انتقام السلطانة ( قيد الكتابة )

الجزء الرابع عشر..

الزعيم : دى زى القطط بسبع ارواح يا سامية وكدا مش هينفع لازم نتصرف في اقرب وقت

المجهولة التانية( فريدة ) : انا ممكن اخلى حازم ابني يساعدنا وهو بيكرهم

الزعيم : ايوه صح فعلا عندك حق

اخذ الزعيم سامية و فريدة الي غرفة النوم وكانوا بملابس كاشفة

____________________________________

في شركة الجارحي بمكتب مالك

كانت معه احد سيدات الاعمال التي بينهم صفقات وعمل وكانت تتكلم مع بدلع

دخلت نورين( السكرتيرة لو فاكرين ) بالقهوة وهى تقدمها لها اوقعتها عليها بقصد وقالت بأسف مصطنع : سورى اصلي مش شايفة من كتر الالوان( وكانت تقصد كثرة الميكب )

كتم مالك ضحكته بصعوبة

سيدة الاعمال( شاهي): انتي ازاى يا بتاعة انتي يا سوفاج تعملى فيا انا مده

و وجهت كلامها لمالك وقالت بدلع مقرف ومحاولة اغرائه : ايه يا مستر مالك ازاى بتشغل ناس زى دى سوفاج كدا

نورين : سوفاج في عينك يا عقربة ومالها دي ياختي مشبهش ولا مشبهش

مالك لشاهي بحدة : آنسة شاهي الزمي حدودك لو سمحتي انا ميصحش انك تكلمي حد شغال معايا كده واعتبرى الشغل ما بينا انتهي

خرجت شاهي وهي تحقد علي نورين

نورين بغضب بعدما خرجت : والشغل انتهي ليه بقي يا بيه مانت مش بتحب غير الصنف الي بيلبس محزق وملزق ومدلعة وحطى كيلو بودرة ودهان علي وشها ومليطاه

مالك بضحك : مليطة وشها عندك حق بتكون مدياه وش محارة

ضحكت نورين بشدة

مالك بهيام : ضحكت يعني قلبها مال وخلاص الفرق ما بينا اتشال

نورين بخجل : بس يا مالك

مالك بضحك علي خجلها : قولى لعمي اني جاي اطلب ايدك وحدديلي معاد معاه

نورين بغباء : وانت هتعمل ايه بأيدى
وسرعان ما فهمت وخجلت بشدة
وخرجت خارج المكتب

ابتسم مالك عليها
____________________________________

في قصر الجارحي
على السلم كانت يارا تتنزل وتمسك هاتفها بأهتمام خبطت في كنان الذى كان يمسك اوراق الصفقات رفعت رأسها وجدته كنان نزلت لتحضر هاتفها ونزل هو الأخر ليحضر الورقة واصتدمت دماغهم ببعض

يارا بأسف : سورى مكنش قصدى يا باشمهندس كنان

كنان بأسف : لا انا الى اسف مكنش قصدى
ثم اكمل بجدية وقال : بلاش باشمهندس دى ممكن نرفع الالقاب ونبقي اصحاب

يارا بفرحة وتأكيد : اكيد طبعا ينفع وبعد اذنك يا

كنان بترقب : يا ايه