.
.
.
.
Unholy
.21
.
.
.
كعدت الصبح ملكيته يمي حسيت براحه دخلت للحمام. سبحت وطلعت. دا انسف شعري وسمعت صوت جاي من الحديقه الخلفيه الغرفه الي انا بيها تطل على الحديقه الخلفيه
وخرت الستاره وباوعت شفت خاله شهلاء وامير كاعد يزرع ورد وهي تساعده ضليت صافنه وفجئه اجت ابالي
مدام همه بره يعني باب الرئيسي مفتوح هسه رئسن رحت للكنتور وبدلت لبست بنطرون وبدي نص ردن لان الجو صيفي. واخذ الجنطه ونزلت سريع وصدك طلع الباب مفتوح
وهمه اصلا جانو لاهين طلعت من الباب وهاي اول مره احس بالحريه اول مره اشوف الشارع بس. مجان. تلبيت قريب على الشارع الرئيسي. كعدت امشي حتى تكطعت رجليه يمكن مشيت ساعه كامله حتى اوصل للشارع الرئيسي.
جان كل تفكيري. انو بس اطلع و اوصل للشارع وبعدين يحلها الف حلال وكفت من التعب احس رجليه تكسرو كعدت ارتاح وانا كوه اجر انفاسي احس. صارلي قرون ما ماشيه هيج
من بعد سبع اشهر. طلعت على الشارع العام بس معرف وين اروح دخلت محل وانا كوه اجر انفاسي وكوه احجي ابلع ريكي نشف من الخوف والمشي
شافني ابو المحل واجه يمي كلي
الرجال .. شبيج بابا محتاجه شي
جوهان.. حجيت بتقطع. ا. اي عمو فدوه اريد مساعده اريد اتصل على اهلي
شافني كوه احجي جر كرسي وكعدني عليه احس متت جاب بطل مي وانطاني وكلي
الرجال .. تفضلي بنيتي. مبينه تعبان شبيج بابا صاير وياج شي.
جوهان .. معرف شنو الي خلاني اكذب وكل. لا ما بيه بس اريد احجي ويا اهلي فدوه
انطاني جهازه وهو يهدي بيه وانا جانت ايديه ترجف جنت حافضه رقم سجاد. سجلته واتصلت عليه اكثر من مره بس مجان يرد.
جوهان .. اوف يربي سجاد وينك
جنت احجي ويا روحي يمكن اتصلت. خمس. ست مرات والرجال يمي. كتله
جوهان .. عمو احنه وين. عمو فدوه ساعدني اريد ارجع ل اهلي بس ما اعرف
حجيت كوه وهو كال
الرجال .. شنو انتي ضايعه شنو منطقه اهلج
جوهان .. احنه بالبصره
انا كلت هيج وهو احسه انصدم جان يرد علي
الرجال .. انتي تعرفين روحج وين بابا هاي اربيل يا بصره. شنو صاير وياج احجيلي حتى اكدر اساعدج
جوهان .. ضليت ابجي وحجيت لا فدوه بس اريد ارجع لبيتنه فدوه ساعدني
ضل يهدي بيه وكلي ضلي هنا انا هسه اجيب سيارتي واجي. بعيوني انتي
YOU ARE READING
1828
Romance"القصه عراقيه " ان كان حبك خطيئه فأنني غارقا في الذنوب . . غَنيلي السَمَّار البيچ يتغنى . . . يا مَن هواهُ كثيرَ الهمِّ أورَثني ارفِقْ فحبكَ كالأديانِ يُعتَنقُ . . . give me more . . . بيها مشاهد +18 لا انصح بالقراء الذين اعمارهم تحت ال18سنه
