တွယ်ကပ်ရန်ကူးပြောင်းလို့လာ[Completed]

အခန်း(၆၆)

"သက်သေ မပြမချင်း ခံငြင်းဖို့ ဆုံးဖြတ်ထားတ
ယ်ပေါ့ ဟုတ်သလား"

ပြောပြီးသည်နှင့် လက်နှစ်ဖက်ကို မြှောက်၍ လ
က်ခုပ်တီးလိုက်ရာ လက်ခုပ်သံ ထွက်ပေါ်လာချိန်တွင် ကြမ်းပြင်ပေါ်ရှိ ကြေးမုံချပ်ထံမှ အလင်းတ
န်း တစ်ခု ထိုးထွက်လာပြီး သိပ်မကြာမီတွင် ပုံရိပ်အချို့ကို စတင် ပြသလာခဲ့သည်။

ထိုပုံရိပ်များသည် ကြေးမုံချပ်ကို ကျန်းရီ ရိုက်မခွဲခင်အထိ ဖြစ်စဥ် အစ၊အဆုံးကို အတိအကျ မှတ်
တမ်းတင်ထားခြင်းဖြစ်သည်။သို့ရာတွင် ကြေးမုံချပ်ကို မည်မျှ ပြန်ကောင်းအောင် ပြုပြင်နိုင်ပါစေ၊ချို့ယွင်းချက်ကတော့ ရှိနေမြဲဖြစ်ပြီး ပြတ်
တောင်းပြတ်တောင်းဖြင့် တစ်ခါတစ်ရံတွင် ပေါ်
လာလိုက်၊ ပြန်ပျောက်လိုက်ဖြစ်နေ၏။ပုံရိပ်များကို ပြသနိုင်သော်လည်း ကြည်လင်ပြတ်သားခြင်း မရှိသည့်အပြင် တဂျစ်ဂျစ် ဆူညံသံများဖြင့် ရော
ယှက်နေပြီး မရပ်မနား တုန်ခါနေသေးသည်။

သို့ပေမဲ့လည်း ထိုကဲ့သို့ အခြေအနေမျိုးတွင်တောင်မှ ကျန်းရီနှင့် နတ်မိစ္ဆာတို့ စကားရပ်ပြောနေသည့် မြင်ကွင်းကို ပရိတ်သတ်အပေါင်းတို့ ရှ
င်းရှင်းလင်းလင်း မြင်နိုင်ရန် လုံလောက်ပေသ
ည်။

အစောပိုင်းတုန်းက တပည့်များသည် ဂိုဏ်းချုပ်က သူတို့ကို ဤနေရာတွင် အဘယ့်ကြောင့် လူစုခိုင်းသည်ကို နားမလည်ခဲ့ကြချေ။ထို့ကြောင့် ကြေးမုံချပ်ထဲမှ ထွက်လာသော ပုံရိပ်များကို မြင်ရချိန်တွင်မူ အလွန်အမင်း အံ့သြသွားကြပြီး ရုတ်
ရုတ်သဲသဲ ဆူညံသွားလေတော့သည်။

နောက်ဆုံးတွင် အသံများ ငြိမ်သက်သွားချိန်မှ ကျီကျစ်အန်းက မေးလာသည်။

"ကျန်းရှစ်ကျစ်၊ မင်း ဘာပြောချင်သေးလဲ?"

ကျန်းရီသည် ခေါင်းထဲတွင် မရပ်မနား လှည့်ပတ်နေသော အတွေးများဖြင့် ချာချာလည်နေပြီး ကျီကျစ်အန်း၏ အမေးကို ပြန်မဖြေဘဲ ငြိမ်နေ၏။

အပိုင်းပိုင်းအစစဖြစ်အောင် ချေမွဖျက်ဆီးခဲ့သော ကြေးမုံချပ်ကို ဤအနေအထားအထိ ရော
က်အောင် ပြုပြင်နိုင်ခဲ့ခြင်းမှာ သူ့အတွက် အလွန် အန္တရာယ်များလှသော်လည်း အဖြစ်မှန်ကို ဝန်ခံပြီး အသေခံလိုက်မည့် လူစားမျိုးတော့ မဟုတ်ချေ။ဤမစုံလင်သော ပစ္စည်းတွင် သူလှည့်စားနိုင်မည့် အားနည်းချက် တစ်ခုတော့ ရှိရမည်။