Burmese Translation of "Doomed to be Cannon Fodder".
Translator - NC
(၂၂၅) ချန်ထောက်၏ သေခြင်းသူမ တစ်ခဏလောက်တော့ ငေးကြောင်သွားမိတယ်။ စုန့်ကျောင်းယွဲ့ သူမ ဘေးနားကို လဲမကျလာသေးခင် အထိပေါ့။
"စုန့်... သခင်၊ စုန့်သခင်" သူ့ကျောပြင်မှာ ဒဏ်ရာပြင်းပြင်းထန်ထန်ရသွားတာ သူမ တွေ့လိုက်ရလေတယ်။ ထက်လွန်းတဲ့ ဓားနဲ့ ခုတ်မိသလို အကွဲရာ အစင်းရှည်ကြီး။ သွေးစိမ်းရှင်ရှင်က အဆက်မပြတ်ကျလို့နေတယ်။ ပိုင်ရှန်းရှို့ သူ့မျက်နှာကို ပွေ့ထူကြည့်လိုက်ရင်း သူ အသက်ရှူနေသေးရဲ့လား စမ်းကြည့်လိုက်တယ်။ သူ အသက်ရှူနေသေးတာကို သိရတော့မှ သူမ စိတ်နည်းနည်း အေးရတော့တယ်။ ဒါပေမဲ့ သူမ ရင်တွေ တုန်နေတုန်းပါပဲ။ သူ ဘယ်တော့မှ ပြန်မနိုးလာတော့မှာကို ကြောက်တာ။
"လာကြပါဦး၊ သခင်စုန့်ကို ကယ်ကြပါဦး" သူမ အော်ခေါ်လိုက်တော့ တစ်ယောက် ခုန်တက်လာပြီး စုန့်ကျောင်းယွဲ့ကို အောက်ထပ်ဆီ သယ်သွားပေးတယ်။ သူတို့ လှေကားပေါ်က ဆင်းလာတော့ ပြင်းပြင်းထန်ထန် ဒဏ်ရာရထားတဲ့ ရန်သူ့ရဲမက်တွေကို တွေ့ရတော့တယ်။ သူတို့တွေထဲမှာ ဒဏ်ရာ အပြင်းထန်ဆုံးက ချန်ထောက်ပဲ။ ပေါက်ကွဲမှုကြောင့် သူ့ခြေတစ်ဖက်က လုံးဝကြေမွသွားပြီ။ သေလုမြောပါး ဒဏ်ရာတွေကြောင့် သူ သတိလစ်နေတာ။ ပြီးတော့ မမျှော်လင့်ဘဲ တိုက်ခိုက်ခံလိုက်ရတာကြောင့် သူနဲ့ အတူပါလာတဲ့ ရန်သူစစ်သည်တွေအကုန် အဖမ်းခံလိုက်ရတာ။ အထိအခိုက်အကျအဆုံးတွေလဲ ရှိခဲ့တယ်။ရဲမက်တစ်ယောက်က မေးလာတယ်။ "ပိုင်သခင်မ၊ ကျွန်တော်တို့ ဒီလူတွေကို ဘယ်လို လုပ်လိုက်ရမလဲ" သူတို့ကို ဒီနေရာဆီ ဦးဆောင် ခေါ်လာတဲ့ သခင်စုန့်က အခု သတိလစ်မေ့မြောနေတာဆိုတော့ သခင်မပိုင်ကိုပဲ မေးကြရတော့တယ်။ သူတို့ အမြင်မှာတော့ ပိုင်သခင်မက အများကြီး ကူညီပေးဖူးတဲ့ ဉာဏ်ပညာပြည့်ဝတဲ့ အမျိုးသမီးတစ်ယောက်ပဲ။
"သူတို့ကို ဖမ်းခေါ်သွားပြီး အကျဉ်းချထားလိုက်၊ ဒဏ်ရာရနေရင် ဆေးကုထားပေး၊ မသေစေနဲ့ မဟုတ်ရင်... ဘာမှ စစ်မေးလို့ ရတော့မှာ မဟုတ်ဘူး"
CZYTASZ
ဗီလိန်ဖြစ်ရန် ကြမ္မာဖန် [Book 2]
Romansဗီလိန်ဖြစ်ရန် ကြမ္မာဖန် (ဒု- တွဲ) အမျိုးသမီးဇာတ်ရံအဖြစ် သူမ ဝတ္ထုတစ်အုပ်ထဲ ရောက်သွားခဲ့တယ်။ အဓိကဇာတ်လိုက်မင်းသားကို တစ်ဖက်သတ်စွဲမက်နေခဲ့တဲ့ ဇာတ်ကောင်ပေါ့။ သူမမှာ သူ့လက်ကိုတောင် ဆုပ်ကိုင်ခွင့်မရလိုက်ဘဲ အရှင်လတ်လတ်ရိုက်သတ်ခံရမယ့် ကြမ္မာရှိနေတယ်လား...