بلاي حبيت نجديه

البارت الرابع

نجد وريما كانوا يصلون الوتر
نجد : ريما
ريما : هلا
نجد : احس مافيني نوم نجهز اغراضنا بكره ؟
ريما : تم بس بكمل وصفحتين من مصحفي والحقك
نجد : زين بطلع شنطتي
قطع عليهم صوت طق الباب
نجد استغربت قالت ريماا اروح ؟
ريما اشرت بمعنى ايه ماتبي تقطع قرايتها
نجد : مين
فهد : اا اسف بس ابي ابو سيف نبي اا
استغربت نجد من ذا اللي جاي بنص الليل وكلامه مخربط وش يبي
قالت : مين انت وش تبي !
فهد : يابنت الناس ناديلي عمي ابو سيف ضروري ابيه
نجد : ابشر
راحت نجد تركض لغرفه ابوها وتطق الباب
ابو سيف قام بسرعه واستغرب وفتح الباب وشاف نجد
ابو سيف : نجد يابوتس علامتي؟
نجد : مدري يبه فيه واحد يطق الباب برا
ابو سيف استغرب قال جاي جاي
وبدل ثوبه ولبس طاقيته وطلع ونجد ركضت لاخوانها تعلمهم
طلعوا مع ابوهم
ابو سيف : فهد !! ، اقلط اقلط
فهد : ياعمي مو وقته تكفى تعال معي ابوي تعب علينا ومو راضي يروح المستشفى واخواني مو بالبيت وخايف على اهلي اخليهم لحالهم
ابو سيف : جايك جايك
راحوا بدلوا ثيابهم وطلعوا معه لبيتهم
ابو سيف : من متى وانتم هنا وليه ما جيتوا لي !
فهد : وصلنا ياعم اليوم الفجر وابوي قال خلوه بكره نجيهم
ابو سيف : شفيه ابوك الحين
فهد : يقول عظامه مكسره ويكح ومكتوم ولا يبي يروح المستشفى قلت اقولك علشان تقنعه
عبدالعزيز : طيب واهلك كيف ؟
ابو سيف : اسمع انا و العيال بنودي ابوك للمستشفى بسيارتك وانت اخذ سياره ابوك واخذ اهلك و ودهم لاهلي
فهد : سم
اخذوا ابو فهد للمستشفى و فهد اخذ اهله لبيت ابو سيف
ترف : فشله جايين الناس وهم نايمين !
ام فهد : ايه والله فشله بس وش نسوي
فهد : معليه يمه بس مو بيدنا شي
طقوا الباب ونجد كانت تدري انهم بيجون وامها وريما
فتحت الباب وطلت شافت فهد ودخلت
فهد بهمس : ياويل قلبيي من العيون
نجد : حياكم ياهلا بخالتي اقلطي
ترفه : معليش جايين هالوقت
نجد : اقول بس مو بينا ادخلوا
راح فهد المستشفى شاف ابوه ياخذ مغذي وراح يدق على اخوانه
محمد: علامك صجيتنا
فهد : تعال اخلص ابوي تعبان
حمد : علامه ، جايينك جايين
بعد ساعتين خلص ابو فهد المغذي وراحوا بيت ابو سيف وابو فهد رجعت صحته
ابو سيف : تبي تخوفني عليك يا صاحبي
ابو فهد : هههههه نشوف غلانا
ابو سيف حط يده على ابو فهد قال : الله لا يوريك غلاتك اذا كذا
سلطان: اقول فهيدان
فهد : سم
عبدالعزيز: بقطع كلامكم جميييييعاً بس ياعرب تراني جوعان اختصرها عليكم
كلهم ضحكوا حتى ابو فهد وهو تعبان
ابو سيف : بطيني انت
عبدالعزيز : يبه بموت من الجوع
سلطان: بعد امر ابوي و عمي بنمر مطعم وناخذ لنا ولاهلنا فطور
فهد: ماعليك خذها مني شيبانا مايقولون شي
ابو سيف : تلاحظ يا سالم ماعاد لنا هيبه
ابو فهد : تربيهم يمناك يا صويحبي
ابو سيف : ابشربي
فهد: ابد يابوي انت وعمي متى تبون الوقت اللي اساعدكم فيه
ابو سيف : يارجال انت اولهم
فهد: سم ؟
ضحكوا كلهم على فهد وهباله
وصلوا المطعم وخذوا اللي يبونه واتجهوا للبيت