ဗီလိန်ဖြစ်ရန် ကြမ္မာဖန် [Book 2]

(၁၉၂) လင်အိမ်တော်ရဲ့သမီးလက်ထပ်လေပြီ

"မရှိပါဘူး။ ဘာမှကိုမရှိတာပါ...."

"ဒါဆိုအကောင်းဆုံးပေါ့။ ဘာလို့ဆို ကျုပ်က ဒီကိစ္စကို ဘုရင်မင်းမြတ်ဆီတင်ပြတော့မှာ။ ရန်ဖက်နိုင်ငံက သူလျှိုက ရာထူးမြင့်တဲ့ရုံးတော်အမှုထမ်းတွေကို လုပ်ကြံဖို့ကြိုးစားခဲ့တယ်လို့။ ကျုပ်တို့သိထားသလိုပဲ လင်အမတ်ချုပ်ကလည်း သူ့ရဲ့ပစ်မှတ်တွေထဲကတစ်ခုဖြစ်နိုင်တယ်။ အရှင် ဒီကိစ္စကိုမေးတဲ့အခါ အားလုံးကို မခြွင်းမချန်ပြောပြဖို့မျှော်လင့်ပါတယ်"

"တွမ့်ယွင်ရင်က သူလျှိုဆိုတာ အရှင်မင်းသားက ဘယ်လိုလုပ်အတပ်ပြောနိုင်ရသလဲ"
"ကျုပ်မှာ လက်ဆုပ်လက်ကိုင်ပြစရာသက်သေတွေရှိတယ်"

လင်အမတ်ချုပ်တစ်ယောက် ချွေးစေးတွေပြန်သွားတာပဲ။ သူအိမ်တော်ကိုရောက်တာနဲ့ လင်ဖူးရန်ကို ပါးနှစ်ချက်လောက်ဆင့်ကျွေးပစ်လိုက်တယ်။ သူ့မိန်းမနဲ့ သူ့သမီးက တကယ့်ကို ဒုက္ခပေးတာပဲ။ သူ့ရဲ့သိက္ခာရော ဂုဏ်တွေရောကို ဖျက်စီးပစ်လုနီးပါး။ သူ့ကိုနာမည်လိုက်ဖျက်နေတာ သူသည်းမခံနိုင်တော့ဘူး။ အဲ့ဒါကြောင့် ကျီကျန်းရှုကို သူ့သမီးကိုယူမလားလို့ မေးဖို့ တစ်ယောက်ကိုလွှတ်လိုက်တော့တယ်။

ကျီးကျန်းရှုကတော့ သိပ်ကိုသဘောကျတာပေါ့။ အရင်ကတည်းက သူ့၀မ်းကွဲညီမလေးကို သူကကြိတ်ကြိုက်ခဲ့ရတာလေ။ ပျံ့နေတဲ့ကောလဟာလတွေကိုလည်း ကောလဟာလလို့ပဲ သူထင်တာ။ သူ့ညီမလေးက ဘယ်တော့မှဒီလို လျှပ်ပေါ်လော်လီတဲ့မိန်းကလေူမျိုးမဟုတ်ဘူး။ ဒီကမ်းလှမ်းမှုကိုပျော်ပျော်ကြီးကိုလက်ခံတယ်။ သူ့မိသားစု ဘယ်လိုတားတား သူကတော့ဆုံးဖြတ်ချက်ပြောင်းမှာမဟုတ်ဘူး။

ကျီကျန်းရှုက လင်ချန်းဇီနဲ့လက်ထပ်ပွဲအတွက် လ၀က်လောက်ကတည်းက ပြင်ဆင်နေခဲ့တာ။ လင်ချန်းဇီငြင်းချင်ပေမယ့်လည်း ဘာမှမပြောရဲဘူး။ လက်ထပ်တယ်ဆိုရင်တောင် စိတ်ပါလွန်းလို့တော့မဟုတ်ဘူး။ အံ့သြစရာကောင်းအောင်ပဲ မင်္ဂလာပွဲက ချောချောမွေ့မွေ့ပြီးသွားခဲ့တယ်။ ဘယ်သူမှလည်းလာမနှောကိယှက်ကြဘူး။ အဲ့အစား ပိုင်ရှန်းရှို့ဆီကိုပဲ နှောက်ယှက်မယ့်တစ်ကောင်ရောက်လာလေတယ်။