تاني يوم الصبح
فتحت عيني وانا ببص جمبي
وكنت بتحسس علي الكومودينو اللي جمبي وملقتش التليفون
_ أمال راح فين مش معقول يكون مش موجود
قومت قعدت علي السرير وحسيت اني دوست علي حاجه برجلي
بصيت تحت
لقيته التليفون
ايوا التليفون! هو وقع ازاي! انا كنت حاطه علي الكومودينو
أنا آكيد مش بنام بطريقه متشقلبه لدرجه أنه يقع
ماعلينا
____
قومت من علي السرير
وانا رايح اغسل وشي تعثرت في العتبه ووقعت برأسي علي حافه البانيو
تقريبا دماغي اتفتحت
شوفت الدم قدامي بيسيل و انا في حاله صدمه
: كنت بتألم وانا بقول : آه آه ( بتعبر عن الألم الشديد )
_ قومت بصعوبه وانا بحاول امسك في كل حاجه جمبي واسند عليها لحد مدخلت الاوضه وانا بمشي الي الكومودينو وبفتحه وبجيب قطعه قماش ومسكتها وحطيتها علي راسي وضغطت بقوه عشان اوقف النزيف
حسيت بدوخه جامده فقعدت علي السرير
وحسيت ان دموعي بدأت تنزل وكنت بعيط من كتر الالم
_____
فجأه التليفون رن
مديت ايدي عشات امسكه وبصيت فيه
كانت الرؤيه مزغلله بس قدرت اشوف مين اللي بيتصل
لقيته ديريك
رديت عليه وكانت نبرتي خفيفه شويه لدرجه اني مش قادر اتكلم من العياط
: آلو
: آيوا يا مانويل إيه مكلمتنيش لما صحيت ليه
: مفيش حصلي من شويه موقف وكدا فمعرفتش اكلمك
: في إيه ؟!
قولتله وانا مش قادر أكمل كلامي
: مفي...ش..ش
: مالك يا مانويل انت بتعيط ؟!
: لأ لأ
: كدابب
:مش بعيط صدقني
: طب اجهز عشان انا جايلك
: حاضر
__
قفلت معاه و قومت مشيت ناحيه الدولاب
اشوف انا هلبس إيه
تقريبا مفيش غير البلوزه اللي بروح فيها للشغل
هلبسها كدا كدا معنديش غيرها
_ وقفت ولبستها وكانت كلها متسخه
بس حاولت اني اقلبها إن شاء الله البسها مقلوبه
بس عشان اداري اللي فيها
لبستها ولبست البنطلون
ومشيت ناحيه التسريحه وسرحت شعري
بس للاسف مفيش عطر فحطيت إسبراي ( مثل العطر كذلك )
بصيت لنفسي في المرايه ناحيه الخبطه مكان الواقعه
لقيتها كويسه بس تقريبا مع الوقت هتبدأ تورم
دا اللي انا خايف منه
____
سمعت من برا
صوت زماره عربيه ديريك
بصيت من الشباك لقيته بينزل من العربيه وجاي ناحيه الباب وبدا يخبط
جريت بسرعه ناحيه الباب وانا بفتحه
لقيت ديريك بيبصلي من فوق لتحت وهو بيقول
: إيه دا يا مانويل وبعدها دخل وقفل الباب
قولتله : في إيه !
: دا لبس الشغل
: وماله ؟!
: اه صحيح نسيت أقولك علي المفاجاه
: آه قولي بقي
: شايف الكرتونه اللي هناك دي
: آيوا شايفه
: هاته وتعالي أفتحه
: إيه فيه قنبله وهتفرقع في وشي
: ياراجلل
ضحكت وروحت اجيب مقص عشان افتح الكرتونه ولما فتحتها لقيت جوا
بدله وجمبها جذمه
: إيه عجبتك ؟!
: أنا مش مصدق نفسي
: خد الكرتونه وروح بسرعه البسها وتعالي عشان اقولك اللي إنت عايز تعرفه !!
: حاضر حاضر
قولتها وانا بجري من كتر الفرحه
دخلت الاوضه ولبستها وبصيت علي نفسي في المرايه
كان شكلي حلو اوي
سرحت شعري تاني بس المرادي قولت لأ هعمل تسريحه تانيه تليق علي البدله
وسرحت شعري علي جمب وانا مبسوط جدا
___
خرجت برا الأوضه وانا بجري علي ديريك وبحضنه علي الهديه الجميله دي
: دي اقل حاجه يا مانويل
عايز تعرف بقي ايه المفاجآه ؟
_ ايواااا ياريتت
_ هاخدك الوقتي ونروح نقعد في حفله كبيره ونقعد نرقص و نقضي وقتنا لحد الصبح
ألا صحيح مقولتليش كنت بتعيط ليه ؟!
_ عياط إيه الوقتي أنا نسيت كل حاجه يلا بينااااا
_ ماشي بس متنساش انك لازم تحكيلي بعدين
_ حاضر حاضرر
يلا بينا اخدت ديريك وانا بجري ناحيه العربيه وبقوله يلا بينااااا
_ كنت في قمه السعاده والحماس
حقيقي يحصلك موقف وحش وييجي يداويك الف حاجه تسعدك
_ ركبنا العربيه وآنا ركبت
وشغل ديريك المحرك و مشي بينا
_____
طلع ديريك من منطقه البيت اللي كانت كلها غابات ومفيش غير طريق واحد وطلع بينا
منها لحد ملاقينا نفسنا علي الطريق السريع
اعتقد ان الطريق طويل وهياخد وقت شويه
فضلنا حوالي ساعه كامله علي الطريق لحد ماقربت أحس بالملل
_ مانويل أنت زهقت ولا ايه متقلقش شويه وهنوصل اهو
_ براحتك يا ديريك
تقريبا كدا وصلنا للمدينه
نيو يورك ♡
يتبع ♡♡
KAMU SEDANG MEMBACA
MANUEL ♡ مانويل♤
Fiksi Remajaتخيل تبقي بتحب حد لدرجه انك متقدرش تتخلي عنه * وتبقي فاكر انه ميقدرش هو كمان * بس الواقع يثبتلك العكس* وتتغدر بس من ورا ضهرك * ياتري الأيام تقدر تغير القدر ولا لا وياتري هيرجع كل شئ لأصله تاني ولا هينتهي بشئ منتوقعوش .. MANUEL ♡
