بريق الأمل & الدنيا حكاية

الدنيا حكاية 17

في العشية وصلوا أولاد خديجة وتسلم وتحط وتبكي وتسأل فيهم خيرهم ماعاد جوها وهذا كله تحت أنظار قمر وعيونها دموع ورحمة تشوف فيها ومتوجعة عليها
-يقولون إن فاقد الشيء لايعطيه... ولكنني أثق أن فاقد الشيء هو خير من يمنحه بسخاء؛ لأنه جرب مرارة فقده ...
رحمة حطت يدها عليها قمر بنتي ماتزعليش روحك فيه ناس هذي عقليتهم حتى أنا أول ماجيت كنت زيك بس بعدها تعودت لأنه ماعنديش وين نمشي زيك
قمر بدموع ينزلوا حاضر حتى أنا ماعنديش وين نمشي لأنه خالتي لطيفة هي عطتني للمرأة هذي
رحمة شبحتلها بألم قمر امشي لدارك توا
ركبت قمر
رحمة لا ياقمر تعالي معاي ... ورفعتها لقسم الخدم وحطتها في دار لقعدت دارها كان فيها سرير ودلاب فردتين وصغيرة ومحطوط شنطة دبشها عالسرير مافيش لالعبة ولا أي شي يبهج للحياة زي ماوهمتها بألوان زهيرية مليئة بالحياة توا نوضتها على ألوان بيضاء وسوداء قعمزت عالسرير وبدت تبكي ومش مصدقة امس بس كانت في حياة غير في دنيا ثانية وأحلام وردية واليوم صبحت على حلم طرطاري 💜
-علمتني الحياة أن أبكي في زاوية، لايراني فيها أحد، ثم أمسح دمعتي وأخرج للناس مبتسماً

رحمة دقت الباب وفتحت قمر حبيبتي ممكن نخش
قمر مسحت دموعها وتصنعت الابتسامة خشي خالتي
-مهما كنا صغار ولكن الدنيا تعلمنا كيف نصنع أنفسنا بنفسنا وكأننا تجاوزنا المئة عام
رحمة قعمزت بجنبها قمر البني آدم يمر بأيام صعبة في حياته سوى كان صغير أو كبير وانتي شوفي الجانب المشرق من هالدنيا انه عايشة في حوش في مأكل ومشرب في منهم متشردين ويلودوا في الشوارع ويسرقوا ويديروا اي شي حتى مايسدوا جوعهم
قمر بس أنا كنت عايشة في الميتم هي ليش خدتني منه إذا كان تبيني هنا نخدم
رحمة هذا سؤال ماعنديش ليه إجابة بس نوعدك أني حنساعدك في كل شي ونكون معاك
قمر حضنتها وقعدت تبكي 🥺
-قد ينسى الإنسان أيامه الصعبة ، ولكنه لن ينسى ابداً من هونها عليها 💔

رحمة خديجة طلبت مني إنك تساعديني في غسل الماعين
قمر باهي
رحمة امسحي دموعك واغسلي هالوجه الحلو وتعالي وطلعت
قمر مشت دارت زي ماقالتلها ومشتلها للمطبخ ... خالتي في شن نساعدك
رحمة هذي الصواني وهذي المنشفة امسحيهم
قمر باهي
قمر كان واحد منهم تزلحط منها وطاح وانسكر
رحمة غمضت عيونها من الصوت ومن لجاي ان شاء الله على روسهن
كنة خديجة اسمها مروة عمتي صوت تكسير
خديجة اكيد هذي قمر ترعم ماتعرف الدير شي وناضت وجت مروة وراها  ... شدتها من ودنها عمياء أنتي عمياء ماتشوفيش
قمر ولا كلمة ساكتة ودموع ينزلوا
مروة تشوف لعزوزتها شادة بنت صغيرة وتهزب فيها وجتها بصدمة عمتي سيبي البنت قطعيتهلها ودنها
خديجة هاذي ماتفهم إلا هكي كمهذا ماتمشيش عالخط
مروة حرام عليك صغيرة شن تعرف هي
خديجة طلقتها وحدفتها لعند جت طايحة نشوف أي خطا تاني مانبقى موكلاتك للكلاب ياكلبة
مروة لا حول ولا قوة الا بالله هيا اطلعي عمتي وشبحت لرحمة ربي يعاون وانتبهي عليها
رحمة حاضر ومشت لقمر ... قمر نوضي معاي خلاص حبيبتي ماعاد تبكي
قمر بصوت يرعش وشادة ودنها أنا ماعاد نكسر شي والله
رحمة ان شاء الله أنتي قعمزي تحت هنا وأنا نجيبهلك كلهم عشان تنشفيهم وحتى ماينكسر منك شي تمام
قمر هزت براسها باهي
-يرسل الله لك شخص وكأنه ملاك يهون عليك مصائبك ويمسح لك كل التعب
قمر كملتهم وتعشوا وغسلوا الماعين والضيوف روحوا
رحمة خلاص توا امشي لدار وأنا نكمل
قمر باهي ومشت لدارها وغمضت عيونها وتحاول انها ترقد
-وكالعادة أفقد كل شيء ثم أعود إلى زاوية وحدتي واكتئابي ...
-كن قوياً فالأمور ستتحسن وقد يكون الطقس عاصفاً الآن، ولكنها لن تمطر إلى الأبد...
قمر كملت عليها هذيكا الليلة ببكاء ورحمة مرة مرة تفتح عليها الدار تلقاها نفس الحالة
-سرقوا كل شيء مني إلا حزني لم يقتربوا منه
رحمة بتنهيدة ربي يكون في عونك يابنتي مازلت صغيرة عالدموع وعالهم بدال ماكانت أحلى أيامك بالطفولة لكلها لعب ومرح أيام خالية من الهموم والمشاكل تنهدت وطلعت لدارها وتغطت ورقدت
.
.
.
يتبع الحلقات الجاية مع حياة قمر