🌸زوجوني منقبة🌸
🌸الجزء التاني🌸
البارت31
غاديين كلهم جهة الصالون درجال..معادا هدى لي بقات فصالون لعيالات ...
خطوة مور خطوة نحو قدرها و قلبها كيدق بجهد ...دخلو لعيالات لعند رجال و هي بقات مترددة تدخل حتى عيط ليها باها
توفيق: بنتي حفصة دخلي
دخلات و عينيها فالارض بالحشمة ماقادراش تهزهم و حناكها تزنكو قربات من باها لي كان واقف..معارفاش وش تشوف فيه ولا لاا....سنين طويلة مشاااف غريب وجهاااا ...
هزات راسها بشويا فيه...
كان حاني...حس بنظراتها...هز راسو فيهاا ...غير تلاقاو لعيون...نزلات راسها..
حاسة بنظرات أحمد اياكلوها...
كان مبلوكي فجمالها و احساسو تحرك ..ثواني معدودة فاش شافهاا ..خلات قلبووو يضرب ..قلبووو لي كان فسبات لسنين...تا بااانت هييي....فكل مرة تيقرب لهااا...كتنوض حرب فقلب جوفوو .وليوم منين شافها ..اعلن استسلامووو قدام هاد لحرب...خسررر معركتووو قدااام سواد عيونهاا
طلعات فيه عينيها و دغيا هبطاتهم لقاتو مزال تيشوووف ... خرجات من صالون بزربة لبيتها و تبعاتها عمتها
فتيحة: مالك هربتي
حفصة: قلبي ايسكت حشمت بزاف
فتيحة: هادشي عادي ابنتي كاملنا دزنا من هاد المرحلة
حفصة:(كتلبس نقابها) مانقدرش نبقا بلا بيه
فتيحة: لي عجبك
..رجعو هبطو و دخلو تاني لصالون جلسو و بداو اهضرو على الخطوبة
عبد الله: خير البر عاجله سيمانة جايا نديرو الخطبة
أحمد: انا موافق
خديجة: نديرو دابا غير الخطبة نركبو لخواتم و لاكط من بعد (بهمس)لي زربو ماتوو
توفيق: ان شاء الله
حليمة: الله اكمل كولشي مبارك و مسعود
...ناضو يتسالمو و يفرحو مع بعضياتهم من غير خديجة لي كتقولها فوق قلبها و ماحاملاش راسها..اما حفصة كانت هازة عمران كتبوسو و معلق فيها و خرجات معاه نسااها فكاع توتر لي حسات بيه
...خرجو كاملهم ..الحاجة مبقاتش بغا تزيد تكلس طلبات منوو يمشي يجيب لولد ويمشيو بحجة انها عيانة..
مشا يجيب ولدو من عند حفصة ..وقف عليهم وهما كيهضرو ويضحكوو...حكب بشويا
احمد:سمحولي قاطعتكم .
عمران:بابااا كنت تلعب مع ماما حفشة اجرادة مالحااا فاش غنديوهاا لدار اتبقاا تلعب معاناا تا نتاا
خربش ليه شعرووو ونطق
أحمد:ان شاء الله البطل..هزوو وتم خارج
كتشوفهم خارجين بقات مترددة واش تهضر معاه ولالا
حفصة: أحمد ..احم سمحلي نقولك واحد لحاجا
أحمد:(عينيه فالارض و هاز عمران) مرحبا
حفصة: مانقدرش نركب معاك لخواتم و نتا ماشي راجلي حيت…
أحمد:(قاطعها) فهمت و حتى انا ماغاديش نقيسك و نتي ماشي مراتي و الى بغيتي صباح الخطبة ندوزو لعدول ناخدو كتابنا..لمعندكش مشكل
حفصة:(ابتاسمات تحت نقابها) ان شاء الله
احمد: في امان الله (مشا)
عمران:(كيدير ليها باي باي ) باي باي ماما حفشة
كدير ليه باي باي و فرحانة من قلبها امنية قلبها تحققات...مشات لبيتها و اطير بلفرحة و رجعات فيها روح ...دخلات عندها مها و عمتها فرحانين بيها و كيزغرتو و جلسو يتناقشو على شنو ايوجدو و التحضيرات لي ايديرو فلخطبة..
أنت تقرأ
زوجوني منقبة 2🌺مكتملة🌺
العاطفية💎مكتملة💎 زوجوني_منقبة : الجزء الثاني بقلم: Aïcha Mos 💞الجزء الأول من القصة ، كان أول تجربة ليا فهاد النوع من القصص و لي فرحني أنها أثرات فبعض البنات إيجابيا ❤ 💞داكشي علاش قررت نجي بجزء ثاني... بأبطال جداد و أحداث ج...
