"مصيبه صرت حلالي من بعدها"

البارت الرابع (٤)

___________________
في بيت ابو فهد كانوا جالسيين نواف وزوجته الهنوف وبنتهم فاتن دخل عليهم فهد والقى السلام وجلس بجنب اخته كان جالس وسرحان ببحر وقراره انتبهوا له اهله وساله ابوه:وش فيك سرحان
فهد مارد عليه وماكان منتبه لبوه .عقد حواجبه ابوه لانه مارد وكان مازال على سرحانه
رفع صوته لاجل ينبه :وش فيك سرحان يافهههد . هزت فاتن كتفه فهد لاجل ينتبه لابوه انتبه فهد ولف على ابوه :سم يبهه امرني .
ابو فهد : وش فيك سرحان وش عندك .
فهد : ابد يبه سلامتك مافيني شيء بس جللس افكر بالشغل .سكت ابوه وتركه على راحته ورجع فهد لسرحانه..

اما بحر وصل لبيتهم ودخل سلام وباس راس ابوه وامه وجلس في جنب رسيل وكان مايدري كيف يفاتح ابوه بالموضوع تنحنح : اقول يبه
ابو بحر: سم يابوي وش تامر عليه
بحر: سم الله عدوك يابعدي ابي اقول لك اني بفتح فرع جديد قريب من المنطقه
ابو بحر : هذا الكلام الزين ياوليدي افتح يابوي .
بحر : بفتح بس سكت شوي وكمل انا بمسك الفرع .
انصدموا اهله كيف بيمسكه والشركه مين راح يمسكها رد قاسي: طيب اذا بتمسك الفرع من بيمسك الشركه .
بحر: بيستمر فيها فهد ومحمد وانا بروح للفرع.
ام بحر : يب ليه ماتمسك الفرع محمد او شخص ثاني.
بحر : انا ابي امسك الفرع من البدايه يايمه واساسا قريب من المدينه . هزو روسهم بموافقه وسكتوا.

_________________
عند بيلين كانت جالسه ترتب واتصل تلفوانها اخذته وكانت المتصله ريفان ردت عليها :ارحبي ياريفانيي .
ريفان: البقى ياعيونها .كيفك وش فيه صوتك.
بيلين: تمام ياعيوني ،مافيني شيء وينك فيه انتِ

ريفان: في البيت .
بيلين : طيب تعالي مشتاقه لك.
ريفان :طيب ياعيوني بشوف امي اقول لها واخلي عمر يوصلني .
بيلين: تمام انتظرك وقفلت الخط وقامت تكمل شغلها

عند بحر طلع واخذ فهد وطلع يمر الفرع يشرف عليه وبعدها يطلعون للصيد وصل ونزل بحر هو وفهد وقامو يشرفون ويشوفون نواقص لانهم راح يفتتحون الفرع باليوم الثاني كان كل شيء جاهز ومرتب بشكل جميل دخل بحر مكتبه اندهش فهد :اف اف وش هالمكتب الفخم .
بحر بضحكه من صدمه فهد : وين ترى نفس الاول بس غيرت في شيء بسيط
فهد : كل هذا وتقول نفس الاول لا لا في عيونك شيء انت
ضحك بحر وفهد كلهم سوا من تعليقات فهد خلصوا وطلعوا للصيد بدري عشان يرجعون والصباح يفتتحون الفرع طلعوا للبر ونزلوا اغراضهم وشبو النار ومسك فهد القهوه وبدا يسويها وبحر كان يراقب حوله يدور الصيد له خلص فهد القهوه وبدو يتقهون وشاف بحر ارنب ومسك سلاحه وصوبه نحوه وراح له جابه وبدو ينظفون الارنب ويسوون عشاهم عشان يتعشون ويسمرون تحت القمر خلصوا وشالوا اغراضهمو ركبوا سيارتهم ومشى وصل بحر فهد لبيت عمه وراح لبيته دخل ونزل واخذ له شور وانسدح على السرير واخذ جواله ودخل على اسم بيلين وارسل لها: سلاام

_________________
نرجع لوقت العصر عند بيلين خلصت البيت وجهزت القهوه لريفان وراحت تلبس وكان لبسها عباره عن بنطلون جنز وتشيرت سوداء وحطت لها روج وبلشر وجلست تتنظرها لوحدها وكان ابوها وامها طالعيين عندهم موعد بالمستشفى رن الجرس وراحتت بيلين تفتح الباب ودخلت ريفان وضمتها على طول ودخلو وجلسوا يتقهون ولحظت ريفان تغير بيلين سالتها: وش فيك بيليني
بيلين : اسمعي وبدت تسرد لها كل شيء صار معه وريفان منصدمه وبنفس الوقت ضايق خلقها من المصايب الي تجي صاحبتها
ريفان: شوفي ياعيوني الحمدلله فزع لك بحر وحلو انك وافقتي على الاقل تضمنين نفسك مايصير لك شيء .
بيلين: طيب بس انا خايفه ماعرف لشغله وتصير مشكله وبعدها من وين اسدد له
ريفان: لا ان شاء الله وش تصير مشكله مو صاير لك شيء
بيلين : هزت راسها بيليين وجلست تكمل سوالف وتحاول تتجاهل شعورها بالخوف كملوا سوالفهم لين جاء العشاء وراحت ريفان لبيتهم وبيلين خلصت شغلها واطلعت ابوها ادويته وراحت لغرفتها......