"ကိုကိုနဲ့တွေ့ချင်တယ်"
"ကိုကို.."
ဧည့်ကြိုကောင်တာကကောင်မလေးကမအူမလည်နဲ့ပြန်မေးလာတော့ နဒီနှင်းဆီဒေါသထွက်လွန်းလို့အံကိုတင်းတင်းကြိတ်ထားမိသည်။
"မန်နေဂျင်းဒါရိုက်တာဦးဒီမဂ္ဂမောင်ကိုပြောတာ"
"Appointmentကြိုယူထားသလားရှင့်"
နဒီခေါင်းယမ်းပြတော့ကောင်မလေးကခပ်ပြုံးပြုံးနှင့်နဒီ့ကိုကြည့်လာတာကဆွဲကုတ်ပစ်ချင်စရာကောင်းလှသည်။ ဧည့်ကြိုကောင်တာကအဆင့်နဲ့နဒီ့ကိုနှစ်သိမ့်သလိုလို၊ အားနာသလိုလိုကြည့်နေတာကိုအသည်းပေါက်လို့မဆုံး။
"Appointmentကြိုမယူထားရင် MDနဲ့တွေ့လို့မရပါဘူးရှင်"
"တောက်"
နဒီ့ဒေါသကိုဒီ့ထက်ပိုထိန်းလို့မရတော့။
"ငါဘယ်သူလဲသိလား၊ မသိသေးရင်လည်းပြောပြလိုက်မယ် Rosie Joesကနဒီနှင်းဆီပဲ"
"မရပါဘူးရှင် appointmentမယူထားရင်ဘယ်သူဖြစ်ဖြစ်တွေ့လို့မရပါဘူးရှင်"
"အခုချက်ချင်းအတွင်းရေးမှူးခန်းကိုဆက်သွယ်လိုက်"
ကောင်တာကကောင်မလေးကပြုံးရုံသာပြုံးပြပြီးမလှုပ်မယှက်ရပ်နေတော့နဒီကောင်တာကိုဘုန်းကနဲမြည်အောင်ထုပစ်လိုက်သည်။
"အခုချက်ချင်းဆက်သွယ်လိုက်လို့ပြောနေတယ်နော်၊ နင်တို့အမှားကြီးကြီးလုပ်မိနေပြီဆိုတာသိရဲ့လား၊ ငါကမကြာခင်နင်တို့MDရဲ့သက်ဆိုင်သူဖြစ်လာမှာ"
နဒီနှင်းဆီရဲ့အပြောကြောင့်ကောင်တာကကောင်မလေးကအူလှိုက်သည်းလှိုက်ရယ်ချင်စိတ်ကိုမနည်းထိန်းထားလိုက်ရသည်။
ကိုယ်လည်းမိန်းကလေးပေမို့MDရဲ့အစစအရာရာပြည့်စုံမှုအောက်မတွန်းလှန်နိုင်ဘဲFacebook accountရှာကာfollowထားမိသည်။ ဒီတော့ MDရဲ့profile photo, Relationship statusတွေကိုမမြင်ချင်မှအဆုံးမဟုတ်လား။
MDကိုfollowလုပ်ထားရတာအရှုံးတော့မရှိ။ MDသူငယ်ချင်းနှစ်ယောက်ကိုတွေ့ပြီးSingleဆိုသည့်Relationship statusကိုပါတွေ့တာမို့သူတို့ကိုပါfollowပစ်လိုက်သည်။
YOU ARE READING
မောင့် (Completed)
Romanceကိုယ်က မင်းလက်ကလေး ကိုင်ခွင့်ရတဲ့အခါ ကမ္ဘာတစ်ခြမ်းကို ကိုယ်ကပိုင်ပြီး မင်းက ကိုယ့်လက်ကို မဖြုတ်ချရင်တော့ ကမ္ဘာကြီးတစ်ခုလုံးကို မင်းကပိုင်လိမ့်မယ်။ •မောင်ဆောင်းခ
