ازقة الموت
زينب العبودي
البارت 11
سمعت عماد يسلم على بابا كمت رأساً ورحت عليهم اول مشافني باوعلي بعتب وكال
الحمدلله على سلامتج خاتون
الله يسلمك
بابا گله يتفضل دخل كعد وگلي بابا ميسم جاي سوي باوعت عليه مستغربه
يمكن طبيعيه هاي الكلمه لكل قارئ اول مشاهد
بس احنه الي منعرف معنى وجود الاب بحياتنا نستغربهه كانما بيت شعر مو مجرد جمله عاديه
بابا ميسم سوي جاي
بابا كلمة بيهه هواي معاني واحاسيس هالكلمه تعني الكون كله
تعني الامل التغلب عن كل مصاعب الحياة
لان بابا تعني اب والاب يعني القوة
رحت بسرعه خليت القوري على الطباخ وابتسامتي مرسومه على شفتي وعيوني بيهه سعاده متنوصف
هالكلمه من نطقهه هو نستني مخاوفي كلهه
لو زهراء سامعه هالكلمه قبل بروتين حياتنا
جان موصلت للي وصلته
اساساً هي لان مسمعتهه تذمرت خسرت هواي
جانوا يسولفون واني اجهز الاستكاين دار عماد
عماد-يمعوده دعوفي الچاي تعالي كعديلي هنا وسولفيلي وين جنتي شلون رجعتي
ولو اعرف الوين جنتي اوف منج يا ميسم شلون تسوين هيج
اجيت هسه راح اصب الجاي كلشي ماكو تره
كتله ال بابا ابتسمت لا ارادياً وكملت كلامي
الي صار
صبيت الجاي واخذته قدمته جر الطبله بابا وگلي عاشت ايدج حبيبتي
باوعت عليه عيني بعينه صارت مبتسم بس هز راسه كانما يعتذر مني عن حرمان سنين الهاي المشاعر
كعدت وسولفتله مثل مگلت ال بابا بس هو ممقتنع نظراته جانت تگول كاعد تجذبين خاول اتهرب من نظراته
جان يريد يستفرد بيه ويسألني بس بابا جان كاعد اضطر يكوم وكال امرلكم غير مره
من كام بابا فتح ويا موضوع ليث وگله
عماد انت صحفي ليش ما تنشر صور ليوثي بلكت الله ونلكاه
ميسم-اي صدك عماد فدوه سوي هذا الشي اذا تكدر بلكت الله نلكاه ولو اني من دخلت هناك أيست بعد الكاله اثر
عماد-ليش ششفتي هناك
ميسم-باوعت عليه بس بالي راح بعيد عنه صار الي شفته كله كبال عيني بصوره مسرعه احس گلبي انقبض
كتله بصوت بي نبرة حزن
يعني، اول مدخلت هناك شفت هواي شكول تخوف وبيهم الي ماعنده رحمه
-شلون ساعدتج المره الي ذكرتيهه
باوعت عليه كبل وخرت عيني من عينه وكتله
