لحظات غيرت حياتي الجزء التاني +18

الجزء26

التفاعل هوا يلي يخليني نتحمس لو حنزل ع طول او رح نطول عشان هكي حاولو تخلو تعليقاتكم بين كل فقره والتانيه
يلا نبدو:♥️
————-
جواد: اني قدام الحاضرين نبي نقولك ان نبي نحدد موعد لعرس الصغار ياسرهم تعدبو وهما يستنو
سالم: والله شن بنقولك اللي تشوفه مناسب ديره والبنت بنتك فالنهايه
ع صالح: الف مبروك انشالله لكن من منهم
جواد: محمد اخطبناله بنت الحاج سالم من مده وجي الوقت نتمو
محمد :كانت الفرحه مش سايعاته مسكين مايعرفش شن مكتوبله ناض طول طلع يبشر في اميمه
تحدد العرس بعد اسبوعين
——-
لطفيه بسبب احمد الفرحه مش سايعتها ومع هدا مابتش ادير مشاكل هوا الغلط فالظرف يلي حكم مش في البنت لان اميمه تحب فاها
لبنات فرحو ورهام كانت مضايقه منهم بس لما حكتلها اميمه يلي صار تعاطفت معاها وقعدت لاهيه في اختها يلي راقده فالدار
خطر ع بالها لازم تشوف ايمن وتحكي معاه اتصلت بيه
رهام: اهلا
ايمن: الحمدلله هالسلامه وين وين ماريتكش بكل لما جيتي
رهام: اطلع من الصاله وجيب معاك عبدو منا نسلم عليك منا في موضوع بنحكو فيه
ايمن : تم خمسه دقايق بس
حو التلاته في مربوعه الضيوف وسلمت ع ايمن وانصدمت رهام في شكله كان تقول رجل كهف لحيته ناميه وعيونه دابلات
رهام: ايمن خيرك شن صاير معاك
ايمن: خيرني
رهام: شن الوضع يلي انت فيه شفت روحك عالمرايا كيف
ايمن: ااااه باللهي خلاها في سرك
عبدو: شن صاير ايمن قال تبينا
اني: اليوم ............ وهدا يلي صار
ايمن: شن قصدك
عبدو: قصدها واضح لكن قولي
ايمن: 🙄
عبدو: كيف مالاحظتش التغير لا في صلاتها لا في اسلوبها لا شي
ايمن: انت لو شفت اللي شفته مش تلاحظ تغير خليك ساكت الحوش خامر ريحته طلعت واني عجزت نرتب ونظف من بعدها هيا لا ادوش لا تصلي لا تغير في لبسها تاكل وترقد تي تلاته شهور نقلبت فيهم تعرف نبات جنبها نبكي هدا غير ان ع وقت الادان نجاها نوضي صلي تديرلي العار لكن ترقعتها بسبب الصدمه لانها فقدت الحمل متعها
عبدو : ورهام: مع بعض حمل شنو
ايمن نفس اليوم يلي سافرتو فيه هوا نفس اليوم اللي اجهضت فيه البيبي كان عمره 7 اسابيع
رهام: اااه وبدت تبكي ع حال اختها
عبدو : من رايي انك تاخد زوجتك وتروح تمشي باها لشيخ حاول انها تتعالج قبل عرس خاها انت عارف لسانات الناس
رهام: احني كيف مروحين من رايي منديروش شوشره حلي نروحو ولكل حادت حديث
عبدو : اليوم🙄
رهام: اي مستاحشه حوشي وسريري🤭
فات اليوم بين هدا وهداك وقررو انه يخلو العيله يرتاحو وكل حد لحوشه
الساعه10:30
روحت رهام ضمت حوش وتين ودارت عشي رفعتلها وخشت تبي تدوش لانها تعبانه مسافه طريق وطياره وضمان حوشين وفوقها عشي خشت للحمام بدت ادوش وفجأه الميه تمت بدت تنادي ماجاها حد مسحت وجها ولفت الفوطه علاها وطلعت تبي تاخد نقالها تقول لعبدو يشغل يعبي الخزان لان تمت علاها لميه وصلت لدار النوم بتاخد النقال لقت عبدو راقد عالسرير بدون تيشرت لابس سروال توته بس ابتسمت ع شكله اتصلت بايمن وقالتله يشغللهم لميه وكملت الدوش متعها وطلعت لبست شورت وردي وتيشرت ابيض كان قصير ودرت مكياج وروج احمر وشفت للمرايه لقيته قاعد راقد طلعت من الدار جهزت العشي وخليته عالارض مش عالطاوله لانه اكيد تعبان من قعدة الكرسي ورجعت للدار وبنوضه
خشيت وكان حاضن لوساده يل نرقد علاها
قربت منه وبسته ع خده ريحته حرفياً تجنن واني بنوخر باش نادي ع اسمه لقيته واخدني في حضنه ويديا ع صدرره
عبدو: ما مليتيش من لعبت القط والفأر هدي
رهام: كنت نبي نوضك بنقولك العشي جاهز
عبدو: علاش متعبه روحك كنت طلبت جاهز
رهام: عادي مش تعب عشانك
اكيد مليت من الاكل الجاهز قلت نديرلك حاجه تاكلها
عبدو: يحليلي من مراتي
رهام: وهيا تفك في روحها ياسرك براده هي نوض ماعنديش نيه نسخن الماكله تاني
عبدو : قرب ع رقبتها وقعد يشم قي ريحتها
رهام: قربه مني واحساسي بلحيته بين رقبتي سببتلي قشعريره سرت في كل جسمي
عبدو: ماحسيتش بروحي الا واني نبوس في رقبتها والحلو انها مغمضه عيونها ومستسلمه
رهام: مابيتش نرفض او نقاوم لاني نبيه حسيت بيه يرفع في يدي لجيهة قلبه ااه حرفيا نبضه يتسارع واقوى من نبضي لا ارديا خديت يده وحطيتها جيهة قلبي نبيه يسمع نبضات قلبي وان نبضاتي مش اقل من نبضاته بالعكل اسرع
عبدو: قرب من شفايفي وقالي نحبك وابتلع ريقه
رهام: واني نحبك عبدو ممكن خديت وقت باش عرفت اني شن نبي بس قلبي يبيك معاش قادره نقاومك وبادرت في اني نبوسه وكانت مش بس بوسه كانت تحكي ع الالم يلي عشناه وعالصبر وعالشوق حسيت بطعمة الملح في فمي فتحت عيوني لقيت دمعة عبدو نازله
عبدو: واخيراً رهام واخيراً حسيتي بقلبي واخيراً
رهام : بدي يحضن فيا ويعاود يحضن ويلف وقفت واني نضحك اول مره نحس بالفرحه بالشكل هدا
عبدو: رهام اني مانحلمش صح🥺
رهام: لا يا قلبي لكن هيا نطلعو نتعشو
عبدو: يا منو😍