A Train named evil(MM translation) Dropped

အပိုင်း (၃) ကိုယ်ဘယ်သူ့ကိုမှမသတ်ခဲ့ပါဘူး။

" ကိုယ်ဘယ်သူ့ကိုမှမသတ်ခဲ့ပါဘူး " လို့ကျိုရန်လင်းက မတရားခံရသလိုအသံနဲ့ပြောလာခဲ့သည်။

ထိုအချိန် ဝူဖန်းရုန်ကတော့ တိတ်တဆိတ်ပဲသူ့စကားတွေကိုအကဲဖြတ်နေခဲ့သည်။ ကျိုးရန်လင်းခန္ဓာကိုယ်ပေါ်က ဒဏ်ရာတွေဟာ လတ်တလောရလာခဲ့တာတွေဖြစ်ပြီး ဓားဒဏ်ရာဟာဘယ်ဘက်မှာ အနည်းငယ်နက်နက်ထိုးခဲ့ပြီး ညာဘက်ကိုတော့အရမ်းမနက်နေခဲ့ပေ။ ကျိုးရန်လင်းဒဏ်ရာဟာ နှစ်နာရီအတွင်းအထိုးခံလာရတဲ့ဒဏ်ရာပဲဆိုတာ သူမြင်နိုင်သည်။ သူ့ရဲ့လက်ထောက်လေးပြောပုံအရဆို ကျိုးရန်လင်းဟာ ရထားပေါ်မှာသွေးတွေနဲ့ထိုင်နေခဲ့တာမြင်ခဲ့ရတာဖြစ်သည်။ ဒါပေမဲ့ဒီလိုသွေးအလွန်ထွက်နေတဲ့လူဟာ စစ်ဆေးရေးဂိတ်ကိုကျော်ဖြတ်နိုင်ဖို့ မဖြစ်နိုင်ပေ။ ဒါကြောင့် အဲ့ဒီဒဏ်ရာဟာ ရထားစောင့်နေစဥ်မဟုတ်ရင် ရထားပေါ်ကလူတစ်ယောက်နဲ့တိုက်ခိုက်ခဲ့ရတာဖြစ်နိုင်သည်။ ထုံကျိုးလူသတ်မှုမှာရလာခဲ့တဲ့ဒဏ်ရာလုံးဝမဖြစ်နိုင်ချေ။ ဒါပေမဲ့လည်း ဒီဒဏ်ရာက အခင်းဖြစ်ရာနေရာကနေရလာတဲ့ ဒဏ်ရာမဟုတ်ဘူးလို့ပဲ သက်သေပြနေခဲ့တာပင်။ ကျိုးရန်လင်းဟာ ထုံကျိုးမှာ လူသတ်ခဲ့သလား မသတ်ခဲ့သလားဆိုတာတော့ သက်သေမပြနိုင်ချေ။

ဝူဖန်းရုန်ဟာ သူ့ရှေ့မှာထိုင်နေတဲ့ထိုလူဆီက စကားကိုအရင်နားထောင်ကြည့်ဖို့သာဆုံးဖြဖတ်လိုက်သည်။ သူ့ရဲ့မေးကိုဆတ်ခနဲမောပြလိုက်ပြီး ကျိုးရန်လင်းကိုစကားပြောဖို့ပုံလုပ်ပြလိုက်သည်။ ကျိုးရန်လင်းရဲ့မဟုတ်က ဟုတ်ကတွေကို တခါတည်းပြောလာခဲ့ရင်တော့ကောင်းတာပေါ့။

သို့သော် ကျိုးရန်လင်းစိတ်ရင်းမှန်ဖြင့်ပင် ပြောလာခဲ့သည်။ " ကိုယ်ကထုံကျိုးလူသတ်မှုရဲ့ အခင်းဖြစ်ရာနေရာမှာရှိနေခဲ့တာ အမှန်ပါပဲ...ဒါပေမဲ့ ကိုယ်တကယ်ဘယ်သူ့ကိုမှ မသတ်ခဲ့တာပါကွာ။ ဒါဟာရိုးရှင်းတဲ့ တိုက်ဆိုင်မှု ကနေဖြစ်လာတဲ့ အထင်လွဲမှုကြီးပါကွာ "

ထို့နောက်ခနလောက်ရပ်လိုက်ပြီး ဆက်ပြောလာခဲ့သည်။ " အဲ့ဒီညကကိုယ်ကအလုပ်ကအသိနဲ့အတူ အင်တာနက်ကဖေးဆိုင်မှာ ညလယ်စာစားခဲ့နေရုံပါပဲ။ ကိုယ်အရက်သောက်တာနည်းနည်းများသွားလို့ အိမ်သာထဲသွားပြီး အန်ချလိုက်တာတော့မှတ်မိတယ်။ ဒါပေမဲ့နောက်ပိုင်းတွေက ဝိုးတဝါးပဲ အရမ်းကြီးမမှတ်မိတော့ဘူး။ ပြီးတော့ ရဲကားအသံတွေကိုယ်ကြားလိုက်ရတယ်။ ကိုယ်ကရဲတွေနဲ့ပတ်သက်လာရင် နည်းနည်းလေးပိုသတိထားနေကျလူဆိုတော့ နည်းနည်းလေးတော့အမူးပြေသလိုအသိဝင်သွားချိန်မှာတော့ ကိုယ်ကလမ်းကြားထဲမှာရောက်နေပြီး ကောင်လေးတစ်ယောက်ကဘေးမှာလဲကျနေတာကို တွေ့လိုက်တာပဲ။ ကိုယ်တစ်ခုခုတော့လွဲနေပြီဆိုတာခံစားမိလိုက်လို့ သူ့ခန္ဓာကိုယ်ကို စစ်ဆေးကြည့်တော့ အဲ့ကောင်လေးက အသက်မရှုတော့တာကို သိလိုက်ရတာပဲ "