بلاي حبيت نجديه

البارت التاسع

بعد ما دخلوا عند نجد وام سيف فوق راسها وتقرا عليها وابو سيف ماسك يدينها يهديها وريما واقفه جمبها وتصيح وقرب عزوز وقال يبه بكلمها شوي
ابو سيف : لسانك لا يطب على لساني تقلع عني
عزوز قرب من نجد وهو خايف عليها ماتوقع مزحهه كذا بيوصل وماتوقع نجد تخاف كذا ابدا ً قال : نجد والله والله واللي خلقني ماتوقعت تخافين كذا كانت الدعوه مزوح ياخوتس والله و ياجعل ربي ما يسلم فيني عظم اذا شايله بخاطرتس علي واللي تبينه بيصير وش اللي يرضيك علميني ؟
فهد وهو عند الباب ويسمعهم قال بهمس : ااه يا نجدي وانا وش يطفي خوفي عليتس

نجد : افا يا عزوز وش هالكلام ؟ انت اخوي وتمون علي وادري ياعيون اختك ماتقصد انا لو اشوفك تضرني سامحتك ادري مو قصدك ، ناظرني عزوز ! انا وش لي بالدنيا غيركم علشان تقولي كذا؟ تكفى ياخوي لا تنزل راسك وتستحي منيي انا قوتي اخذها منكم يا اخواني لا تشفتكم حولي ادري وراي سند وظهر وعزوه والله والله واللي نفسه بيده اني احبكم حب مايعلم به الا الله لا يغركم لا سويت نفسي زعلانه منكم تحسبوني اقدر على زعلكم
- تجمعت الدموع بعيونها و ماسكتها والغصه مو قادره تسيطر عليها -
(وهي تلف لسلطان ) ياجعلي ما انحرم منكم انا لو ضايقت واحد منكم ما انام الليل نفس العالم افكر انا كلامي كان قاسي عليكم ولا خليت بخاطركم شي علي ؟ حتى لو غلطتي علي تحسبون ازعل ولا اشيل بخاطري اقول ماعليه اخواني ماقصدهم يمزحون معتس يابنت حتى لو مثلت الزعل ( نزلت دموعها وكملت ) وحتى لو مثلت الزعل مقددر اشيل بخاطري عليكم انا مالي غيركم بعد ربي وامي وابوي
عبدالعزيز ماتوقع هالكلام منها كان يحسب عتب و زعل خفيف وترضى حس بقلبه بيطلع من مكانه من كلامها يشوف اخته تشوفه السند والظهر ويشوف حبها له نزلت دموعه وهو يحضنها بقوه
نجد بمزح ضربت ظهره وهو ضامها وقالت : وجع كسرتني ابعد تراني نجد مو اجنبيه
بعد عبدالعزيز منها وقال : الله يحفظتس لي ، لف على ريما وقال : ولا يحرمني منتس انتي وساره والله بدونكم حنا يا العيال ولا شي
ريما راحت تصيح لفت عليها ام سيف قالت : يمه ريما علامتس
ريما بصوت. باكي : ما احب اشوفكم كذذذاا تكفون اخاف عليكم
سلطان بضحك ويشتت عيونه علشان دموعه من تنزل قرب حضنها وقال : وراه ما تحبينها كذا يا الورعه
ريما : اخاف ياحيوان لا قلت لي يا الورعه ادري تحبني اكثر من لا قلت احبتس
سلطان: اجل ياورعه تراتس منتي غاليه عندي
ابو سيف وهو يحس بالفخر بعياله يشوف انه عرف يربي عيال يخافون ويحبون اخوانهم و البنات يشوفون اخوانهم السند والظهر ناظر لام سيف وضحك وام سيف كانت تصيح مع عيالها وهي تشوف موقفهم مع بعض وخوفهم على بعض كانت تشوف ريما وهي تصيح طول الطريق على اختها ولا سلطان اللي عيونه على نجد ويقرا قران عليها ولا عبدالعزيز اللي بعيونه الندم وخايف عليها لفت لابو سيف وضحكت بوسط دموعها الاثنين كانوا بفرحه عظيمه يشوفون تربيه السنين لعيالهم ثمرت يافرحتهم ذاك الوقت
ابو سيف : سيف وينهو؟
ريما : مدري بس اتوقع يكمل اوراق نجد بس شكله ما يدري انها صحت
قاطهم دخول سيف السريع وقال : نجدد
نجد ببتسامه وهي تشوف اخوانها حولها وحبهم لها : سم يا سندي ياعيون نجد
سيف اسرع وحضنها بقوه وهو يبوس راسها وقال : ماتشوفين شر ياعين اخوتس انتي
