٩

508 30 4

بواسطة reemaz18

بقلم reemaz18

عند لولو من شافت آدم قدامه وهي قلبها يدق من قربه قالت في نفسها (يمهههه قلبي ليه يدق بسرعة من يقرب لي اخخ بس يهبل افف)فسخت عباتها وطلعت للبنات وسلمت عليهم اسرار:ما جبتو فاتن معكم
يمامة:لا مارحنا بيت جدي بعدين مو قايله انه بتجي المغرب
تمارة:تستهبلين يمامة الحين حنا المغرب
يمامة :دقي على بيلسان تجره معه(تجره=تجيبه)
راحت نوره ب تتصل على بيلسان ولقتهم واقفين عند الباب ومعهم فاتن راحت لمهم :اخيراً ما بغيتو تجون
فاتن:وش ما بغينا نجي تراه توه المغرب
نوره:ادري انه المغرب بس حنا قايلين قبل المغرب
ميرا:ياخي المهم انه جينا
نوره :صح يالله افسخو عبيكم هنا وامشو للحديقه الخلفية
بيلسان:اوكي بس مو موجود اخوك؟
نوره من بعيد :لاا طالع
فاتن راحت للبنات: الله يا الجو حلوو
اسرار واهيا تسلم على فاتن:توقعتك بتسحبين علينا
فاتن بعبط:افااا بس انا اسويه
اسرار عطتها نظره😒 :لا ماشاءالله عليتس ما تسوينها
البنات ضحكو تمارة: فاتن ليش ما سحبتي زهرة وبنتها معتس
فاتن:كنت بجيب ميلا بدون امها بس طلعو رايحين لعمانها
ميرا عبست وجهها :مشتاقه لـ البقطه الصغيرة
لولو:ماشاءالله مرة اخوكم سحبت علينا من اول اجتماع لحالنا
ميرا:تقول انه بتشوف امه وليال قبل تروح تسافر
البنات كلهم مع بعض بفرحة:ميسم بتسافر معنا
ميرا انخرشت:بسم الله الله يقلع بليسكم خرشتون
يمامة:بتروح معنى ولا لا
ميرا:لا لا بس راحت تسلم على امه تقول من زمان عنه وبتسلم على ليال عشان بتروح معنا
فاتن:قهر كان ودي يجون معنا فهد له جوه وذي بعد تسوي جو بس يالله خيره
بيلسان ب تفكير:فهد ب العادة ما يطوف سفراتنا بس شكله مشغول مرره
يمامة:الا متى الطيارة متى نروح للمطار يعني
فاتن:اتوقع ٨او ٩
يمامة : زين يمديني انام واقوم قبل الوقت
اسرار: هههههه وانتي ما همتس النوم
لولو: تشوفين انتي
نوره: الحين كلنا بنروح ب سيارة وحدة صح
بيلسان:مدري ما اتوقع
كملو البنات سواليف عند العيال ب الملحق ببيت ابو همام
همام: منصور دق على فهيد شف وينه
منصور :انت ليش ما تدق عليه
همام: بروح اجيب القهوة والشاهي دق عليه وانا بدق على الباقي
منصور:وين حمود غريبة ماهو ف البيت
همام: مع أمير وعزيز انت دق عليهم وقلهم يجون عندي
منصور:زين رح امك تناديك
راح همام ل امه ومنصور دق على فهد
منصور:ارحب يا فهيد
فهد :ارحب الفف شعلومك
منصور:بخير وينك انت الحين
فهد :توني نزلت زوجتي عند اهلها وراجع البيت
منصور:لاتروح بيتك تعال عند بيت عمي تركي بنجمع العيال هنا
فهد : زين هذاني جيت اجل
منصور:زين اجل بروح ادق على العيال يجون
فهد:يالله سلام
سكر من فهد وراح يدق على أدم و رد
آدم:هلا منصور
منصور:هلا فيك وينك انت الحين
آدم:بغيت شي
منصور:لا بس مجتمعين ب بيت عمي تركي وقلت تجي اذا ما عندك شي
أدم:لا والله مقدر جدي يبيني وبروح لعنده يبيني بموضوع وقالي بعد اجيب ابوي
منصور ضحك
آدم : ليه تضحك
منصور :هههههه ماتدري وش يبي جدي؟
آدم: لا
منصور:تذكر فهد يوم يقوله كذا
آدم:اي اذكر ...(لحظة ادراك ادم)امااا
منصور ضحك بقوه:صح النوم ان رحت خلاص لازم تسويه
آدم:هاذي والله البلشه بس اذا صارت مو بنت عمي سلطان ما بوفق
منصور: اقنع جدي اتحداك
آدم:يعني هو منادين انا وابوي علشان يبيني اتزوج
منصور:شكلي ب الحقكم قريب
آدم: الله يدبر الصالح يلا انا بروح لجدي
منصور:مع السلامة ب التوفيق
همام دخل :ضحكنا معك
