صدمة بعد اخرى

البارت الحادي عشر

دعاء: يحجي واني مصدومه من حجيه معقوله كان يشتغل بالمخدرات... لك مصطفى جنت تشرب هم مو

مصطفى: لا يابه ششرب جنت بس اودي البضاعه وانزلهه للسوك

دعاء: ماتوقعتهه منك يعني كلت عليك حقير وجلب بس مو اكولك مو لهاي لدرجه يوميه تصدمني بفعل جديد

مصطفى: المهم هذا حجي قديم وتركتهه

دعاء: شوكت تركتهه

مصطفى: بيوم الخطفتج مكمت اروح التهيت بيج وتركتهه همه مقبلو وصارت مشكله بيناتنه بس همه اليوم ودولي تهديد ويكولون رح يندموني

دعاء: اذا متت اني وين اروح ها لا اهلي يريدوني ولا احد وين انطي وجهي

مصطفى: يعني مفكرتي بيه فكرتي بنفسج

دعاء: مصطفى كله بسببك انت هاي اعمالك ولازم تتحاسب عليهه وفوكاهه جريتني وياك للسواد مالتك محد هسه يريدني او يحبني بسبب اعمال منو اعمالك اكيد

مصطفى: المهم سدي الموضوع وهاي كتلج خاف يصير عليه شي صيري قويه ورجعي لاهلج ماعتقد حيطردوج

دعاء: كاافي سد الموضوع اني تعبانه حنام

مصطفى: اني هم

دعاء: شنو انت هم وين تنام

مصطفى: ليش عندي مكان غير هذا شبيج دعاء

دعاء: تريد تنام بنفس الغرفه

مصطفى: اكلج روحي طافره ومابيه حيل اتناقش رح اجيب فراش ثاني من عادل وافرشه بعيد عنج ما اتقرب يمج لتخافين

دعاء: شحدك تتقرب مني غير الم عليك البيت كوله ومنين خايفه اني جدو شال لسلاح بوجهي مخفت مننه

مصطفى: لعد منو الجان وجهه اصفر وها صدك شنو هذا الكاله عمج رضا شنو صايحتلي حته انقذج موو

دعاء: لاا وانما ضليت اغلط عليك واكول كله بسببك مصطفى

مصطفى بضحك: هاا حلو لعد كومي انطمري لان اني نعست حيل

دعاء: طمره لطمرك لتغلط

مصطفى: شكلتي مسمعت عيدي

دعاء: كلام الملوك لا يعاد

مصطفى: غير تستجن الملكه دعاء

دعاء: طلع مصطفى يجيب الفراش مالته جريت فراشي بنهايه الغرفه وهيه مو جبيره صغيره المهم اهم شي بعيده عنه اجه وقفل الباب وفرش بعيد ونام اني ضليت صافنه نعست ونمت
......................
عادل: اي سابقا يشتغل وياهم وهسه ترك حسب ماكال

محمود: وانت هم جنت تشتغل مو

عادل: ايي ليش اكذب جنه سوه نشتغل وراهه تركت اني وراي بيومين مصطفى كلي تركت

محمود: وهسه شنو المشكله

عادل: البارحه اجاني تهديد واليوم مصطفى كلي هم هددو