"တူလွန်းတယ်..တကယ်ကိုချွတ်စွပ်တူတာပဲ..ဒီမျက်နှာကိုဝမ်လုချင်းသာတွေ့ရင်ဘယ်လောက်တောင်အံ့သြနေလိမ့်မလဲ...သူ့ဇနီးအမြွှာများမွေးထားတာလားလို့တောင်ထင်လိမ့်မယ်..ဟား.."
ထိုလူကြီးကသူ့ရှေ့ဒူးကွေးထောက်ထိုင်ချပြီးပြုံးပြသည်။ပေတလူးနေတဲ့မျက်နှာနဲ့ဖောင်းကားနေတဲ့ပါးတွေနဲ့မလိုက်ဖက်စွာစူးရဲနေတဲ့မျက်လုံးတွေနဲ့စိုက်ကြည့်တော့သဘောကျသလိုတဟားဟားအော်ရယ်နေသည်။
"ဗိုက်ဆာနေပြီလား"
ခေါင်းငြိမ့်ပြလိုက်တော့ထိုလူကသူ့လက်ထဲသေနတ်တစ်လက်ကမ်းပေးလာတယ်။သူ့တွေ့ဖူးတဲ့ကလေးတွေဆော့တဲ့ကစားစရာသေနတ်မဟုတ်ဘူးဆိုတာကောင်းကောင်းကြီးသိတယ်။
"ဒီသေနတ်နဲ့ဟိုကလူကိုပစ်သတ်နိုင်ရင်မင်းစားချင်တာတွေအများကြီးကျွေးမယ်..ဘယ်လိုလဲ"
မျက်ခုံးပင့်မေးနေတဲ့လူရဲ့စကားအဆုံးပေါက်ပြဲနေတဲ့ဒဏ်ရာတွေနဲ့လက်သေးသေးလေးကသေနတ်ကိုကိုင်လိုက်သည်။ထိုလူကြီးညွှန်ပြတဲ့ကြိုးတုတ်ထားတဲ့လူကတော့ကြောက်ရွံတုန်လှုပ်စွာခေါင်းကိုပြုတ်ထွက်မတတ်ခါရမ်းနေတယ်။ပါးစပ်ထဲအဝတ်စထိုးထည့်ထားတာမလို့အော်ဟစ်အကူအညီတောင်းပေမဲ့လဲဝူးဝူးဝါးဝါးအသံတွေကလွဲဘာသံမှထွက်မလာခဲ့ဘူး။တုန်လှုပ်ခြင်းမရှိစွာသေနတ်နဲ့ထိုလူကိုချိန်လိုက်သည်။
ဒိုင်း!!!
အကွာအဝေးကသိပ်မလှမ်းတာမလို့ကျည်ဆံကလွဲချော်ခြင်းမရှိစွာထိုလူရဲ့လည်ပင်းကိုကျွံဝင်ဖောက်ထွက်သွားသည်။ဝူးဝူးဝါးဝါးအသံတွေကတိခနဲတိတ်ကျသွားပြီးလူကလဲမျက်လုံးကြီးပြူးကာမရှုမလှဗိုင်းခနဲပစ်လဲကျသွားတယ်။ဒီလူကိုသတ်လိုက်နိုင်ပြီမလို့သူ့ရဲ့ဆာလောင်မှုကိုချွေးသိမ့်လို့ရပြီ..
"တော်တယ်...အရမ်းတော်တယ်...မင်းကအတော်လေးသတ္တိရှိတာပဲ..ပြောမင်းဘာစားချင်လဲ"
"ပေါက်ဆီ"
"ဟမ်..ဒါလေးပဲလားစားစမ်းပါတခြားကောင်းတာတွေ"
"ပေါက်ဆီ."
"မင်းဘာလို့ပေါက်ဆီပဲစားတာလဲ..အဟက်...ကောင်လေးမင်းနေရာမှာတခြားကလေးသာဆိုရင်တခြားအရာတွေအများကြီးတောင်းဆိုမှာမင်းကဘာလို့လဲ"
YOU ARE READING
TRICK ✔
Fanfictionမျက်လှည့်ကမှော်ပညာလား.. မ်က္လွည့္ကေမွာ္ပညာလား.. coverphoto credit #nighttoy95 #Hongkong style
