غياهب الغانِيَات

البارت التاسع والثلاثين

منو ايلمني
كبل لا اضيع يم وجهك
اعاين على وجوه الناس
محد بيهم يشبهك .

ٕ
غياهب الغانيات
بقلمي

(ريــــــبـال)

لاتنسون التصويت والتعليقات بين الفقرات

____________________________

ٕ
ٕ
ٕ
ٕ
مو بس البيت انطفه لا حياتنه كلهة انطفت وره استشهاد آســر

أسيــد الي خسر روحه غرفته أبد ميطلع منهة ومايلبس غير ملابس آســر القديمه ويدخن ضل بس جلد وعظم

أڪبر من يوم يومه ميشارك احد بهمة ونمــر الي محد يشوفه أصلا

طيبه!!!
اااخ ياطيبه وياسبحان الله بالي صارلهة معجزه بالمعنى الحرفي

طيبه مانست آســر بس ماكضتهة بجي عله آســر صارت روحهة وحياتهة بالسجاده والقرآن وهواي تسوي اعمال خير حته "تسوي كلشي يرضي الله حته ميحرمهة من آســر بالآخره"

هاي حجايتهة ودائما من دكولهة مبتسمه للحظه شكينه بيهة تخبلت

كتاكيت آســر الي يفترون بالبيت ووكحين بشكل ونور اذا مد ايده عله اخته عادي بس اذا واحد طخهة يكلب الدنيا ومحد مقصر وياهم أسيــد رغم روحه الي انطفت بس تعلق بيهم حيل لدرجه ينام بليه ميحس وهو حاضنهم

ٕ
ٕ
ٕ
فات وكت عله وفاته وكاعده اني بالغرفه صافنه بالفراغ الوحيد الوكف وياي هو اخواني لحد هسه محد يحجي وياي صح غلطت بس عاقبوني بما فيه الكفايه ليش ماحن كلبهم عليه

نفتح الباب وفات أســـد وشكله التعبان بس شفته عضيت شفتي مقهوره حيل كعد بالكاع وفتحلي اديه شهكت حيل أســـد هواي جرحني واذاني لاهنا ولاهنا اني مافايته بحضنه ولاحاضنته مادري شلون كدر هيج يسوي

ركضت شمرت روحي بحضته حضنته حيل ميته عليه

افراح.. ليش هيج سويت بيه ها مو تحبني انت مو ابوي اكو اب يعاقب بنته هيج ها

الأســـد.. ولج موت وليدي هد حيلي ماخلالي عقل وافكر ياروحي

افراح.. آسـ آســر

الأســـد.. الله يرحمه برحمته الواسعه بطل هذا بس شيقنع كلبي التكطع بروحته

افراح.. آســر مو شويه والله أســـد ماجاي اكدر والله

الأســـد.. ميفيد البجي بويه تعلمي من مرته هاي هيه خسرت رجلهة بهل عمر وبركبتهة ثنين جهال وروحي شوفيهة الله ينطيهة الصبر والعافيه بجاه زينب

افراح.. طيبه قويه

الأســـد.. روح آســر المسحت عله كلبهة وربج الانطاهة الصبر

افراح.. عادي اروح يمهة

الأســـد.. روحي ياحيلي

ابتسمت ورجعت حضنته اشهك