منصور:جدي بيسوي ب آدم نفس فهيد
همام:اماا ناده نفسه
منصور:ايي ولا ذاك الغبي رايح ولا يدري وش السالفه زين اني علمته
همام:زين فهد بيجي
منصور:ايه
همام: يعني بس انا وانت وفهيد
منصور: والشلة ذولاك
همام:دقيت على حمود وقال انهم طالعين مع اخوياهم
دق فهد على همام:هلا فهيد
فهد :افتح الباب
همام:جيتك جيتك
راح همام يفتح الباب وسلم عليه :كنك ابطيت
فهد وهو يمشي مع همام للملحق:اي رحت مريت على الوالدة اسلم عليه وجيتك علطول
همام :حياك حياك
فهد:الله يحييك
منصور قام :ارححببب
سلم فهد على منصور وجلس :الا وين آدم والباقين
همام:الرباعي المرح طالعين مع اخوياهم
منصور:وآدم عند جدي بيزوجونه
فهد شرق ب القهوه :احلفف بيسوي فيه نفسي
منصور:شكله
همام:اتوقع بيطلع منها دام حاط ف راسه بنت عمي سلطان
فهد:الله يقويه ويعينه
عند الرباعي المرح
محمد : وليد اعزف وعزيز يغني معك
وليد تربع واخذ العود :يالله بس وش الاغنية
محمد : عزيز وش تبي تغني لنا
عزيز :مدري عطوني اي اغنية
مهير :غن حقت رابح صقر العباة الرهيفة
وليد : الله جوي يالله تجهز عزيزان
عزيز :يالله أمير غن معي شوي
أمير:كلنا ب انغني
بدا يعزف وليد والشباب يصفقون وعزيز بدا يغني جا بارت وكلهم بدو يغنون مع بعض بصوت عالي:
""من ردى الحظ قلبي طول الايام خايف
خايفٍ والليالي ما تجي له بكيفه
ماتجي له بكيفه مثل ما كان شايف
كيف الأيام جاله بالحياة الكسيفة
يا لا لا لا يا لا لا
يا لا لا لا يالا لا
خايفٍ والليالي ما تجي له بكيفه
الحياة الكسيفة والعنا والكلايف
عقب عزه تعرقل بالظروف الكليفه""
عمر: الله الله
كملو لين انتهت الاغنية
أمير:تسلم يدينك على العزف يا وليد
عمر :عزيز تكفى وحده ثانيه بعد
عزيز: ريقي نشف صب لي شاهي اول
محمد :يجيك احلا شاهي على هالصوت الحلو
مهير :جو فخم وصوت عزيز الله
عزيز نزل بيالة الشاهي:شكراً بس صوتي مو ذاك الي عادي يعني
وليد :اقول بس اختار وحده ثانيه
أمير : خل نغني كلنا اغنية حافظينه
عمر : اي يالله
كملو يغنون شوي ويسولفون شوي مكملين سهرتهم
نرجع شوي لعند آدم دخل ادم مجلس جده وراح يسلم على جدته وجده ورجع جلس عند جدته بدا يصب لهم قهوه
ابو ادم : يمه وين فاتن ماجت تتقهوى معنا
الجده:شكلك ناسي
ابو ادم : وش نسيت
ادم ابتسم : يبه اليوم البنات كلهم ب بيتنا
ابو ادم : اي صح تذكرت
آدم:جدي انت قلت تبيني بموضوع سم وش الموضوع
الجد : ايي الحين انت ماشاءالله دكتور وراتبك زين ليه ما تعرس مثل فهد وهمام
ابو ادم : بتدخل الثلاثين وانت ما اعرست
آدم:انشاءالله بعرس بس مهو الحين
الجد : اسمع اذا تبي وحده من بنات عمانك او من خوالك قلي وابشر اروح اخطبها لك ولا يهونون امك وابوك
الجده: لا لا تدورون له البنت موجوده
ابتسم آدم لجدته الي فهمته
الجد وابو ادم قالو :منهي بنته
الجده ناظرت ادم وهي تدري لو ما قالت انه فيه بنت بيجبره على بنت ما يحبها:بنت ولدك
الجد ناظر ادم :اي عيالي
آدم نزل نظراته تحت :لولو بنت عمي سلطان
أبو آدم:هاذي والله الساعة المباركة ما بتلقى مثل بنت عمك
الجد : زين ما اخترت يا اوليدي
الجده: اجل انشاءالله ملكتك انت وهمام جميع
ابو ادم : للحين ما ردو على همام
الجد : لا ما قالو للبنت للحين
الجده: همام ما بيرتاح الا اذا سمع ردها

سلام جيتكم ب بارت جديد وعطوني توقعاتكم ل ادم وهمام ولا تبخلون علي ب النجمه وتعليقاتكم واذا عندكم تشبيهات روحو ل حسابي انستا rn5.81
وبس قرائه ممتعة