်လို့ထင်လဲ။ နှစ်ယောက်မရှိတဲ့ ကိုယ့်မိန်းကလေးကြောင့်ပေါ့ ... " 🤍 Normal OC Fic လေးပါ 🤍 Eternal Sunshine (BL) နှင့် ဆက်စပ်မှုရှိပါ...
✽ အပိုင်း ၁၉ ✽
Beginne am Anfang