نجد : الشر مايجيك ترا مافيني شي بس بشوف غلاتي عندكم
عبدالعزيز: يبيلي عصفر وانتي مستانسه
ريما : ياويلنا من ساره
ابو سيف خلونا نرجع للبل
سيف : تكفون فكونا تخاف منهم نجد ونلقم
نجد بطرف عين : خير ماني خكريه انا تراني بنت الشيخ عبدالله ولا تحسب الغنم اخاف منها خوف انا اخاف تسويلي شي بس
عبدالعزيز: عزز
سيف : ايييه يبه نسيت فهد له ساعه واقف برا
نجد التفت وهي يهمها فهد اكثر من الكل وتبي تسمع وش فيه
ابو سيف : عز الله انه رجال
عبدالعزيز: اهخ يا يبه والله لولا الله ثم هو ما امدانا نجيب نجد عز الله ما قصر
ابو سيف : بروحله الحين
طلع ابو سيف برا الغرفه
سلطان: يمه علامتس تصيحين هذي هي ورعتس الشايبه مافيها شي
ام سيف وهي تمسح دموعها: الحمدلله الحمدلله يارب
ريما : يمه كيف اقنعك ان نجدوه كبرت ومو كل مره تخافين كذا تراها عجوز قربنا نزوجها
نجد : شتبين يا الغيوره
عبدالعزيز: طلعنا؟
سيف لف لنجد وقال : وش تحسين فيه الحين
نجد : ابعد يا قلب اختك مافيني الا العافيه واقدر اطلع
سيف اجل انادي الدكتوره
ام سيف : اي نادها
_________________
كان فهد منزل راسه بين رجوله وحاط يدينه على راسه وهو يدعي للي يحبها ويخاف عليها من الهواء يدعي من كل قلبه مافيها شي كايد
قطع تفكيره ابو سيف وقال : فهد
فهد: سم ياعمي
ابو سيف : ابشرك الامور بخير
فهد ارتاح كثييير بس يمثل اللامبالاة علشان ابو سيف مايشك بشي
فهد : الحمدلله على سلامته اهلك ياعمي وما تشوفون شر
ابو سيف : الشر مايجيك ياولدي اسبقني انت وعبدالعزيز وبشروا ساره بنتي وابوك وعمك صالح والعيال واذبحوا اربع ذبايح اربع
فهد هز راسه واشر على خشمه
ابو سيف : عليه الشحم
لف فهد بيمشي بس لف على يد ابو سيف
ابو سيف : ماقصرت يافهد والله والله اني اعزك واغليك مثل عيالي على اني اغثك بالاشغال مرات بس صدقتي يابوك لاني ما افرق بينك وبين سلطان وسيف وعبدالعزيز
فهد : افا ياعمي ! يعني ماني بولدك؟
ابو سيف بضحك : يخسي اللي قاله - حط يده على كتفه وقال - الله يحفظك ياولدي
فهد : ويطول بعمرك ياعمي بس وينه عزوز
ابو سيف : بيجيك هالحين
فهد : تم
عبدالعزيز و فهد اتجهوا عند الابل اللي فيها اهلهم
سيف اخذ معه ابوه وامه وريما ونجد وسلطان
سيف : هااه عسى كفت السياره
ابو سيف لف وقال : الغاليه لا تحشرونها
سلطان : والله يبه ماندري من تقصد مير كل وحده تحسبك تقصدها
ابو سيف: كلهم غوالي لاكن الشيخه بالقلب محلها
سيف : منت بهين يا الشيخ عبدالله
ابو سيف : وهو احد يلومني
ام سيف ناظرت ابو سيف بمعنا يسكت
ابو سيف : ههههههههههه
ريما : يبه
ابو سيف : سمي ياعيون ابوتس
ريما : ابي اطلب طلب
ابو سيف : طلب ! انتي تامرين امر يا ريومتي امري ياقلب ابوتس
نجد : احمم احمم
ابو سيف : احم ولا مو احم جاتس من الدلع الزايد ريما عندي غير عاد رضيتوا كلكم ولا انرضيتوا
ريما : يابعد قلبي يابوي بس اشتهيت شاهي شوفوا قدامنا واحد يبيع شاهي عالجمر شرايكم ؟
ابو سيف : ابشري والله بالشاهي اللي يحضر لا عنتدس
سيف : ابشروا بعزكم وقف عند حق الجمر وشافوا فهد و عبدالعزيز
ابو سيف نزل الشباك وقال : افااا وانا قلت لاجيت لقيت الذبايح معلقه اثاريكم تجغمون من الشاهي ( تجغمون : تشفطون 😂)
عبدالعزيز: خلنا يا القائد نروق بعد ما خوفتنا نجد الله ياخذ عقلها
نجد : استغفر وهو خليت فيني عقل !
