عٌيِّنِکْ سِـر هّـلَأّکْيِّ

ريَآنِ سِرمًدٍيَ

"شنو نوع الخطه تريد ادكلي عليه لو مثق بيه"
رامز فهم شخصية سامي كونه غامض وهكذا اشخاص اكيد مراح يسمح ان يتم التدخل في خططه او ما يصبو اليه

"لا سيدي بس خليه سر اكيد راح اكلك شنو  نواياي وهي اجمع اكبر قدر من المعلومات حتى اعرف شلون اخطط وانفذ"
سامي سبق سنه واوانه كونه بنه اساس يمشي علي عكس الجميع كانو متكاسلين ومبتعدين عن الحقائق حتى اصبح اصديادهم سهل وامسو لقمه سائغه يتناولها جميع المجرمين

"هذا شي يرجعلك سوي الي اتريده محد راح يمنعك"
اعطاء اذن لسامي باخذ راحته بكامل عمله هذا شي رائع راح يسمحله يتحرك براحته وجيد لخطه رسمه قبل مايجي ومتوقع راح تفتح ابواب حتى يحل قضيه القرن كما يسمونها

"خليه هنا الصناديق بس عدلهن"
تكلم سامي مع العامل الي يحمل صناديق الخضوات والفواكه فا اسهل طريقه لجمع اكبر قدر من المعلومات هو الشارع وبعد ما اكد على رامز ان يخفي قدومه حتى يكمل جمع المعلومات المفيدة بنسبه اله

"هاهيه كمل كل شي مشكورين شباب توكلو"
حماس سامي كان فوق الموقع بسبب انه بده بتنفيذ خطته بدون اي صعوبه وتيسرت امورة بطريقه غريبه مخيفه ومثيره للفضول هل هو القدر ام ايادي خفيه تلعب من تحت الستار

"صارلي سبوعين والجمعته اقل من كل توقعاتي خرب كلشي خططتله باجر اخر يوم هنا"
نزول سامي لخط السريع هو افضل حل كون الناس همه افضل ناقل للخبار ويمكن كلمه غير مقصودة هي دليل لاكن خوف الناس من الذئب كان واضح بسبب انه سفاح لا يرحم قليل الحديث عنه يطارد الناس حتى في احلامهم

"عندك خوخ"
صوت خشن وبحه يجعل اي شخص يصاب بالقشعريره جعل من سامي يجفل بعد كل هل الافكار الكانت محاوطته

"موجود شكد اخليلك"
انزعاج سامي واضح  بسبب كل مايمر بي في البدايه فتحت الابواب وابتسم الحض لاكن سرعان ما اختفى كل شيء

"انته مين نازل شدعوه هلكد شفاف ميخافون عليك اهلك تنخطف"
كان اسلوب هذا الغريب مستفز مختلط بعض القلق وايضا ملابس سامي مع شخصيته لاتمد باي صله لشخص يمتهن هكذا مهنه

"من جهنم جاي اخذ كم واحد وارجع لجهنم تشتري لو تولي بكيفك بعد"
غضب سامي الغير مبرر كان عجيب هو ما تكلم بسوء عنه بل امتدحه رد فعله كان بغير محله بسبب الكبت العاشه والنتيجه الي طلع بيه

"شحجينه هسه وسندس انزعجت خليلي ست كيلوات واستعجل"
ابتسامه غربيه حلت على وجه المقابل بدل الانزعلج هو ابتسم هذا عجيب وخاصه بالعراق تعامل بسوء بمنطقه ذات طابع عشائري هو يكدر بسهوله يحرگه لاكن اكتفى بالبتسام حقا عجيب