سمعت الكتاب مترجم وكان حوالي سبع ساعات ولو رجع بيا الزمن وقررت اقراه تاني هسمعه مترجم برده الحقيقه.
"لن تكون سعيدا إذا واصلت البحث عمَّا تتكون السعادة منه، ولن تعيش حياتك أبداً إذا كنت من الباحثين عن معني الحياة" من الاقتباسات اللي عجبتني ف الكتاب، بس في اراء للكاتب انا مش متفقه معاها زي ع سبيل المثال ان الكاتب بيقول اننا منسعاش كتير ف الطريق اللي عاوزينه وان اوقات كتير المجال اللي مش بنبذل فيه جهد او اهتمام كافي هو اللي بينجح نجاح باهر ،بس ربنا (سبحانه وتعالي) بيأمرنا اننا نبذل قصاري جهدنا ف الحاجه اللي عاوزينها تتحقق ونستعين بالله وبإذن الله وتوفيقه هتحقق، انما كون ان الحاجه اتحققت من غير مبذل فيها مجهود بتبقي حالات فرديه ودي الحاله الشاذه مش القاعده، او يمكن الفئه دي موهوبه بالفطره ف المجال دا فمحتاجوش يبذلوا فيه مجهود كبير عشان ينجحوا، بس مين قال ان كلنا موهوبين؟!
الكتاب الهدف منه انه يخلينا نفكر كويس اي الحاجات المهمة اللي تستحق مننا فعلا الاهتمام ف حياتنا واي لا.
بيحكي بعد كدا قصص مختلفه، القصص دي يقصص من حياته هو، يقصص تانيه مختلفه لشخصيات عاصرها او سمع عنها، او شخصيات معروفه ع مر الزمن بيوصلنا من خلالها حكم وعبر مختلفه. والقصص دي بصراحه اكتر حاجه عجبتني ف الكتاب لأنها نستني القالب المعروف عن الكتب وهي انها ممله وسرد بلا هدف، ف القصص دي خلتني استوعب اكتر القيم اللي الكاتب عاوز يوصلها.
معجبنيش ف الكتاب اختياره لبعض الكلمات يعني بس يمكن عشان كاتب اجنبي مش عارفه الحقيقه بس ف كتب تانيه اجنبيه قراتها مكنش فيها كلمات ضايقتني زي هنا، بس هي كلمات قليله الحقيقه.
من الكتب المفيده والجميله اللي سمعتها واللي معتقدش هتندم ابدا لو قرأتها.
قراءة طيبه💕
((عرفوني لو قرأتوه او ناويين تقرأوه ورأيكم فيه))