فهد ضحك وصد ورا
البايع : سم ياخوي شبغيت
ابو سيف اشر له بمعنا سلام
البايع : الشيخ عبدالله !!
ابو سيف : يا هلا بالطيب
البايع : هلاا هلا بالشيخ تفضل طال عمرك تعال تقهوى
ابو سيف استغرب وقال : مكثور الخير يا الاجودي مير الاهل معنا وتعابى وجايين من مستشفى لاكن انا اللي طالبك
البايع : انت يا الشيخ ما تطلب انت تامرر تامر
ابو سيف استغرب من اسلوبه وقال : انا ابييىك تجي عندنا ذا الليل وتتعشى على سلامه بنتي
البايع ( ابو طارق ) : ابشر ابشر بس بقول بنتظر ولدي يجي واخليه يمسك مكاني
ابو سيف : ولا يمسك مكانك ولا شي والشواهي عسى مافيها الواجد
ضحك ابو طارق وقال : لا بالله يكفي عدتكم وبسوي ثاني
ابوسيف : لا تسوي ولا شي حط الموجود و تعال انتت وعيالك كلهم وسامحني ما عرفتك لاكن جيب اهلك كلهم خلهم يتونسون ونسمر الليله ولو ترقدون عندنا اهلك كلهم
ابو طارق بفرحه : ابشر ابشر والله
فهد : شف دامك تعرف عمي يعني امون خلني اصب
ابو طارق بضحك : صب صب
مدو لابو سيف الكوبين الاول ولف وعطاه ام سيف
ابو سيف : السكر قليل مافيه سكر زايد
ام سيف بضحكه : ابشر وانت لا شوف حقك طابه السكر
ابو سيف : على خشمي
والكوب الثاني عطاه ريما وقال : للاميره
سلطان وهو يضرب فهد سنه صب لي
فهد : انقلع ذا لعمي
ابو سيف : سلمت
فهد صب لسيف وعطاه
نجد : خيير خير ما تشوفوني يعني ! شدعوه عليك فهود تعطيهم كلهم الا انا هذا وانا التعبانه مالت عليكم وعلى شاهيكم نجد استحت وقالت اعذرني ياعمي
ابو طارق : ههههههه معذوره يابنيتي والحق معتس
فهد ابتسم يوم قالت له فهود : ابشري والله بسعدتس خذي
نجد : ومن قالك باخذه عقب شحده؟
فهد : هههههههه ابك يابنت الحلال على بالحرام اني حاسبن حسابتس
سلطان سرقه من يد فهد وشربه
نجد : لا واااضح من قلب صبيته لي وسكرت الشباك
ابو سيف : اخذي حقي يابوتس
نجد : ما ابيي ما اشرب شي بعد شحده
سيف : مشينا؟
سلطان: اف يازين الشاهييي ، شرب منه وقال اااحححح سكره مضبوط
نجد تمثل الزعل وهي بداخلها ميته ضحك
ام سيف : ها اخذي حقي ما بعد شربته
نجد : مابي يمه ، وفيه واحد متغير على بنته مدري شفيه منول ( من اول) يذكرها قبل كل عياله والحين يشوف عياله يلعبون فيها ويضحك
ابو سيف بضحكه : عاد يمكن بنته تدلع
نجد سكتت وتمثل الزعل
بطريقهم لرجعه كانت سياره فهد و سياره سيف جمب بعض بالطريق
عبدالعزيز: فهد فك قفل الشباك
فهد : ليه
عبدالعريز : بالله دقيقه نجد فاتحه الشباك تلقاها منفسه عليهم علشان الشاهي
فهد : حرام عليك
عبدالعزيز : فك فك
فتح القفل فهد وعبدالعزيز فتح الشباك وقرب من سياره سيف
عبدالعزيز بصوت قال : ييووووووه يا الشاهيي يهبللل
نجد : انقلع انت وشاهيك
فهد بقلبه (