#الدنيا_حكاية
الحلقة 17
تكبر فينا ملامحنا ويرافقها قلة سعادتنا والعمر يمضي بسرعة وكأنه على موعد مع إحدى الانتصارات فكل مافينا يقودنا إلى النهاية
وصلت قمر لبيتها لجديد
خديجة قمر حبيبتي تعالي نرفعك لغرفتك
قمر حاضر ومشت وراها لوين مارافعتها...
دخلتها لغرفة كثير حلوة لونها بالزهر الفاتح ومليانة ألعاب وهذا كله مغري بشكل كبير في عيون قمر وكان عند شخص آخر نظرته غير مليانة تملك جشع حقد كره تقرف من البنت لقدامه كانت تشوفلها بنظرة غير إنه أولاد الميتم ماليهمش مكان زي هذه العائلات الراقية والغنية وماليهمش حتى مكان في العائلات الفقيرة مكانهم يإما يقعدوا في دار الأيتام لعند يطلعوا ويتشردوا أو يتبنوا كخدم هذا مستواهم
خديجة بابتسامة شر شن عجباتك الغرفة قمر حبيبتي
قمر ايه عجبتني هلبا والألعاب حلوين مش شايفة زيهم قبل
خديجة وين بتشوفيهم حبيبتي في الميتم يعني
قمر لا بس خالتي لطيفة أي لعبة نبيها تشريهالي وللأولاد كلهم حتى من مراد
خديجة من مراد هذا
قمر هذا ولد معانا في الميتم
خديجة ليش أنتي وينهم أهلك
قمر مش عارفة حكتلي خالتي لطيفة انه في حد حطني قدام الميتم ومشي مافيش حتى رسالة سيبهلي أو حتى اسم ونزلن دموعها
خديجة طبطبت عليها خلاص يابنتي أنا متأكدة إنك حتعيشي معانا أحلى أيامك قصدها الأتعس طبعاً ... اقعدي العبي لعند خالتك تجيبلك الأكل
قمر حاضر
مرت ثلاثة أيام دارت فيهم خديجة واجب الضيف ثلاثة أيام وبس ورابع يوم يابنكمل أو بنخدّم
على صبح ربي خديجة فتحت الباب نوضي يابنت نوضي
قمر ناضت من نومها مخلوعة صباح الخير خالتي
خديجة رمتلها دبش ألبسي هذا وألحقيني
قمر أنا شن درتلك ياخالتي
خديجة كلامي اليوم معاك بيتغير وين نقولك نوضي معناها نوضي تسمعي فيا أو لا
قمر والدموع في عيونها حاضر خالتي
لبستهم ونزلت لتحت كانت تستنى فيها خديجة ومعاها الخدامة رحمة
خديجة تعالي لهنا
قمر نعم
خديجة شدي هذي الممسحة وهذا الملمع نبي كل هالتحف يلمعوا لمع وياويلك وياسواد ليلك نشوف حاجة مكسورة
قمر قعدت تشوف فيهم وهي صغيرة شن بالدير ... حاضر
خديجة رحمة جيبيلي قهوة للفراندة ومشت
رحمة حاضر وشافت لقمر بنتي حبيبتي تحملي الله غالب هذا كله مقدر ومضطرين عليه بنتحملوا
قمر انا شن درت ليش خالتي لطيفة أنا شن درتلها حتى تجيبني للعيلة هذي تحطني عندهم نخدم
رحمة أنا مانعرفش خالتك لطيفة لكن لنعرفه أنه أيامك الجاية مش حتكون ساهلة ابداً ديري أي شي تطلبه منك
عجباً لبعض الناس يحبون الشخص الطيب ولكن لا يعطوه حقه، ولايحبون الشخص السيء ولكن يفعلون له ألف حساب!
قمر مشت تمسح في التحف وهي في بهدوء وحرص تام وتمسح في دميعاتها لينزلوا ...
كن سنداً لنفسك واتكئ على بعضك وانهض ...
رحمة خدت القهوة ومشت بيها لخديجة ... تفضلي يامدام
خديجة خدتها ديري بالك منها البنت مانبيش أي خطأ مانبيش أي شي مكسور والله بعتالي نكسر راسها
رحمة مش حرام عليك بنية صغيرة
خديجة بالك تبيني نجيبها كبيرة وتكبر راسها بعدين هيا هيا امشي دوري اخدمي على أيامك والعشية بيجوني الاولاد وعيالهم
ВЫ ЧИТАЕТЕ
بريق الأمل & الدنيا حكاية
Детектив / Триллерرواية ليبية من مجموعة قصص الأيتام الفقد والفقر والنجاح والاستقرار والصعود نحو الأعلى لعدة شخصيات معانا مش شخصية وحدة
