زوجوني منقبة 2🌺مكتملة🌺

🌺الجزء 33🌺

🌸زوجوني منقبة🌸
الجزء الثاني
البارت33

مسافة طريق...وصلوو نزلوو داخلين...سمعااات صوووت تزغريتااا من لباب...ضحكات بجهد

حفصة:فرااااح

زادت عندها معنقاها..

فرح:اواا ناس كبرو وبغاو يتزوجوو...وانا اخر من يعلم..من نهار تزوجت وليت برانيا ياكو ياكو

حفصة:حاشاا اختيي

شافت فخوها وعمتها..

فرح:امضرا تزوجات...مهرباتش لكم فنص ياك؟

عبد الله:فواحد دقيقة صحابني اتهرب...وقفااتنا فنص...متحركو تا توافقوو على شروطي...وسي احمدد ميقدرش يقول لا لمدام

حفصة:اوا صافي

زادت بجرا لبيتها

توفيق:بعدوو ليي من بنتي نتوماا ديماا تتشدو فيهاا ..(بدات تيعيط لها)حفشة اجيي ابنتيي احمد غاا كيضك معااك أاا زعما بغيت نقول عبد الله

بداااو يضحكووو...خالقينها مع بعض...

دااازت ساعات...جا ليل...وقرب موعد تركاب لخاتم...كانت مع ختها فلبيت..

فرح:غير هاد لعكار هانتيي خفيف والله تا خفيف

حفصة:لااا مبغيتش

فرح:يااك غنكونو غيرر حنا وعائلة راجلك وراجلك غير هواا وجوج نتوات...فين لمشكل..وتا من راجلي مكاينش...عفاااك غير ليوم

حفصة تنهدات ..

حفصة:غير شويا صافي ..

فرح:وخاا شويا دلعكر ومسكارا وصافي..

زادت تتقاد لهاا مكياج خفيف..شويا دلكحل..وكلووز..وشويا داونتيسيغن....

كان داكشي خفيف..ضريف.. حيدات لعكسا لي كانت دايرا ..جمعات شعرها و.قدات فولارهاا.....لبسات قفيطين فلبيض مطروز بطرز لفاسي.....

سمعات تيليي كيصوني...زادت هزاتو .شافت فختها

حفصة:معرفتش نمرة

فرح:جاوبي شوفي شكون

بقات مترددة..لثواني عاد جوبات
حفصة:الوو..السلام عليكم

وسعات عينها منين سمعات صوتو

أحمد:وعليكم السلام..

حفصة:هدا نتاا..سمح لي تعطلت عليك معرفتش نمرتك

أحمد(ابتسم:)خديت نمرتك من عند خوك..بصارحة حنا جيناا...وعمران كيقلب عليك..

حفصة:وش نتوما لتحت..وخاا شوياا..وغنزل عندوو..

قطعات وقلبهاا كيضرب...

شافت فختها

حفصة:راهم لتحت..بغاني نمشي عند عمران..

فرح:اه عمران ولا هوا...اوا شكون قال سيد لي حلمتي بيه ايولي يحلم بيك ربيي كبير ..

حفصة:يلاه يلاه باركا من لهضرا

فرح:اه جري ايهرب حبيب لقلب..

تمات نازلا...بانت..لها هدى فاكوزينة مع مها..

هدى(طلعاتها وهبطاتها..)لقيتينيي دخلت  طارط لثلاجة من زهرك.

حفصة:كفاش

هدى:اه والوو غير قلت كنت تنعاونهم يدخلوو لكادويات لي جاب لك احمد

حليمة:غنمشي نطلع لبيتك شي لي بقاا..(شافت فهدى)خودي راحتك ابنتي

هدى:وخداهاا(تنهدات..مدات لها قطعة دطارط صغيرة فكرطونتها...)طارط لي جبنا حلوة على عمران...ديري لو هادي فتلاجة..فاش يبغي لحلوة عطيلو منهاا..

حفصة:لاش عدبتي راسك كن علمتيني نوع لي تيعجبو كن شريتلو

هدى:هههه عدابو راحة احبيبة

خرجات فحين حفصة دخلات طارط فتلاجة وتبعاتهاا...

توجهات لصالون...دخلات...هي وختها...وهي حانيا راسها

فرح:هزي داك راس شويا تشوفي زين ونتي قربات حدبتك تخرج..

هزات راسها ..جات عينيها فاحمد...لي كان لابس جباادووور فلبيض..ولكرونة..لباس تقليديي ...جاااه .منور..

سهات فيه...وسهاا..فيهااا. .

هادي اول مرة ايشوف فيها لمدة ثواني بلا متهرب عينهااا...ابتسم...حيت واخيرا قادر يختاطف نظرات طويلة منها  .حنات راسهاا...منين..ترماا عمران عليهاا...هزاتو معنقهاا .

تنهد..نطق بهمس..

أحمد:ماشي فموقتك اولدي ماشي فوقتك ..

ضرباتو خديجة لركبتو

خديجة:ولدك فرحان بماماه جديدة..اوا على الله تكمل هاد لخطبة وميتأملش فيها بزاف..حيت باباه غيديي هاد لبنت على قبلوو.

شاف فيهاا...تفكر بلي هي باقي مفخبارها..على لاكط لي ضربو.

أحمد:ماما هوا انا وحفصة.

قاطعاتو

خديجة:عارفا عارفاك باغي تزوجها حيت انا بززت عليك تزوج..اوا مالي كنت عارفاا باش غنتليهاا...اوا غنوض من حداك بلاصة لخطيبة