" တီလေး ... ဆိုင်အစောကြီးပိတ်လိုက်တာလား ..."
" မပိတ်ပါဘူးသားရယ် ... ဝယ်သူမကျတုန်းလေး ပန်းပင်လေးတွေအပြေးအလွှားရေလောင်းနေတာ ..."
" ပန်းပင်ရေလောင်းတာက ကျွန်တော်ပြန်လာမှလုပ်လည်းရပါတယ် ... တီလေးအပင်ပန်းခံစရာမလိုပါဘူး ..."
" မပင်ပန်းပါဘူးတော် ... ဒီလိုလုပ်နေရမှ တီလေးက စိတ်ချမ်းသာတာ ... ပြီးတော့ ဆိုင်ကလည်း မိဖြူလေးရိှနေတာပဲ တီလေးပင်ပန်းတာမှမဟုတ်ဘဲ ..."
" အင်းပါ ... တီလေးအဆင်ပြေရင်ပြီးတာပါပဲဗျာ ..."
" သွား သွား ... ပင်ပန်းနေကြရောပေါ့ ... ရေလေးတစ်ခွက်စီသောက်ပြီး ခဏသွားနားကြ .. ပြီးမှ ရေချိုး "
တီလေးကို ခေါင်းငြိမ့်ပြရင်း ပူတူးလေးကို သူနဲ့အတူခေါ်ကာ အိမ်ထဲဝင်ခဲ့လိုက်သည်။စျေးဆိုင်က အိမ်နှင့်တွဲရက်ဟုဆိုသော်လည်း အရမ်းဆူတူညံညံတော့မရှိပေ။
အိမ်မှာနေရင်း အပိုဝင်ငွေလေးရချင်တာကြောင့် တီလေးက စျေးဆိုင်လေးဖွင့်ထားခြင်းပင်။စီးပွားဖြစ်အကြီးကြီးတော့မဟုတ်ပါ။
နှစ်ထပ်အိမ်လေးကိုမှ ခေါင်းမိုးထပ်မှာ ညဘက်တွေ လေညှင်းခံလို့ရအောင် ဝရံတာ သဘောမျိုးလေးလုပ်ထားဖြစ်၏။ပန်းအိုးအသေးလေးတွေနှင့် ထိုင်ခုံလေးအချို့ကိုလည်းပြင်ဆင်ထား၏။
စိတ်ထဲ အထီးကျန်သလို၊တာဝန်တွေပိနေသလိုခံစားရတဲ့အခါမျိုးဆို ထို ခေါင်မိုးထပ်လေးပေါ်တက်ပြီး ဂစ်တာတီးကာသီချင်းဆိုတက်၏။ဒါဟာ သူ့အတွက် စိတ်အပန်းဖြေနည်း တစ်မျိုးပင်။
.......၊
" ဆရာ ... ဒီအိမ်က အစ်ကိုလေးညွှန်းဆိုရာတို့အိမ် ..."
မီးရောင်မှိန်ပြပြအိမ်လေးကိုလက်ညှိုးထိုးပြလာသော လွန်းဒီကြောင့် မော်ကွန်းသေချာကြည့်မိ၏။
" ရပြီ ... မင်း ကားငှားပြီးပြန်လိုက်တော့ .."
" ဆရာ ပြန်ဖို့အဆင်ပြေလား "
" ပြေတယ် "
ဆရာ့စကားဆုံးသည်နှင့် လွန်းဒီ ကားသော့ကို ဆရာ့ထံပေးလိုက်၏။ထူးထူးဆန်းဆန်း ဒီနေ့မှ အစ်ကိုလေးညွှန်းဆိုရာတို့အိမ်ကို လိုက်ပို့ခိုင်းလာသော ဆရာ့ကြောင့် လွန်းဒီမျက်ခုံးခတ်လှုပ်လှုပ်ဖြစ်နေမိ၏။
YOU ARE READING
ကြွေလွင့်သွားသော/ေႂကြလြင့္သြားေသာ
Fanfictionကြွေလွင့်သွားပြီးပြီပဲ ... ဘာလိုချင်သေးလို့လဲ ...၊ ေႂကြလြင့္သြားၿပီးၿပီပဲ ... ဘာလိုခ်င္ေသးလို႔လဲ ...၊
Part 6
Start from the beginning