ادمنت حدة عينيه

بارت 48

بقيت صافن وين راح يصفى بينه الوكت ليش كلشي يعكس وياي كون باجر نتيجة خزعة فتون تطلع زينه حتى اگدر التفت لشغلي

الصيدليه جبيره والثقه بس سالار وساران ومحمد والصيدليه الثانيه لو ما عمر ومحمود ما يمشون عدل ومرات زيد يروح يمهم اجت رساله من ابوي فتحتهه

واثق ـ شبيك گاعد

نائل ـ ماكو شي هسه انام

واثق ـ بيكم شي

نائل ـ لا الحمد لله ماكو شي

واثق ـ شلونهه فتون

نائل ـ زينه نامت

واثق ـ گلي بالنتيجه اول ما تستلمهه ترا يضل بالي

نائل ـ ابتسمت ورديت تأمر أمر سديت النت وبقيت گاعد

سبحان الله نفس الگعده كلشي يذكرني بذيج الايام وينعاد علي گعدت قبل هيج گعده ومشغل قصيده وجنت متمني فتون تحبني بس

وهسه منتظر نتيجة الخزعه فزيت على لزمت ايدهه الي ها حبيبي ليش ما نمتي

فاتنه ـ شبيك نائل اكو شي

نائل ـ لا سلامتج ارجعي نامي شوي واجي وراج الدخان مو زين عليج روحي حبيبي روحي ارتاحي

فاتنه ـ بس

نائل ـ روحي فتون شوي واجي والله روحي حبيبي

فاتنه ـ تمام بسته بخده راح انتظرك ما انام

نائل ـ لا نامي يعمري بس يصفى بالي اجي يمج صدگيني

فاتنه ـ تمام عفته ودخلت سبحت ونشفت شعري ونمت لان اتأخر هواي هو اذا بباله شي هيج يبقى يفكر حتى اني ما زار عيني النوم

قريب الفجر شفته دخل اخذ ملابسه وراح للحمام بعد كل مره يدخن يسبح حتى لا اشم بي دخان شوي واجه تمدد

نائل ـ ليش ما نمتي فتنتن

فاتنه ـ ما ادري ما مرتاحه

نائل ـ ليش شبيج التفتي علي بله

فاتنه ـ التفتت ها

نائل ـ ليش عيونج مغورگه شكو بيج شي يوجعج شي

فاتنه ـ ماكو شي هيج ضايجه ضميت وجهي بصدره وحضنت بطنه نام حبيبي

نائل ـ خايفه مو

فاتنه ـ هزيت راسي اي

نائل ـ لميتهه بحضني نامي حبيبي ماكو شي الله كريم نمت شوي وگعدت على صوت المنبه گمت غسلت وبدلت فتون فتونه يله تنبولي اگعدي

فاتنه ـ خليني نايمه نعسانه والله

نائل ـ ما أأمن اخليج وحدج هنا گومي وياي يله

فاتنه ـ اهوووو نائل نعسانه والله

نائل ـ ميخالف حبيبي يله گومي اجهزي بسرعه يله