دموع لؤلؤة
الحلقة التاسعة عشر
🌺🌺🌺🌺🌺🌺🌺
بعد مرور اسبوع
🌺🌺🌺🌺🌺🌺
في مزرعة الرفاعي
🌺🌺🌺🌺🌺🌺
كان الجميع يجلسون في انتظار تجهز الفطار و لحظة و دخل مالك
مالك بابتسامة : صباح العسل علي احلي عيلة في الدنيا
حاتم بابتسامة : حمد لله على السلامة يا حبيبي
شيماء بابتسامة : حمد لله على السلامة يا مالك ليه مقولتش انك جاي
مالك بابتسامة : حبيت اعملها مفاجأة غير كده انتى لو عرفتي هتفضلي كل شوية تتصلي و هتقلقي علي الفاضي
شيماء بزعل : شكرا يا مالك
مالك بابتسامة : مالك بس يا ست الكل انا بهزر معاكي امال فين القردة
سما بفرحة : مالللللللك احلي مفاجأة في الدنيا
مالك بابتسامة : حبيبتي القردة
سما بغيظ : متقولش قردة
مالك بابتسامة : بقي بذمتك انتي كده مش قردة ده شكل واحدة كبيرة و مخطوبة
سما : مالو شكلي مهو حلو
مالك بسخرية : حلو اوي
كانت سما ترتدي شورت باللون الازرق مع بدي باللون الأبيض و تعمل شعرها علي شكل قطة
مالك : امال فين لؤلؤة لسه تعبانة
حاتم بتنهيدة : و الله يا بني انا خايف عليها البنت علي طول قاعدة لوحدها حتي لما بتقعد معانا بتفضل ساكته
مالك : بلاش تقلق انا هحاول اخرجها من الحالة ديه
سما : ايه رايك بعد الفطار نركب خيل
مالك : نعم نعم خيل هو انا جاي استريح و لا اتعب نفسي
سما و هي ترفع السكينة : بتقول حاجة يا مالك
مالك بخوف مصطنع : لا حضرتك انا بقول هطلع ابدل هدومي و لبس هدوم مريحة و هنزل تاني
سما بشر : شاطر يا مالك
وقف مالك حتي يصعد الي الأعلي و لكن في لحظة واحدة كان يحمل سما علي ظهره و هي تصرخ و اسرع بها الي الخارج و قام برميها في البسين و هي تصرخ بشدة
جاءت لؤلؤة بسرعة علي صوت الصراخ و وقفت تشاهد مالك و هو يرمي سما في المياة فبتسمت و نظرت عليهم و توجهت إلي سما حتي تساعدها علي الخروج
مالك بابتسامة : صباح الخير
لؤلؤة بابتسامة : صباح النور
مالك : ايه مفيش حمد لله على السلامة
لؤلؤة بكسوف : اسفة حمد لله على السلامة استاذ مالك
مالك بابتسامة جذابة : استاذ قوليلي مالك
لؤلؤة و هي تنظر في الارض : حاضر
سما بشر : ماشي يا مالك
و قامت برمية في المياة فصرخ
مالك بغيظ : يا غبية الفون و حاجتي
سما بشماتة : احسن يا رب تبوظ كلها
شيماء بضحك : ههههههههههه اصلا الفون بتاعك ضد الماية و الساعة
مالك : و المحفظة و الفلوس
سما ببرود : ابقي نشفهم او اكويهم
مالك بغيظ : طيب تعالي بقي
جريت سما بسرعة الي الأعلي و جري خلفها مالك
مسكت شيماء يد لؤلؤة و توجهو إلي الداخل
أنت تقرأ
دموع لؤلؤة
General Fictionنشاهد فتاة تجري و تجري بجنون و هي تتلفت حولها برعب و تخاف في الظلام الشديد و تبكي بشدة و تطلب الرحمة من رب العالمين تسقط فجأه على ركبتيها بقوه و دموعها تنزل بغزاره بسبب ارتدائها لجذمة ذو كعب عالي فوقفت و قامت بخلع الجذمة بسريعة بعد ذلك اكمل جري حا...
